Junts negoziazioetan sakontzen ari da Bruselan, eta PSOEk gertuago ikusten du inbestidura
Sanchezen inbestidurarako negoziazioetan murgilduta jarraitzen dute Juntsek eta PSOEk. Jordi Turull Juntseko idazkari nagusia Bruselara joan zen atzo, eta gaur goizean gauza bera egin du Laura Borras alderdiko presidenteak. Biak ala biak Carles Puigdemont Generalitateko presidentearekin bilduko dira gaur, astelehenarekin, sozialistekiko akordioa itxi nahian.
Ingurumari horretan, PSOEko zuzendaritzak uste du "gertuago" dagoela Pedro Sanchezen inbestidura. Ildo horretan, sozialistek euren militanteen gehiengoak akordioak babestu dituela nabarmendu dute.
Sanchez Espainiako Gobernuko presidente izendatzeko PSOEren eta Juntsen arteko akordioa lortzear zirela zirudien ostegunean, baina aurreikuspenak hoztu egin ziren. Ostiralean beste bilera bat egin zuten, Bruselan, Santos Cerdan PSOEko Antolakuntza idazkariak eta Carles Puigdemont Generalitateko presidente ohi eta Junts alderdiko eurodiputatuak, Pedro Sanchezen inbestidura bermatuko zuen akordio bat ixten saiatzeko, baina bilera hori ere akordiorik gabe amaitu zen.
Hala eta guztiz ere, bi alderdien arteko harremanek aurrera jarraitu dute, eta atzo Jordi Turull Junts alderdiko idazkari nagusia Bruselara joan zen, Carles Puigdemont Kataluniako presidente ohiarekin batera PSOErekin negoziatzen jarraitzeko.
"Pedro Sanchezen inbestidura lortzetik gertuago gaude gaur. Hori da uztailaren 23an hautetsontzietatik atera zen agindua, eta hori lortzeko formula gure oinarri gehienek berretsi dute", adierazi zuen atzo Santos Cerdan PSOEko Antolakuntza idazkariak hedabideei igorritako bideo batean.
Toni Comin Juntseko kontseilari ohi eta eurodiputatuak goizean esan zuenez, PSOEren eta Juntsen arteko inbestidurarako ituna gertu zegoen: "Bizitzan, orokorrean, gauzak gertu daudenean, keep calm".
Iparraldeko Kataluniaren Diada eguneko manifestazioan egin zituen adierazpenok, Perpinyan, Josep Rull Juntsen Kontseilu Nazionaleko presidente eta kontseilari ohia aldamenean zuela.
"Diskrezioa funtsezkoa da elkarrizketek aurrera egin dezaten", gaineratu zuen ordezkari kataluniarrak.
Zure interesekoa izan daiteke
Korrikak dirulaguntzak jasotzeko baldintzak betetzen ote dituen aztertuko du Gasteizko Udalak
Euskararen aldeko lasterketan ETAko presoen argazkiak erakutsi zirela eta, finantzazio publikoa etetea eskatu du gaur, mozio bidez, Alderdi Popularrak. Mozioa atzera bota du Udalbatzak, baina Maria Nanclares zinegotzi sozialistak iragarri du kasua aztertuko dutela, udal ordenantzaren araberakoa ote den jakiteko.
Sanchezek eta Lulak, "gerrari ezetz" esanez, olatu erreakzionarioari aurre egitea eskatu dute
Pedro Sanchez Espainiako presidenteak eta Luiz Inacio Lula da Silva Brasilgo presidenteak argi utzi dute bat datozela egungo une geopolitikoaren aurrean, "gerrari ezetz" esanez. Sanchezek adierazi du bi herrialdeen arteko harremana aldebikoa baino askoz haratago doala, eta azpimarratu du munduaren ikuspegi bera dutela.
Pradalesek ukatu egin du Euskadik "etengabeko tentsio-giroa" bizi duela, eta "moderazioa" eskatu dio PPri
Imanol Pradales lehendakariak ukatu egin du Euskadik "etengabeko tentsio-giroa" bizi duela, Javier de Andres Euskadiko PPko presidenteak horrela ziurtatu ondoren. Lehendakariak "introspekzioa, moderazioa eta neurria" izatea gomendatu dizkio Javier de Andresi. PPk "erradikaltasuna, mehatxuak eta larderia bultzatzea" egotzi dio EAJri.
Pradalesek "herri akordioak" ez babestea leporatu dio EH Bilduri, eta "bustitzeko" eskatu dio
Imanol Pradales lehendakariak EH Bilduri aurpegiratu dio legegintzaldiaren bi urte hauetan "herri mailako" akordio handi bakar bat ere babestu ez izana, eta "bustitzeko" eskatu dio. Otxandianok, bestalde, ohartarazi du Eusko Jaurlaritzan bazkide diren bi alderdien arteko "desadostasunak", euskara bezalako gaietan, "oztopo" direla aurrera egiteko.
Etxebizitza finkatu da euskal gizartearen arazo nagusi gisa: burbuilaren garaiko mailara iritsi da kezka
Eusko Jaurlaritzaren azken Soziometroak agerian utzi du gora egin duela prekaritatearekiko eta arazo ekonomikoekiko kezka. Delinkuentziaren inguruko kezka, berriz, apaldu egin da.
Armengolek Koldoren bitartez hitz egiten zuen Abalosekin, eta haur-maskarei buruz galdetu zion: "Konponduko dizut"
Ikertzaileen arabera, Koldo bitartekari gisa ari zen Abalosekiko hurbiltasunari esker, Balearretako Gobernuaren eta ikertutako gaizkile-sarearekin lotutako interesen arteko komunikazioa erraztuz. Besteak beste, PCR testekin, haur-maskarekin edo pandemian egindako inbertsioekin lotuta zeuden kudeaketa horiek.
PPk eta Voxek akordioa lortu dute Guardiola Extremadurako presidente izendatzeko
Asmoa da inbestidura saioa datorren asteartean, hilaren 21ean, eta asteazkenean, hilaren 22an, egitea, eta Maria Guardiola Extremadurako presidente izendatzea berriro apirilaren 24an. Akordioak 61 puntu eta 74 neurri ditu, eta bi aldeek jarrerak hurbildu dituzte, "egon daitezkeen ezberdintasun ideologikoetatik harago".
Aenak ziurtatu du aireportuen kudeaketa partekatua bateraezina dela indarrean dagoen lege-esparruarekin
Aenako presidente eta kontseilari delegatu Maurici Lucenak Akziodunen Batzarrean defendatu duenez, interes orokorreko Espainiako aireportuak 18/2014 Legean jasotako araubide juridiko espezifiko baten mende daude. Lege hori Konstituzioak babesten du; Estatuak azpiegitura horien gainean duen eskumen esklusiboa deklaratzen du, eta jabetza pribatua eta enpresa-askatasuna babesten ditu. Hala ere, positibotzat jo du autonomia-erkidegoekiko lankidetza eta koordinazioa, betiere Konstituzioaren mugak errespetatzen badira eta Aenaren kudeaketa-autonomia eta sare-egitura aldatzen ez badira.
Langile publikoen finkotasuna bizkortzeko arau aldaketak eskatu ditu Jaurlaritzak Madrilen
Bitartekotasun-tasa murrizteko neurriak hartzea komeni dela adierazi du Euskadik, Maria Ubarretxena Jaurlaritzako bozeramaileak eta Oscar Lopez ministroak izandako lan-bileran. Egonkortze-prozesuen ondoren, % 50 inguruko mailatik % 14 ingurura igaro da, eta legegintzaldiaren amaieran % 8ra hurbiltzea da asmoa.
Eusko Legebiltzarrak eskatu du Lan Agintaritzak enplegua erregulatzeko espedienteak baimentzeko eskumena berreskura dezala
EAJk, PSE-EEk, EH Bilduk eta Sumarrek babestu egin dute Espainiako Gobernuari eskatzea kaleratze kolektiboen baliozkotze administratiboa berriro derrigorrezkoa izan dadila; PPk eta Voxek, berriz, aurka bozkatu dute.