EAJren hitzetan, Hezkuntza Legearen Legebiltzarreko lantaldean "eskuzabaltasunez" jokatu dute
"Eskuzabaltasunez" jokatu dutela uste du EAJk. "Lege oso on bat da Eusko Legebiltzarreko Hezkuntza lantaldearen lanaren ondoren geratzen dena", nabarmendu du alderdi jeltzaleak. "Helburua beti izan da legea hobetu ahal den neurrian eta akordioak lortzea", jeltzaleek ohar labur batean azaldu dutenez.
Gauzak horrela, "EH Bilduri, adibidez, onartu dizkiogu (edo eurekin adostu ditugu) 70 zuzenketa baino gehiago", gogorarazi dute jeltzaleek, "eurek aurkeztutakoen erdia baino gehiago".
Hezkuntza Legearen txostena aldaketarik gabe itxi dute astelehen honetan, hizkuntza ereduei eutsiz, eta horrek baieztatu egiten du EH Bilduk ez duela araua babestuko. Koalizioaren oinarriek erabakia astearte honetan berretsi behar dute.
Azken bileran, alderdi guztiek legeari aurkeztutako zuzenketak aztertu dituen lantaldeak bukatu du datorren asteazkenean batzordera eramango den txostena. Batzorde horretatik aterako da dokumentua, ziurrenik EAJren eta PSE-Eren babes bakarrarekin, eta abenduaren 21ean bozkatuko da osoko bilkuran.
Lege-proiektuan jasotzen ez diren hizkuntza-ereduei buruzko erreferentzia bat arauan sartzearen edo ez sartzearen inguruko polemika behin betiko konpondu da testuan alegazioen sarrerarekin. Alegazio horietan, Eusko Jaurlaritza osatzen duten bi alderdiek argitu egiten dute ereduek indarrean jarraituko dutela, dekretu batean jasota daudelako, eta gaztelania, euskara eta ingelesa irakasteko hizkuntza tresnak izango direla.
Horrek EH Bildu jokoz kanpo utziko du; izan ere, koalizioak ohartarazi du ez duela babestuko ereduak mantenduko dituen arau bat. Hala ere, azken erabakia oinarriek hartuko dute, eta koalizioaren Mahai Politikoak gaur bertan egindako proposamenari buruzko iritzia eman beharko dute.
EH Bilduren zuzendaritza politikoak bere oinarriei proposatu die, joan den ostiralean iragarri zuen bezala, Eusko Jaurlaritza zuzentzen duten bi alderdiek babesten duten lege-proposamenari ezezko botoa ematea.
Prentsa ohar batean, EH Bilduk azaldu du uste duela legea tramitatu bitartean Hezkuntza Itunean gehiengo zabal batek adostutako oinarrizko printzipioak alde batera utzi direla.
Albiste gehiago politika
Sare eta Etxerat elkarteek Bizkaiko eta Gipuzkoako 11 hondartzatan egin dute mobilizazioa
Urteroko ekimena izan dute gaur, Sare eta Etxerat elkarteek deituta, Gipuzkoako eta Bizkaiko 11 hondartzatan. Elkarbizitzarako jauzia egin ahal izateko, ETAko preso, iheslari eta deportatuen auziari behin betiko konponbidea ematea ezinbestekotzat jotzen dute. Biktimek horrenbeste merezi eta behar duten egia, aitortza eta erreparazioaren garrantzia ere azpimarratu dute.
Maider Etxebarria Gasteizko alkatea: "Asko poztuko ninduke jaien amaieran zero erasoren balantzea egin ahal izateak"
2025eko Andre Maria Zuriaren jaien atarian, festak "bizikidetzatik eta errespetutik, alaitasun eta ilusio handiz bizitzeko" deia egin die Gasteizko alkateak herritarrei eta bisitariei.
EAEko Justizia Auzitegi Nagusiko presidentea: "Zenbait sektorek ez diote modu argi batean indarkeria politikoari zilegitasunik kendu"
Hainbat gazteen eta ertzainen artean azken asteetan izandako istiluei buruz, Iñaki Subijana EAEKo Justizia Auzitegi Nagusiko presidenteak adierazi du "lehia bat" dagoela "Zuzenbide-Estatuaren eta Estatu beraren artean". "Biktima-justiziaren esparruan ezartzen ari garen neurrien inguruko hausnarketa egitera behartzen gaituzte", ondorioztatu du.
Bertan behera geratu da Puyko jaitsiera, bigarren urtez jarraian
Txosnek jai-eremu tradizionala aldarrikatu dute jaitsieraren kalean, udalaren debekuaren aurrean: "Jaiak herriarenak dira". Gogoratu beharra dago Udalak bigarren urtez jarraian debekatu duela hirigunean txosnen jai-esparrua jartzea, kanpoaldera mugituz.
AEBko Euskal Etxeetan euskararen irakaskuntza indartzeko hitzarmena sinatu dute
Etxepare Euskal Institutuak eta NABOk (North American Basque Organizations) sinatu dute lankidetza hitzarmena. Pradalesek adierazi duenez, "akordio hau konpromiso pedagogikoa baino gehiago da, urrats estrategikoa da euskararen nazioartekotzean".
Dobaranek eta Angulok Arkauti utziko dute urtebete eskas bete ondoren
Agur gutun batean, akademiaren eraldaketarako faseak abian jarri dituztela azaldu dute, baina ez dute irteeraren arrazoia zehaztu.
Eusko Jaurlaritzak Diasporaren Lege berri bat sustatuko du 2026an, egungo erronketara egokitzeko
Euskal herritarrek atzerrian duten presentzia aprobetxatzea da helburua, eta "Euskadi Globala" estrategian eragile diplomatiko gisa interesgarriak izan daitezkeen pertsona guztiak sare horretan sartzea.
Aukera berriak aprobetxatzeko AEBrekin harremanak estutzearen alde agertu da lehendakaria Boisen
Imanol Pradalesek esan du beharrezkoa dela zarata gainditzea eta AEBren eta EAEren arteko lankidetza "zubiak eraikitzen jarraitzea", enpresa aukera berriak aprobetxatzeko. "Ez gara hutsetik hasi. Bilera honekin jarraipena ematen diogu Estatu Batuen eta Euskadiren arteko harreman transatlantikoak sendotzeko helburuari", gaineratu du.
Cerdanen koinatu batek igeltsero gisa lan egin zuen Servinabar enpresan, eta 61.000 euro baino gehiago kobratu zituen
Antonio Muñoz Canok, zehazki, 3.363,36 euro jaso zituen 2019an, 16.255 euro 2020an, 21.233 euro 2021ean eta 20.818 euro 2022an. Igeltseroak bi alditan lan egin zuen eraikuntza konpainian, eta 61.669 euro jaso zituen guztira.
Ramiro González: "Talgoren egoitza sozialaren itzulera oso albiste ona da, sinbolismoz betea"
Ramiro Gonzalez Arabako ahaldun nagusiak Talgo enpresaren egoitza soziala Arabara itzultzea goraipatu du. Radio Euskadiko Boulevard saioan egindako elkarrizketan, Talgo erosteko operazioaren azken berriak izan ditu hizpide. Zalantzarik gabe esan du "oso albiste ona dela euskal industriarentzat eta bereziki Arabako industriarentzat", eta nabarmendu du Talgo aktibo garrantzitsua dela lurraldeko jarduera industriala berreskuratzeko.