EAJk akordioa lortu du PSOErekin, Sanchezen inbestidurara begira
EAJk akordioa itxi du PSOErekin, Pedro Sanchez hautagai sozialistaren inbestidura babesteko. Andoni Ortuzar EAJren EBBko presidenteak eta Sanchezek ostiral honetan sinatu dute ituna, Madrilgo Diputatuen Kongresuan. Itun horrek "aurrerapauso handiak" ekarriko ditu "oraingo eta etorkizuneko" euskal autogobernuan eta transferitu gabe dauden transferentziak eskualdatuko ditu.
Azken orduotan EAJk eta PSOEk itxitako akordioak jasotzen dituen beste gai batzuk euskara bultzatzea eta jeltzaleentzat funtsezko den "lan-harremanen euskal esparruan" aurrera egitea dira.
EAJk mesfidantza zuen aurreko agintaldiaren hasieran Espainiako Gobernuarekin lortutako akordioak ez direlako bete. Horregatik, legegintzaldi honetan "transferentzietan, egungo eta etorkizuneko autogobernuan, lan-harremanen euskal esparruan eta euskararen sustapenean aurrerapauso handiak" izango direla bermatu ostean erabaki du Sachezen inbestidura babestea.
Pedro Sanchez PSOEko buruak bere inbestiduraren aldeko 179 boto bermatu ditu, sozialistek ostiral honetan EAJrekin eta Coalicion Canariarekin itxi dituzten akordioei esker. Babes horrek ziurtatzen dio lehen bozketan inbestitzeko 176 botoak gaindituko dituela eta, beraz, ez dela bigarren bozketarik egin beharko. Iragarpenen arabera, azaroaren 15ean eta 16an egingo da inbestidura eztabaida, Kongresuan.
PSOEk ziurtatuta ditu aldeko 179 boto: PSOE (121), Sumar (31), ERC (7), Junts (7), EH Bildu (6), EAJ (5), BNG (1) eta CC (1). Eskuineko blokeak 171 boto lortuko lituzke, PP (137), Vox (33) eta UPN (1) batuta.
Asteak, negoziatzen
Sozialisten eta jeltzaleen arteko akordioa izan da, azkenean, Sanchezen inbestidura ziurtatu duena. Baina horren aurretik ere erdietsi ditu akordioak PSOEk beste hainbat alderdirekin.
Atzo bertan sinatu zuten akordioa Santos Cerda PSOEko hirugarrenak eta Carles Puigdemont Junts alderdiko buruak, eta Oriol Junqueras ERCko buruak eta Felix Bolaños PSOEko negoziatzaileak duela astebete sinatu zuten ituna.
Junts alderdiarekin adostutako akordioak barne hartzen ditu erreferendum bat egitea, 2012 eta 2023 urteen artean gai politikoengatik zigortutakoentzako amnistia, baita negoziazioari laguntzeko eta hori egiaztatzeko mekanismoak bermatzea, eta finantza-autonomiaren inguruko neurriak ere.
ERCrekin egindako inbestidura-akordioak honako hauek jasotzen ditu, besteak beste: amnistia legea, negoziazio-mahaiaren jarraipena, Rodalies trenen (aldirietako) eskualdatze integrala eta Likidezia Funts Autonomikoaren (FLA) zati bat barkatzea (15.000 milioi euro).
Azken asteetan, inbestidurarako beste akordio nagusietako bat PSOEk eta Sumarrek sinatutakoa izan da, koalizio-gobernua osatzeko akordioa hain zuzen ere, besteak beste, lanaldiaren murrizketa, etxebizitzaren parke publikoa handitzea edo "bidezko erreforma fiskala" egitea jasotzen duena, baita "Mozal Legea" indargabetzea ere.
Hautagai sozialistak urriaren erdialdean egindako bilera-sortan baieztatu zuen EH Bilduk Sanchezen inbestidura babestuko zuela, "ultraeskuina geldiaraztea agindu demokratikoa" dela argudiatuta eta horrekin "erabateko erantzukizuna eta determinazioa" duelako.
Zure interesekoa izan daiteke
?fmt=webp-alpha&qlt=80)
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.
Sozialistak, Parisko Alkatetzari eusteko moduan
Emmanuel Gregoire buru duen ezkerreko koalizioak irabazi du, eta Anna Hidalgoren lekukoa hartzen saiatuko da bigarren itzulian.
Jaurlaritza eta Espainiako Gobernua Madrilen bilduko dira aireportuen aldebiko kudeaketa negoziatzeko
Ubarretxenak argi utzi du Jaurlaritzak ez duela onartuko Estatuak ostiralean egindako kontra-proposamena, Jaurlaritzak egindako "eskakizun guztiak bertan behera" utzi baititu. Marisol Garmendia Espainiako Gobernuak Euskadin duen ordezkaria, ordea, baikor azaldu da, akordioa lortuko delakoan.
PPk irabazi ditu Gaztela eta Leongo hauteskundeak 33 eserlekurekin, PSOEk 30 lortu ditu, eta Voxek 14
Bestalde, PSOE izan da indar bozkatuena Trebiñuko konderri historikoan, eta Vox izan da bigarrena. Gaztela eta Leonen, oro har, % 65,22ko parte-hartzea izan da hauteskunde hauetan, baina % 48,26koa Trebiñun.
Ipar Euskal Herriko udal hauteskundeek aldaketak utzi dituzte Lekuinen, Arrosan, Alduden, Donapauleun eta Senperen, besteak beste
Laurent Intxauspek Donibane Garaziko auzapez izaten jarraituko du, Eneko Aldanak Ziburun eta Emmanuel Alzurik Bidarten. 11 herri joango dira bigarren itzulira, Angelun, Senperen eta Getarian lehen itzulitik argitu baita nor izango den hurrengo alkatea.
Jean-Rene Etchegaray izan da garaile Baionan, bigarren itzuliaren zain
Etchegaray zentrista bigarren itzulira iritsi da, Jean-Claude Iriart hautagai abertzalearekin, Henri Etcheto sozialistarekin eta, lehen aldiz, eskuin muturreko hautagai batekin, Pascal Lesellierrekin. Hain zuzen ere, ultraeskuinak bere emaitzak bikoiztea lortu du sei urtean, aurreko hauteskundeetatik.