Botere Judizialaren Kontseilu Nagusiko zortzi epailek amnistia legea arbuiatzeko osoko bilkura eskatu dute
Botere Judizialaren Kontseilu Nagusiko (BJKN) zortzi epailek ezohiko osoko bilkura bat egitea eskatu diote Vicente Guilarte presidenteari, epaileen gobernu-organoak amnistiaren legea arbuiatzen duela adierazteko.
Eskaera egin duten epaileak Alderdi Popularrak izendatu zituen hauek dira: Carmen Llombart, Jose Antonio Ballestero, Francisco Gerardo Martinez-Tristan, Juan Manuel Fernandez, Juan Martinez Moya, Jose María Macias, Nuria Diaz Abad eta María Angeles Carmona.
"Botere Judizialaren Kontseilu Nagusiak, adierazpen honen bidez, kezka eta atsekabe handia adierazten du neurri horrek Espainiako zuzenbide-estatua degradatzea dakarrelako, eta hori, onartzen den unetik aurrera, aldarrikapen formal hutsa izango da. Horrek, ezinbestean, ondorioak ekarriko ditu Espainiaren benetako interesen kaltetan", adierazi dute epaile horiek.
Ohar bidez azpimarratu dutenez, Botere Judizialaren Kontseilu Nagusiak "gero eta kezka handiagoarekin ikusi ditu alderdi politiko minoritario batzuetako kideek 2017ko urriaren 1eko gertakarien ondorioz egindako delituen balizko amnistiari buruz egindako adierazpenak".
Agirian salatu dutenez, Pedro Sanchez Espainiako jarduneko presidenteak amnistia "Espainiaren interesagatik" justifikatu badu ere, eskuineko alderdien balizko gobernu bat eragozatea eta Sanchez bera Gobernuan mantentzea da benetako helburua.
Gainera, gogorarazi dutenez, amnistia "ez da bideragarria esparru konstituzionalaren barruan, eta bateraezina da zuzenbide-estatuarekin". Dokumentuan, halaber, kritikatu egiten da amnistiari buruzko legea lege-proposamen gisa izapidetzea, ez proiektu gisa, horrela saihestu egingo delako Botere Judizialaren Kontseilu Nagusiaren eginkizuna.
PP: "Umiliazioa da"
Bestalde, Alderdi Popularrak ohar bat igorri du esanez ez dagoela lagapenik "Sanchez egiteko prest ez dagoenik".
"PSOEk eta ERCk ez dute akordiorik iragarri, amore ematea baizik; gure herriarentzako umiliazio honen aurrean, beste hainbat gauzatan bezala, PSOEko idazkari nagusiak Alderdi Popularra izango du aurrean", gaineratu dute PPko iturriek.
Zure interesekoa izan daiteke
Albares Kongresuan izan liteke ostegunean, Global Sumud Flotillaren egoeraren berri emateko
Kongresuko Osoko Bilkuran ministroaren agerraldia eskatu zuten Sumarrek, ERCk, EH Bilduk, Podemosek, BNGk eta Compromisek duela egun batzuk, Global Sumud Flotillan parte hartzen duten ontzi eta pertsonak babesteko eta laguntzeko hartuko dituen ekintzak zein erabakiak azal ditzan.
Espainiako Gobernuak astelehenean eskualdatuko dio Jaurlaritzari Zubietako espetxearen gaineko eskumena
Denis Itxaso Etxebizitza sailburuak eta Maria Jesus San Jose Justizia sailburuak otsailean jakitera eman zituzten epeak beteko dituzte horrela, kartzela berria 2026ko maiatza eta ekaina bitartean irekiko zutela iragarri baitzuten.
Anduezak euskara langileentzako mehatxu dela esan izana larritzat hartu du Estebanek, eta ulertezintzat jo du PSE-EEren jarrera
EBBko presidenteak esan du haserre dagoela, ez dela onargarria gobernukide den alderdi batek horrelakoak egitea eta, okerragoa dena, gezurretan ibiltzea.
Lehendakariak Euskadiren nazioarteko proiekzio kulturala bultzatuko du datorren astean Italiara egingo duen bidaian
Bidaiaren ardatz nagusia mundu mailan arte garaikidearen agertoki nagusietako bat den Veneziako Bienalaren baitan antolatu diren ekitaldietan parte hartzea izango da, 1976an bienalean izandako lehenengo euskal presentziaren 50. urteurrenean.
Andueza, polemikari buruz: "EAJk liskar artifiziala sortu zuen euskarari buruzko akordioa bertan behera utzi zuelako"
Hasi da hauteskunde kanpaina Andaluzian
Sevillan ekin die kanpainako ekitaldiei Alderdi Popularrak; Granadan, Alderdi Sozialistak. Moreno Bonilla PPko hautagai eta gaur egungo presidenteak gehiengo absolutua nahi du; ez du Vox nahi bere gobernuan. Jarraitzaileei botoa ematera joateko deia egin die, inkestek iragartzen duten gehiengo absolutua ziurra ez delakoan. Alderdi Sozialistaren hautagai Maria Jesus Monterok, berriz, inkestek iragartzen dizkioten emaitza txarrak irauli nahi ditu eta zerbitzu publikoen aldeko defentsan oinarritu du kanpaina.
Medikuen gatazkan esku hartzeko eskatu diote EH Bilduk eta PPk Osasun sailburuari
Medikuen grebaz aritu dira gaur, besteak beste, Eusko Legebiltzarrean. EH Bilduk medikuen lan-baldintzak hobetzeko mozioa eraman du ganberara, eta Rebeka Ubera koalizioko legebiltzarkideak Alberto Martinez Eusko Jaurlaritzako Osasun sailburuari eskatu dio, fitxa mugitu eta neurriak hartzeko aferan. Alderdi Popularreko Laura Garridok ere defendatu du Jaurlaritzak badituela eskuduntzak, medikuen egoera hobetzeko.
Koldo Garciak bere "errugabetasuna" defendatu du eta maskaren erosketan erabakitzeko ahalmenik ez zuela gaineratu du
Maskarak iruzurra eginda erosi ziren ala ez ikertzeko egiten ari diren epaiketan, Abalosen aholkulari izandakoak esan du ez duela gogoratzen esleipena egokitu zitzaion eskaintza Aldamak igorri ote zion.
Hauteskundeak, Andaluzian: zer du jokoan alderdi bakoitzak M17an?
Bihar abiatuko da hauteskunde kanpaina Andaluzian. Inkesta guztiek Juanma Moreno PPko hautagaia jotzen badute ere irabazle, ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin indar erakustaldia egin nahi du, azken urteotan galdutako boto-emaileak berreskuratuz.
Atzerri Ministerioak Israelgo enbaxadako arduraduna deitu du Global Sumuden aurkako erasoagatik
Bien bitartean, EH Bilduk, Sumarrek, Podemosek, ERCk, BNGk eta Compromisek Albares ministroaren agerraldia Kongresuan eskatu dute, ontziak eta atxilotuak babesteko hartuko dituen neurriak azaldu ditzan.