EAJk, EH Bilduk eta PSE-EEk atzera bota dituzte Hezkuntza Legearen proiektuaren aurkako osoko zuzenketak
Hezkuntza Legearen proiektuak, legegintzaldi honetako garrantzitsuenetakoak, beste aurrerapauso bat eman du gaur Eusko Legebiltzarrean, Elkarrekin Podemos-IUk, PPk, Ciudadanosek eta Vox ultraeskuineko alderdiak aurkeztutako osoko zuzenketak atzera bota ondoren, EAJ, EH Bildu eta PSE-EEren ezezko botoei esker. Horrela, taldeek aurkeztutako zuzenketa partzial guztiak eztabaidatzeari ekingo diote.
Horrela, PPren, Voxen, Ciudadanosen eta Elkarrekin Podemos-IUren osoko zuzenketak bertan behera geratu dira. Azken koalizio horrek hezkuntza ituna sinatu zuen, baina lege-proiektutik aldendu zen, EAJrekin, PSE-EErekin eta EH Bildurekin sinatutako akordioa ez dela errespetatu argudiatuta.
Hurrengo urratsa talde guztiek aurkeztutako 300 zuzenketa partzialak eztabaidatzea izango da. Eusko Jaurlaritzak espero du eztabaida hori bi hilabetean egitea, legea urtea amaitu baino lehen onar dadin.
Hizkuntza ereduak ere hizpide izan dira gaurko eztabaidaren zati handi batean, eta EH Bilduk argi utzi du ez duela legea "edonola" babestuko. EAJk eta PSE-EEk hizkuntza ereduen indarraldia argitzen duen zuzenketarekin, alderdi horiek "joko arauak aldatzen eta prozesua okerrera baldintzatzen" ari direla ziurtatu du Ikoitz Arrese koalizioko legebiltzarkideak, eta ohartarazi du bere taldeak ez duela babestuko "Eusko Jaurlaritzaren barne oreka alderdikoiei erantzuten dien" lege bat.
Maria Jesus San Jose legebiltzarkide sozialistak Arreseri erantzunez esan du "deigarria" dela esatea errealitate soziolinguistikoa jasotzeak prozesu osoa baldintzatzen duela, eta baieztapen hori zuzenketa batean "Euskal Herriak nazio izateko duen eskubidea" jasotzen duen talde batek egitea. "Bide horretatik bazoazte, arazo bat duzue", ohartarazi die.
Lehentxeago, legea defendatzeko txandan, Jokin Bildarratz Hezkuntza sailburua ziur agertu da zuzenketa partzialen eztabaidan taldeak gai izango direla horren inguruan akordioak lortzeko.
"Legea ahalik eta adostasun handienarekin onartzeari eman behar zaio lehentasuna. Gure gizartea aldatu egin da, ereduak ere bai. Hortik aurrera, errealitate berrira egokitzea dagokigu", adierazi du.
Legeak 1993tik indarrean dagoena ordezkatuko du, eta alderdi garrantzitsuak arautuko ditu; itunpeko ikastetxeetako kuoten amaiera tartean. Hala ere, eztabaidaren gai nagusia, ziurrenik, hizkuntza ereduena izango da.
EAJk eta PSE-EEk hizkuntza ereduei buruzko zuzenketa adostu badute ere, interpretazio ezberdinak daude bi alderdien artean. Sozialistek uste dute zuzenketa horrek egungo ereduen jarraipena bermatzen duela, baina Jokin Bildarratz sailburuak eredu horiek eguneratzearen alde egin du, ikastetxe bakoitzak bere hizkuntza-proiektua erabaki ahal izan dezan. EH Bildu ere ez dago ados idatziarekin, eta azalpenak eskatu ditu.
Dena aurreikusitakoaren arabera badoa, legea legegintzaldi honetan onartuko dute. Hala ere, eskola publikoaren aldeko elkarteak eta sindikatuak legearen aurka daude, uste dutelako ez duela sare publikoa irakaskuntza-sistemaren erdigunean jartzen eta ez diela konponbiderik ematen jatorri sozioekonomikoaren araberako bereizketa-arazoei.
Albiste gehiago politika
Eneko Andueza konbentzituta dago 'Koldo auziak' ez duela PSE-EEn eraginik izango
PSOE eta Nafarroak Alderdi Sozialista astintzen ari den ustezko ustelkeria kasuaren aurrean, Eneko Andueza PSE-EEko idazkari nagusia konbentzituta dago ez duela eraginik izango Euskadiko Alderdi Sozialistan. Halaber, sozialistak kritikatzen ari direnei zuhur jokatzeko gomendioa egin die. Izan ere, horren esanetan, orain fokoa sozialisten gainean badago ere, litekeena da auzia beste alderdi batzuengana ere zabaltzea.
Maria Chivite: "Erortzen dena erortzen dela esan nuen, eta betetzen ari naiz"
Ramon Alzorriz PSNren idazkariorde nagusi eta Parlamentuko bozeramailearen dimisioaren ostean, Maria Chivite Nafarroako Gobernuko presidenteak agerraldia egin du hedabideen aurrean, eta adierazi du berak ez duela "dimititzeko argudiorik".
Chivite, Alzorrizen dimisioa dela eta: "Erortzen dena erortzen dela esan nuen, eta betetzen ari naiz"
Maria Chivite Nafarroako presidenteak ez du dimisioa emango eta nabarmendu du ez dagoela ez bera, ez Nafarroako Gobernua eta ezta PSN alderdia ere ustelkeria kasuekin lotzen duen ezer.
Semper: "EAJ jabetzen hasi da PSOEk halako batean botata utzi egingo duela"
PPren bozeramailearen arabera, "Euskadin etorkizunerako aukera aritmetikoa PSE Bildurekin joatea da, EAJ albo batera utzita".
Lehendakariak baztertu egin du 'Cerdan auzia'k EAJ/PSE-EE gobernuari kalte egingo dionik: "Egonkortasuna zaintzea garrantzitsua da"
"Zorionez, Euskadin bestelako giro politikoa dugu. Ez gaude madrildarren lokaztian", adierazi du lehendakariak 'Cerdan auzia'k Euskadin izan ditzakeen ondorioez galdetuta.
"Sanchezek irmoago, gardenago eta azkarrago jardun behar du"
Lehendakariaren ustez, Espainiako Gobernua "beste fase batean sartu da", azken egunetan ezagutu diren ustezko ustelkeria kasuen ostean. "Egoera oso larria da, eta zapaldu ezin daitekeen ildo etiko bat dago jokoan", gaineratu du Pradalesek.
Imanol Pradales: 'Akordio batzuk zabalagoak izatea gustatuko litzaidake'
Lehendakari izan den lehen urtean zer ez den ondo egin galdetu diotenean, Imanol Pradalesek esan du gustatuko litzaiokeela "akordio batzuk zabalagoak izatea, batez ere aurrekontuen arloan". Gainera, lehendakariak kritikatu du zenbait unetan gobernukideek desadostasun puntuak jendaurrera eramatea. "Aldez aurretik sukaldeko lana eginda saihestu genitzakeen", gaineratu du.
Alzorrizek dimisioa eman du PSNko idazkariorde nagusi gisa, bere bikotekideak Servinabarren lan egin zuela onartu ondoren
Alzorrizek ere dimisioa eman du Nafarroako Parlamentuko PSNren bozeramaile gisa, baina parlamentari bezala jarraituko du. Prentsaurrekoan jakinarazi duenez, bere bikotekideak Belateko tuneletako eraikuntzan parte hartu zuen Servinabar enpresan lan egin du. UCOk adierazi du Cerdan enpresa horren % 45en jabe zela.
Berdintasun ministroak prostituzioa debekatzeko lege proposamena eramango du irailean Ministroen Kontseilura
Ana Redondo ministroaren esanetan, "Espainiako gizartea eraldatuko duen legea izango da", eta "prostituzioa eta matxismoa desagerrarazteko bide horretan" lagunduko du.
EAJk eta EH Bilduk ustelkeriaren aurka irmotasun handiagoz jardutea eta itunak betetzea eskatu diote Sanchezi
Bi euskal alderdiak Espainiako Gobernuko presidentearekin bildu dira asteazken honetan, Moncloan, 'Cerdan auzia'k irekitako krisiaren harira. Biek ala biek erregenerazio demokratikoa eta erantzukizuna eskatu diote Sanchezi, baina ñabardura ezberdinak izan dituzte, tonuari eta eskakizunei dagokienez.