Amnistiaren aurkako adierazpen instituzionalaren proposamena eztabaidatzeko bilduko da gaur Botere Judiziala
Botere Judizialaren Kontseilu Nagusiak ezohiko osoko bilkura egingo du astelehenen honetan, 19:00etatik aurrera, bloke kontserbadoreko zortzi kidek amnistia legearen aurkako adierazpen instituzionala egiteko aurkeztu duten proposamena eztabaidatzeko.
Vicente Guilarte Kontseiluko bitarteko presidenteak ezohiko bilera deitzea erabaki zuen azaroaren 1ean, Kontseilu Nagusia osatzen duten 16 kideetatik zortzik adierazpen instituzional bat egiteko eskatu ostean. Adierazpen horretan, PSOE ERCrekin eta Juntsekin adosten ari den amnistia legearen ondorioz "kezka bizia eta atsekabea" adierazi nahi dute.
Adierazpen instituzionala aurrera atera dadin, gutxienez 9 mahaikideren botoak behar dira. Jakina da bloke kontserbadoreko 8 kide horien oniritzia izango duela, baina, ziurrenik, sektore aurrerakoiko 6 kideek ezezkoa botoa emango dute. Zalantzan dago, berez, bloke kontserbadorearekin identifikatzen diren beste bi kontseilukidek zer egingo duten: Guilarte berak eta Wenceslao Oleak. Hainbat iturriren arabera, abstenitu egingo dira.
Eskaera egin duten kontseilariak Carmen Llombart, Jose Antonio Ballestero, Francisco Gerardo Martinez-Tristan, Juan Manuel Fernendez, Juan Martinez Moya, Jose Maria Macias, Nuria Diaz Abad eta Maria Angeles Carmona dira, guztiak Alderdi Popularrak proposatutakoak.
Botere Judizialaren Kontseilu Nagusiko iturrien arabera, kide aurrerakoi guztiek ezezkoa bozkatuko lukete, haien ustez eskatzen dena adierazpen politikoa baita, eta ez adierazpen instituzionala. Era berean, azpimarratu dute kide horiek uste dutela ez dela une egokia, oraindik ez baitago legerik mahai gainean. Informazio horien arabera, ez dago aurrekaririk, ez baita inoiz gertatu lege proposamenik egon gabe horrelako adierazpen bat eskatzea.
CPGJk Kongresuan testu bat erregistratu duenean baino ez duela bere iritzia eman gogorarazi dute, eta, horrekin batera, nabarmendu dute Kontseiluak lege-aurreproiektuei buruzko txostenak egiteko eskumena baino ez duela, eta ez duela inolako eskumenik talde parlamentarioek adosten dituzten itunak kontrolatzeko.
Sektore aurrerakoiaren inguruko zenbait ahotsek uste dute sei kideek ez luketela osoko bilkura berezian agertu ere egin beharko. Hala eginez gero, ez legoke bilera egiteko behar adinako 'quorum'ik.
Zure interesekoa izan daiteke
Espainiako Gobernuak baztertu egin du adostasunik ez duten neurriak krisiaren aurkako planean sartzea
Alokairuko etxebizitzetan bizi direnei nolabaiteko babesa emateko neurriak negoziatzen ari dira oraindik. Dekretua ostiralean onartuko dute Ministroen Kontseiluan eta datorren astean bozkatu Kongresuan.
Bengoetxea: "Euskara defendatzea batzea da, ez baztertzea"
Korrikaren inguruan sortutako polemikaren harira, Ibone Bengoetxea Eusko Jaurlaritzako Kultura eta Hizkuntza Politikako sailburuak esan du Korrika beti izan dela "euskararen inguruko topagune sozial handia", eta "garrantzitsua" dela "batzen duen espazioa izaten jarraitzea". "Ez da harresi edo lubaki gehiagorik behar. Euskarak zubiak behar ditu", adierazi du.
Etchegarayk ez dio sinesgarritasunik eman Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogorarazi die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.