EIren aurkako "nazioarteko koalizioa" Hamasen kontra egiteko baliatzea proposatu dio Macronek Netanyahuri
Emmanuel Macron Frantziako presidenteak Estatu Islamikoaren aurkako "nazioarteko koalizioa" Hamasen kontra egiteko aprobetxatzea proposatu dio Benjamin Netanyahu Israelgo lehen ministroari.
"Hamas Israelgo Estatua suntsitzea helburu duen talde terrorista bat da, Estatu Islamikoaren, Al Kaidaren eta bere kideen kasua ere bada, ekintzan zein asmoan. Lehentasuna, zuena, baina baita demokrazia guztiena eta Frantziarena ere, talde horiek garaitzea da", esan du Macronek Netanyahurekin batera emandako prentsaurrekoan.
Macronek azaldu du Israelera joan dela Frantziak etsai komunaren, "terrorismoaren", aurrean duen elkartasuna adieraztera, eta Israelek Hamas talde islamistaren aurrean "defendatzeko duen eskubide legitimoa" azpimarratu du. Izan ere, urriaren 7an Israelen aurkako eraso batean 1.400 pertsona baino gehiago hil eta beste 222 bahitu eta Gazako Zerrendara eraman zituzten talde islamistako milizianoek.
Ondoren, gerra gordineko 18 egunetan, Israelek ez ditu bonbardaketak eten Gazako Zerrenda osoan. Erasoek 5.700 hildako eta 16.200 zauritu baino gehiago utzi dituzte dagoeneko, horietatik % 70 haurrak, emakumeak eta adinekoak.
Palestinarren eta Israelen arteko gatazkari konponbide iraunkorra emateko negoziazioei berriro ekitearen garrantziaz hitz egin du Frantziako presidenteak, estatu palestinar bat sortuz. Macronen ahotan, Israelek onartu egin behar du "palestinarrek beren Estatua izateko duten eskubide legitimoa".
"Borrokak errukirik gabe izan behar du, baina ez araurik gabe", ohartarazi du Macronek, demokraziek "gerrari buruzko legeak errespetatzen dituztela, laguntza humanitarioa bermatzen dutela eta zibilak ez dituztela jomugatzat hartzen. Ez Gazan, ez inon", nabarmenduta.
Era berean, laguntza humanitario gehiago sartzeko eta "gaixo eta zaurituentzako ospitaleetan argindarra berrezartzeko" eskatu du, "hori gerrarako erabili gabe".
Bestalde, Netanyahuk ziurtatu du denek gal dezaketela, ez Israelek bakarrik, Hamasek gerra hau irabazten badu. "Europa arriskuan legoke, guztiak arriskuan leudeke, zibilizazioa arriskuan legoke (...) Horregatik, borroka hau ez da gurea bakarrik, zuena da, Ameriketako Estatu Batuena, Ekialde Erdiko eta mundu arabiarraren etorkizunerako borroka bat", gaineratu du.
Zure interesekoa izan daiteke
Espainiako Gobernuak baztertu egin du adostasunik ez duten neurriak krisiaren aurkako planean sartzea
Alokairuko etxebizitzetan bizi direnei nolabaiteko babesa emateko neurriak negoziatzen ari dira oraindik. Dekretua ostiralean onartuko dute Ministroen Kontseiluan eta datorren astean bozkatu Kongresuan.
Bengoetxea: "Euskara defendatzea batzea da, ez baztertzea"
Korrikaren inguruan sortutako polemikaren harira, Ibone Bengoetxea Eusko Jaurlaritzako Kultura eta Hizkuntza Politikako sailburuak esan du Korrika beti izan dela "euskararen inguruko topagune sozial handia", eta "garrantzitsua" dela "batzen duen espazioa izaten jarraitzea". "Ez da harresi edo lubaki gehiagorik behar. Euskarak zubiak behar ditu", adierazi du.
Etchegarayk ez dio sinesgarritasunik eman Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogorarazi die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.