PSOEren eta PPren arteko lan batzorde bat sortzeko proposatuko dio Sanchezek Feijoori
Espainiako bi alderdi nagusiek elkar ulertu behar dutela argudiatuta, PSOEren eta PPren arteko lan batzorde bat sortzeko proposatuko dio Pedro Sanchez Espainiako Gobernuko presidenteak Alberto Nuñez Feijoo PPren buruari. Batzordean honako gaiak aztertzeko proposatuko dio: Botere Judizialaren Kontseilu Nagusia berritzea, autonomia erkidegoen finantzazioaren erreforma eta Espainiako Konstituzioaren 49. artikulua berridaztea.
"Adostasuna bilatzeko lan egin behar dugu bi alderdi handiok", adierazi du Antena 3 telebista kateari eskainitako elkarrizketa batean.
Atzo aurreratu zuenez, Sanchezek biltzeko eskatuko dio Feijoori, ahal dela urtea amaitu baino lehen, eta hain justu batzar horretan egingo dio batzorde hori sortzeko proposamena.
Botere Judiziala behingoz berritzea (bost urte daramatza berritu gabe) ezinbestekoa da, Sanchezen iritzian. "Herritarrentzat oso garrantzitsua da auzia desblokeatzea, epai asko atzeratzen ari dira, eta horrek badu zerikusia", azaldu du.
Halaber, garrantzitsutzat jo du autonomia erkidegoen finantzazioari berriro heltzea, baita Konstituzioaren 49. artikulua moldatzea ere. Azken horretan, "gutxitu" hitza kentzeko proposatzen du, desgaitasunen bat duten pertsonen inguruan hitz egiteko orduan.
Buruzagi sozialistak espero du adostasunen batera heltzea. Dena dela, azken asteotan PPk zein Voxek izan duten jarrera salatu du: "70 manifestazio egin dituzte, oso luze egingo zaie. Estrategia politiko gisa akatsa da, maratoia 100 metroko lasterketa balitz bezala korritzea baita".
PPk ez du "elkarrizketarako mahairik" nahi
Cuca Gamarra PPko idazkari nagusiak Sanchezi erantzun dio popularrek ez dutela "elkarrizketarako mahairik" nahi. Gamarrak esan du bere alderdiak ez duela "inolako informaziorik" Sanchezen eta Feijooren arteko balizko bilerari buruz, ez gai-zerrendari buruz, ezta "bilera lurralde nazionalean edo atzerrian izango den edo bitartekaririk egongo den" ere.
Gamarrak azpimarratu duenez, bi alderdien arteko negoziazioak "erakundeen eta Parlamentuaren esparruan egingo dira beti, ez gehiago, ez gutxiago". "Mahai horien inguruan independentisten aurrean umiliatzea erabaki badu, guk esaten diogu gu gogoan ez izateko mahai horiek zuritzeko", gaineratu du.
Juan Espadas PSOEren Senatuko bozeramaileak PPren erantzuna kritikatu du. Espadasen arabera, PP "ezezkoaren teoriara" itzuli da. Horren ustez, herritarrek "bi alderdi handien artean akordioak egotea espero dute", Botere Judizialaren Kontseilu Nagusia berritzeko eta erkidegoen finantzazio eredua aldatzeko, besteak beste.
Zure interesekoa izan daiteke
?fmt=webp-alpha&qlt=80)
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.
Sozialistak, Parisko Alkatetzari eusteko moduan
Emmanuel Gregoire buru duen ezkerreko koalizioak irabazi du, eta Anna Hidalgoren lekukoa hartzen saiatuko da bigarren itzulian.
Jaurlaritza eta Espainiako Gobernua Madrilen bilduko dira aireportuen aldebiko kudeaketa negoziatzeko
Ubarretxenak argi utzi du Jaurlaritzak ez duela onartuko Estatuak ostiralean egindako kontra-proposamena, Jaurlaritzak egindako "eskakizun guztiak bertan behera" utzi baititu. Marisol Garmendia Espainiako Gobernuak Euskadin duen ordezkaria, ordea, baikor azaldu da, akordioa lortuko delakoan.
PPk irabazi ditu Gaztela eta Leongo hauteskundeak 33 eserlekurekin, PSOEk 30 lortu ditu, eta Voxek 14
Bestalde, PSOE izan da indar bozkatuena Trebiñuko konderri historikoan, eta Vox izan da bigarrena. Gaztela eta Leonen, oro har, % 65,22ko parte-hartzea izan da hauteskunde hauetan, baina % 48,26koa Trebiñun.
Ipar Euskal Herriko udal hauteskundeek aldaketak utzi dituzte Lekuinen, Arrosan, Alduden, Donapauleun eta Senperen, besteak beste
Laurent Intxauspek Donibane Garaziko auzapez izaten jarraituko du, Eneko Aldanak Ziburun eta Emmanuel Alzurik Bidarten. 11 herri joango dira bigarren itzulira, Angelun, Senperen eta Getarian lehen itzulitik argitu baita nor izango den hurrengo alkatea.
Jean-Rene Etchegaray izan da garaile Baionan, bigarren itzuliaren zain
Etchegaray zentrista bigarren itzulira iritsi da, Jean-Claude Iriart hautagai abertzalearekin, Henri Etcheto sozialistarekin eta, lehen aldiz, eskuin muturreko hautagai batekin, Pascal Lesellierrekin. Hain zuzen ere, ultraeskuinak bere emaitzak bikoiztea lortu du sei urtean, aurreko hauteskundeetatik.