Sanchezek esan du "Espainiaren interesagatik" eta "elkarbizitzagatik" onartu nahi duela orain amnistia
Pedro Sanchez Espainiako jarduneko presidente eta PSOEren hautagaiak esan du Katalunian amnistia bat onartzearen alde dagoela, aukera bakarra dagoelako gobernu bat egon dadin eta hauteskundeak errepika ez daitezen.
"Espainiaren izenean, Espainiaren interesagatik, espainiarren arteko bizikidetzaren alde, Katalunian amnistia ezartzearen alde nago testuingurua kontuan izanda", adierazi du PSOEren Batzorde Federalean, alderdikideen aurrean.
Sanchezek azaldu duenez, Katalunian indultuak onartu zituenean bertan aurreratu zuen pauso gehiago eman beharko zirela, eta "oraingoz" halakorik ez zutela aurreikusten aitortu badu ere, berretsi du neurria hartzearen aldekoa dela inbestidura lortze aldera.
"Irtenbide bakarra da Espainian gobernu bat egon dadin eta hauteskundeak errepika ez daitezen", gaineratu du.
Akordioa Sumarrekin
PSOEko "baroiek" eta ministroek babes irmoa agertu diete Pedro Sanchezi eta Sumarrekin egingo duen akordioari, baina amnistiari buruz militanteei zergatik ez zaien galdetu planteatu duenik ere izan da.
Hala, Emiliano Garcia-Page Gaztela-Mantxako presidenteak militanteei "galdera erdiak" egitea gaitzetsi du, amnistia legeari erreferentzia eginez. Zentzu berean, Odon Elorza Donostiako alkate ohi eta diputatu ohi sozialistak esan du amnistiari buruzko galdera bat ere sartu beharko litzatekeela galdeketan, "barne demokraziaren mesedetan".
Isabel Rodriguez ministro eta bozeramaileak, berriz, alderdiaren "gardentasuna" txalotu du, eta parekorik ez duela azpimarratu.
Datorren astean PSOEko alderdikideek galdera honi erantzun beharko diote: "Babesten al duzu Sumarrekin Gobernua osatzeko akordioa eta beharrezko gehiengora iristeko beste alderdi politiko batzuen babesa lortzea?".
Albiste gehiago politika
Abalosek azpimarratu du Cerdan eta Garciaren ustelkeria “dinamika” Nafarroatik zetorrela eta “erabili” egin zutela
Garraio ministro ohiak Ser irrati kateari eskaini dion elkarrizketan azaldu duenez, Cerdanek eta Koldok ministerioan jarri zuten eta ondoren “presio” egin zioten kontratazio publikoetan "eragiteko".
PSNk gaur aukeratuko du Alzorrizen ordezkoa, azken horrek Cerdan auziagatik dimisioa eman ondoren
Atzo zabaldutako ohar batean, Servinabarrek ukatu egin zuen Santos Cerdanekin inolako loturarik duenik, eta nabarmendu zuen ikertzaileek ez dutela orain arte delitu zantzurik ikusi enpresaren jardunean.
Servinabarrek ukatu egin du Santos Cerdanekin inolako loturarik duela
Enpresa eraikitzaileak gogorarazi duenez, ez diote deliturik leporatu "ez UCOren txostenean", ezta ikerketa judizialean ere. Gainera, Antxon Alonso Egurrola administratzailearen eta Cerdanen arteko harremana "pertsonala" eta "bakoitzaren jarduera profesionaletatik kanpokoa" dela gaineratu du.
Zazpi ministro sozialisten eta PPko hainbat buruzagi ohiren datu pertsonalak argitaratu ditu ultraeskuineko Telegram talde batek
Mezu horiek agertu diren Telegram taldeak 92.000 jarraitzaile baino gehiago ditu, eta Alvise Perezen jarduera politikoarekin lotutako argitalpenak zabaltzeko erabiltzen dute erabiltzaileek, baita Espainiako Gobernuari eraso egiteko edo mezu xenofoboak zabaltzeko ere.
PSNk, Geroa Baik, Zurekin Nafarroak eta EH Bilduk ikerketa batzordea osatzea adostu dute
Cerdan auziko azken berriak ezagutu ondoren adostu dute neurria. Guardia Zibilak egindako txostenean agertzen diren enpresei egin zaizkien esleipenak aztertuko ditu batzordeak eta uda honetan bertan hasiko da lanean.
Sanchezek neurri "sendoak" ezarri behar dituela eta "ausardiaz" jokatu behar duela azpimarratu du EH Bilduk
Mertxe Aizpurua EH Bilduk Kongresuan duen bozeramaileak ostegun honetan Kongresuko osoko bilkurara heldu denean zehaztu duenez, Pedro Sanchez presidenteak ustelkeriaren aurkako neurri "sendoak" ezarri behar ditu, eta "ausardiaz" jokatu behar du, "EH Bilduren babesa izaten jarraitu nahi badu".
Eneko Andueza konbentzituta dago 'Koldo auziak' ez duela PSE-EEn eraginik izango
PSOE eta Nafarroak Alderdi Sozialista astintzen ari den ustezko ustelkeria kasuaren aurrean, Eneko Andueza PSE-EEko idazkari nagusia konbentzituta dago ez duela eraginik izango Euskadiko Alderdi Sozialistan. Halaber, sozialistak kritikatzen ari direnei zuhur jokatzeko gomendioa egin die. Izan ere, horren esanetan, orain fokoa sozialisten gainean badago ere, litekeena da auzia beste alderdi batzuengana ere zabaltzea.
Maria Chivite: "Erortzen dena erortzen dela esan nuen, eta betetzen ari naiz"
Ramon Alzorriz PSNren idazkariorde nagusi eta Parlamentuko bozeramailearen dimisioaren ostean, Maria Chivite Nafarroako Gobernuko presidenteak agerraldia egin du hedabideen aurrean, eta adierazi du berak ez duela "dimititzeko argudiorik".
Chivite, Alzorrizen dimisioa dela eta: "Erortzen dena erortzen dela esan nuen, eta betetzen ari naiz"
Maria Chivite Nafarroako presidenteak ez du dimisioa emango eta nabarmendu du ez dagoela ez bera, ez Nafarroako Gobernua eta ezta PSN alderdia ere ustelkeria kasuekin lotzen duen ezer.
Semper: "EAJ jabetzen hasi da PSOEk halako batean botata utzi egingo duela"
PPren bozeramailearen arabera, "Euskadin etorkizunerako aukera aritmetikoa PSE Bildurekin joatea da, EAJ albo batera utzita".