Otegi: "Ez naiz EH Bilduren lehendakarigai izango ziklo politiko berri baten aurrean gaudelako"
EH Bilduren koordinatzaile nagusi Arnaldo Otegik iragarri du ez dela lehendakarigai izango datorren urtean Euskal Autonomia Erkidegoan egingo diren hauteskundeetan, "ziklo politiko baten aldaketa bizitzen ari garelako". Dena den, koordinatzaile nagusi izaten jarraitzeko asmoa erakutsi du. "Nire tokia ez dago Legebiltzarrean", adierazi du.
Erabakia arrazoitzeko eman dituen argudioen artean, batean egin du azpimarra: "Belaunaldi berriak atxikitu egiten dira gure proiektu herritar eta nazionalera. Hego Euskal Herrian belaunaldi berri bat badatorrela atzetik, eta horrek sekulako bermea ematen digu. Teknikoki gurea baino prestatuagoa den belaunaldi batez hizketan ari gara. Nik eskatu diet ibilbide profesionalak utz dezatela, eta atxiki daitezela proiektu profesional honetara".
"Nire ibilbide militante osoan herri honen interesak eta askatasun nazionala pertsona bakoitzaren gainetik daudela erakutsi dut. Horrela egin dut orain arte, horrela egingo dut orain. Ez naiz aurkeztuko EAEko hautagai izateko. Hori da hartu dudan erabakia eta Mahai Politikoarekin partekatu dudan erabakia", azpimarratu du.
Horri erantsi dio lehen indar munizipalista direla Hego Euskal Herrian, "ziklo politiko berri baten aurrean". "Azken asteetako mobilizazioek frogatu dute baloreak direla herri honek defendatzen dituenak. Horren esan nahi du hegemonia kultural horretan aldaketak ematen ari direla. Eta horrek ziur aski zerikusia dauka emaitza elektoraletan", esan du.
Mahai Politikoarekin bildu ostean agerraldia egin du EH Bilduk Donostian duen egoitzan, besteak beste, datorren legealdiari begira argitu beharrekoak argitze aldera.
Gaurko bileran, koalizio abertzalearen zuzendaritzak egungo egoera politikoaren eta Legebiltzarreko 2024ko hauteskundeen gaineko hausnarketa egin du, eta Otegik ziurtatu du ez duela bere burua lehendakari izateko aurkeztuko. "Aspaldi" hartutako erabakia dela ere esan du, Mahai Politikoak begi onez jo duela erantsita: "Nire lekua ez dago Araba, Bizkaia eta Gipuzkoako Legebiltzarrean", nabarmendu du.
EAJk, bestalde, orain dela bi egun iragarri zuen Imanol Pradales izango dela jeltzaleen lehendakarigai, alderdia berritzeko egiten ari diren apostuari jarraikiz.
Zure interesekoa izan daiteke
Espainiako Gobernuak baztertu egin du adostasunik ez duten neurriak krisiaren aurkako planean sartzea
Alokairuko etxebizitzetan bizi direnei nolabaiteko babesa emateko neurriak negoziatzen ari dira oraindik. Dekretua ostiralean onartuko dute Ministroen Kontseiluan eta datorren astean bozkatu Kongresuan.
Bengoetxea: "Euskara defendatzea batzea da, ez baztertzea"
Korrikaren inguruan sortutako polemikaren harira, Ibone Bengoetxea Eusko Jaurlaritzako Kultura eta Hizkuntza Politikako sailburuak esan du Korrika beti izan dela "euskararen inguruko topagune sozial handia", eta "garrantzitsua" dela "batzen duen espazioa izaten jarraitzea". "Ez da harresi edo lubaki gehiagorik behar. Euskarak zubiak behar ditu", adierazi du.
Etchegarayk ez dio sinesgarritasunik eman Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogorarazi die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.