Espainiako Gobernuak eta Eusko Jaurlaritzak gaur helduko diote berriro eskumenen negoziazioari
Espainiako Gobernuak eta Eusko Jaurlaritzak bilera egingo dute gaur, Euskadiri eskumen berriak eskualdatzea negoziatzeko.
Angel Victor Torres Lurralde Politikako eta Memoria Demokratikoko ministroak eta Olatz Garamendi Eusko Jaurlaritzako Gobernantza Publiko eta Autogobernuko sailburuak lehen batzarra izango dute Madrilen, lehenengoak kargua hartu zuenetik.
Garamendik burutzeke dauden 20 bat eskumenen transferentzia prozesua amaitzearen garrantzia adierazteko asmoa du. Prozesu hori aldiriko trenen, atzerriko unibertsitate-tituluak homologatu eta parekatzearekin eta migratzaileak hartzeko sistemarekin hasiko da.
Hiru gai horiek berariaz jasota daude PSOEk eta EAJk itxitako Pedro Sanchezen inbestidura akordioan. Dokumentu horretan, hiru hilabeteko epea ezarri zen akordioa gauzatzeko.
Hiru gai horiez gain, Torresen eta Garamendiren arteko lehen bileran, burutzeke dauden beste eskumen batzuen negoziaziorako lehen pauso bat eman daiteke.
Aldiriko trenen eskumenak eta atzerriko unibertsitate-tituluak baliozkotzeko transferentziak duela hilabete batzuk hasi ziren lantzen bi gobernuen artean, eta hirugarrena, migratzaileei harrera egitekoa, beste fase batean dago.
Pedro Sanchez Espainiako Gobernuko presidenteak eta Andoni Ortuzar EBBko buruzagiak joan den azaroaren 10ean sinatutako inbestidura itunean, bi urte baino lehen eman gabe dauden eskumenak Euskal Autonomia Erkidegoari transferitzeko konpromisoa ezartzen zen.
Akordio horretan adostu zen, halaber, aldebiko batzorde iraunkor bat sortzea Espainiako Gobernuaren eta Eusko Jaurlaritzaren artean, transferentzien prozesua betetzen dela zaintzeko. Batzorde horrek gutxienez bilera bat izango du sei hilean behin, Sanchez eta lehendakaria buru direla. Astearte honetako bileran, aldebiko batzorde horren xehetasunak ere azter litezke.
Zure interesekoa izan daiteke
Sanchez, aurrekontuen harira: "Negoziatuko dugu, eta erabakiak hartu behar badira, hipotesi horiek ematean hartuko ditugu"
Espainiako Gobernuko presidenteak berretsi du kontu publikoak aurrera ateratzeko negoziatuko duela, eta adierazi du erabakiak "hipotesi horiek gertatzen direnean" hartuko direla; Exekutiboko iturriek, berriz, azpimarratu dute asmoa legealdia agortzea dela, eta testuinguru honetan baztertu egin dute aurten hauteskundeak deitzea.
Musikaren sektorerako laguntzen banaketaren gardentasuna defendatu du Bengoetxeak, hainbat artistaren kritiken aurrean
Euskal musikaren sektorerako laguntza publikoen banaketaren inguruan sortutako polemikaren aurrean, Eusko Jaurlaritzak hainbat artistak egindako kritikei erantzun die. Laguntzak esleitzeko irizpideei buruzko zalantzen aurrean, Ibone Bengoetxeak prozesua zorrotza dela eta gardentasun osoz gauzatzen dela adierazi du.
Sanchezek "konfiantza" helarazi dio Zapaterori eta haren familiaren egoerarekin "enpatizatu" du
Gobernuko presidenteak Bruselan adierazi duenez, Zapaterok "dagokion unean emango ditu azalpenak". Egunotan berarekin hitz egin duela eta "lasai" dagoela adierazi du.
Kongresuak "blokeo" politikoaren gaineko mozioa onartu du, eta eskatu dio Sanchezi ustelkeriagatik "ardura hartzeko"
Mozioa aurrera atera da PP, Vox, UPN eta Junts alderdien aldeko 177 botoekin, eta EAJ eta Coalicion Canaria abstenitu egin dira. Gainerako talde parlamentarioek idatzi horren kontra bozkatu dute.
Epaileak Zapateroren alabak eta idazkaria inputatu ditu
Ustelkeriaren aurkako Fiskaltzak eskatuta hartu du erabakia epaileak, beren defentsarako eskubidea baliatu ahal izan dezaten.
Chivitek Foru Hobekuntzaren erreforman euskara berezko hizkuntza gisa aitortzea proposatu du
Nafarroako presidenteak proposamen hori defendatuko du Foru Hobekuntzaren erreforman, eta hizkuntza hezkuntzatik, aniztasunetik eta ezagutzatik lantzearen aldeko apustua egingo du, eztabaida politikotik urrun.
Trumpek akordioa sinatu du Iranekin, Versaillesera egindako bisitan
AEBko presidenteak aurreikusitakoa baino bi egun lehenago zigilatu du ituna. Iranek dio Israelek Libanoko hegoaldetik erabat erretiratzeari uko eginez gero, akordioa bertan behera geratuko litzatekeela. Akordioak, 14 puntuz osatua, 60 egun ematen dizkie aldeei beste atal batzuk negoziatzeko.
EAJk Sanchezen gaineko presioa areagotu du, eta PPk "Parlamentua isilaraztea" leporatu dio
Kongresuan egin duten Gobernuaren kontrol saiak bi gai nagusi izan ditu. Batetik, EAJk Sanchezi aurrekontu batzuk aurkezteko edo hauteskundeak deitzeko eskaria egin dio. Bestetik, PPk kritika ugari egin dizkio hauteskundeak aurreratzeko bere bozketa proposamena atzera bota ondoren.
Aske utzi dute Enrique Maya Iruñeko alkate ohiari egindako erasoarekin lotuta atxilotu duten gizona
Joan den ekainaren 9an, Iruñeko alkate ohia iraindu eta bularrean kolpatu zuten Estafeta kalean, inolako kalterik jasan gabe. Egun batzuetako ikerketaren ostean, atzo, asteartea, gizon bat atxilotu zuten autoritatearen aurkako atentatu delitu bat egotzita.
Epaileak ez dio kautelazko neurririk ezarri Zapaterori, ez baitu ihes egiteko eta frogak suntsitzeko arriskurik ikusi
Epailearen esanetan, “ez ditu ezeztatu inputazio autoan jasotako delitu zantzu arrazoizkoak”.