Auzitegi Nazionalak epaitu egingo ditu Jorge Fernandez Diaz eta taldekideak Barcenas zelatatzea egotzita
Manuel Garcia Castellon Auzitegi Nazionaleko epaileak ahozko epaiketa irekiko du Kitchen auziaren harira, eta Jorge Fernandez Diaz Espainiako Barne ministro ohia eta horren lantaldea eseriko ditu akusatuen aulkian, Gürtel auziko dokumentuak lortzeko Luis Barcenas PPko diruzain ohia zelatatzea leporatuta.
Villarejo auziaren instrukzioa daraman magistratuak gaur ebatzi du ahozko epaiketa irekitzea hamaika akusaturen aurka, Francisco Martínez Barne Ministerioko bigarrena zena, Eugenio Pino polizia-operazioen zuzendariorde ohia eta Jose Manuel Villarejo komisarioa tartean.
Lehenengo biei eta ministro ohiari 120.000 euroko fidantza ezarri die ardura zibilagatik, baina epaileak errefusatu egin du PP arduradun zibil gisa epaitzea, PSOEk eskatu bezala, eta Estatuko Administrazio Orokorraren esku utzi du aukera hori, akusatuak errudunak direla frogatuz gero.
Fiskaltzak 15 urteko kartzela-zigorra eskatzen du Fernandez Diazentzat eta Francisco Martinezentzat, operazio parapoliziala leporatuta. Barne Ministerioaren bitartez, eta diru bereiziak erabilita, Gürtel auzian PP eta alderdiko kideak jopuntuan jar zitzaketen dokumentuak lortzeko Barcenas eta senideak zelatatzeko operazioa egin izana egozten die.
Ustelkeriaren aurkako Fiskaltzaz gain, Estatuaren Abokatuak, PSOEk, Podemosek eta Barcenas familia egiten ari dira akusazio lanak.
Sekretuak azaleratzea, prebarikazioa, delituak jazartzeko betebeharrari muzin egitea, eroskeria eta diru publikoa bidegabe erabiltzea dira leporatzen dizkieten delituetako batzuk. PSOEren, Podemosen eta Barcenas familiaren kasuan, gainera, talde kriminala eta legez kanpoko elkartea osatzea egozten diete.
Zure interesekoa izan daiteke
Epaileak ukatu egin dio Begoña Gomezi NATOren goi-bilerara joatea, baina Londresera bidaiatzeko baimena eman dio
Gomezen defentsak uztailaren 7tik 10era Espainiatik irtetea eskatu zuen, NATOk Turkian egitekoa duen goi-bilerara joateko eta, ondoren, Londresera, alabaren graduaziora.
Hamasek Gazako gobernua utzi du eta Palestinako batzorde teknokrata bati eman dio boterea
Hamas desegin ondoren, organo horrek eskualdea kudeatu beharko du, su-etenean jasotako jarraibideei jarraituz.
Lehendakari bat aurrenekoz txupinazoan: "Beste herritar bat bezala, kalean ibiltzea da nire helburua"
Lehen aldia da jardunean dagoen lehendakari bat San Fermineko txupinazoan udaletxean dagoela gonbidatu gisa eta ETBko saio berezian izan da. "Jendeak gozatzea, bakean eta errespetuz", hori espero du Imanol Pradalesek.
Juanma Morenok Andaluziako presidente kargua hartu du hirugarrenez
Juanma Moreno Andaluziako Alderdi Popularreko buruak hirugarrenez hartu du Juntako presidente kargua. San Telmo Jauregian egin da ekitaldia eta bertan izan da Manuel Gavira presidenteordea, Voxen Andaluziako burua. Karguaren zina egin ostean Andaluziako presidentea "harro" agertu da. Aipamena egin die Andaluzian jaio zirenei eta baita "gaur egun kanpotik etorri eta berea den lurrarekin konpromisoa hartu dutenei" ere. Voxekin koalizioan abiatu duen legealdia "emankorra" eta "luzea" izatea espero duela gaineratu du.
Matutek, Sanchezen gobernuaren "egoera delikatuari" buruz: "Gobernatzea ez da eustea"
EH Bilduk Kongresuan duen diputatu eta bozeramaile ondokoak uste du gobernu bat zuzentzeari "helburu bat" eman behar zaiola, eta kasu honetan "eskubide sozial, demokratiko eta nazio anitzen agendan aurrera egitea" dela.
Ehunka lagun kalera atera dira Iruñean preso eta iheslaririk gabeko jaiak aldarrikatzeko
Sare taldeak adierazi duenez, presoak eta iheslariak Euskal Herrira itzultzeko prozesua "eskailerako azken mailan" dago, eta hori gainditzeko ohiko espetxe-legedia aplikatzeko eta mobilizazio sozialarekin jarraitzeko deia egin du, sanferminen hasierarekin bat eginez.
Transferentzien akordioa ez betetzea "errespetu falta onartezina" dela ohartarazi dio lehendakariak Sanchezi
"Beti 'ezetz' esaten duen eta proposamenik egiten ez duen horma baten aurka egin dugu talka", azaldu du Imanol Pradalesek, Jaurlaritzak asteon zenbait Ministeriorekin egindako bilerei buruz. Horregatik, aldeen arteko konfiantza "gero eta txikiagoa" dela ohartarazi dio Espainiako Gobernuko presidenteari.
EAJk berretsi egin du Bilboko Alkatetzarako Mikel Hidalgoren hautagaitza
Bilboko 33 urteko politikaria hautagai bakarra izan zen, eta aho batez babestu dute EAJren 13 udal batzarrek.
Albiste izango dira: Imanol Pradales lehendakaria Madrilen, beroa bueltan eta irteera operazioa
Gaurkoan Orain-en albiste izango direnen laburpena, bi hitzetan.
Lonjetan etxebizitzak eraikitzeko ordenantza amaitzear du Gasteizko Udalak, prezio mugatuekin eta espekulazioa saihesteko neurriekin
Maider Etxebarria alkateak politika orokorreko osoko bilkuraren lehen eguna aprobetxatu du, besteak beste, Udal gobernuaren hiru urteen balantzea egiteko, besteak beste, etxebizitza arloan. Osoko bilkurak oposizioaren erreplikekin jarraituko du ostiralean, baina hiru alderdiek, EH Bilduk, PPk eta Podemosek, dagoeneko adierazi dute euren atsekabea eta "etsipena".