Inoiz ikusi gabeko irudia Kongresuan: Pedro Sanchezen eta EH Bilduren arteko lehen bilera ofizialean
Pedro Sanchez Espainiako Gobernuko jarduneko presidentea EH Bilduren Kongresuko eta Senatuko bozeramaileekin bildu da ostiral honetan. Lehen aldia izan da, gainera, Sanchezek zuzenean indar politiko horretako ordezkariekin bilera egin duela. Are gehiago, Espainiako gobernuburu bat EH Bilduko ordezkariekin bildu den lehen aldia izan da.
EH Bilduren izenean, bileran izan dira Mertxe Aizpurua eta Gorka Elejabarrieta, koalizioak, hurrenez hurren, Espainiako Kongresuan eta Senatuan dituen bozeramaileak. PSOEren aldetik, Sanchezez gain, bileran izan dira Maria Jesus Montero jarduneko Ogasun ministroa eta Santos Cerdan alderdiko Antolakuntza idazkaria ere.
Prentsa ohar batean, EH Bilduk argi utzi du Sanchezi babesa emango diola, "ultraeskuina geldiaraztea agindu demokratikoa" dela eta "erabateko erantzukizuna eta determinazioa" dutela horretan.
"EH Bilduk esaten duena egiten du eta egiten duena esan. Horregatik ez du espekulatzen, ezta zalantzati jokatzen ere, une erabakigarri honetan duen jarrerarekin", azpimarratu du. "Sigla politikoen gainetik, Euskal Herriaren gehiengo zabalak agindu argia bidali zuen: PP-Vox buru duen bloke erreakzionarioari gobernua osatzen ez uztea eta aukera hori uxatzea" eta, beraz, EH Bilduk, "beti bezala, agindu hori beteko du".
Koalizioak gaineratu duenez, bileran adierazi diote Sanchezi "prest" daudela "alderdi positiboei jarraipena emango dien agintaldia garatzen eta sendotzen laguntzeko", baina "anbizioa" galdegin dio, "zintzilik dauden gaiak determinazioz konpontzeko".
EH Bilduren hitzetan, "bilera giro eraikitzaile eta positiboan egin da" eta "mugarri garrantzitsua da elkarrizketan, negoziazioan eta akordioan oinarritutako konfiantzazko ziklo bati ekiteko".
Sanchezen eta EH Bilduko ordezakarien arteko bilera-argazkirik ez da egon gaur arte; izan ere, aurreko legegintzaldian, Adriana Lastra orduko Kongresuko talde sozialistaren bozeramaileak egin zituen inbestidurarako harremanak. 2019ko abenduaren 17an izan zen PSOEren ordezkariak EH Bildurekin ofizialki bildu ziren aurreneko aldia.
Zure interesekoa izan daiteke
Egian migratzaile bati egindako erasoa gaitzetsi du Insaustik eta "motibazio arrazista" dagoen ikertzen ari direla esan du
Jon Insausti Donostiako alkateak gaur azpimarratu duenez, larria da pasa den astean Egia auzoan migratzaile bati egin zioten erasoa, eta gorrotoak hirian lekurik ez duela berretsi du. Biktima gizarte zerbitzuen sistemaren baitan zegoen, eta gaueko zerbitzuen eta "Otorduak" programaren erabiltzailea da.
Aburtok akordioak defendatu ditu eta "politika onaren alde" egin du
Juan Mari Aburto Bilboko alkateak elkarrizketan, akordioetan, zerbitzu publikoan eta bizikidetzan oinarritutako politika aldarrikatu du, Udalaren Egoerari buruzko azken osoko bilkuran.
Ubarretxenak azpimarratu du ez dela aldebiko batzordea elkartuko akordio garrantzitsurik lortu ezean
Maria Ubarretxena Eusko Jaurlaritzako bozeramaileak gobernu bileraren osteko prentsaurrekoan nabarmendu duenez, Jaurlaritzak "ez du amore emango", baina akordioak lortu ahal izateko "beste aldeak borondate politikoa erakutsi behar du".
Chivitek hauteskunde kutsua ikusi dio Geroa Bairi, Belateko lanen bileratik "sartu baino kezkatuago" atera zela esan ostean
Ezustean eta harriduraz hartu ditu Nafarroako presidenteak Geroa Baik atzoko bileraren ostean egindako adierazpenak. Izan ere, Gobernuko bazkideek Belateko tunelen egoera aztertzeko bart egindako bileraren ostean, Pablo Azcona bozeramaileak "sartu baino kezkatuago" atera zela esan zuen. Azpiegituraren etorkizunari buruz esan du "oraindik ez dagoela ezer itxita".
Anduezak "seriotasuna" eta "diskrezioa" eskatu ditu Estatutu berriaren negoziazioan, "pazientziak muga bat duelako"
Eneko Andueza PSE-EEko idazkari nagusiak pazientzia galtzeko arriskua dagoela ohartarazi die EAJ eta EH Bilduri. Ildo horretan, lehia eta ika-mikak alde batera uzteko eskatu die biei.
Aburtok Bilbon egindako ibilbidea aldarrikatu du, eta akordioetan oinarritutako politika defendatu: "Denak ez du balio"
Alkateak hiru agintaldien balantzea egin du, eta elkarrizketan, elkarbizitzan eta herritarren zerbitzura jardutean oinarritutako politika aldarrikatu du. "Pertsona ona izan nintzela gogoan izatea gustatuko litzaidake», esan du.
Albiste izango dira: lehendakariaren bilera Confebaskekin, Adimen Artifizialaren moteltzea eta Zinemaldia ate joka
Gaurkoan Orain-en albiste izango direnen laburpena, bi hitzetan.
Ertzaintzak ikerketa abiatu du gazte batzuek Felipe VI .a erregearen irudi bati burua moztu ziotela eta
Gertakariak igandean jazo ziren, Ernaik faxismoaren kontra deitutako martxan. Donostiako alkateak eta Espainiako Gobernuak EAEn duen ordezkariak ekintzok gaitzetsi dituzte.
Anduezak, estatutu berriaz: "Adostu beharrekoa Konstituzioaren barruan egongo da"
Halaber, jeltzaleei beste abisu bat ere helarazi die: EH Bildurekin hizkuntza eskakizunen inguruan akordioa sinatzea "oso larria" izan zela eta halako "leialtasuna eza" ezin dela errepikatu esan die.
PSOEk irabaziko lituzke hauteskunde orokorrak CIS inkestaren arabera, Ceutako krisiaren ostean bi puntu jaitsi arren
Iraileko CIS inkestak aurreikusi du PSOEk botoen % 31 lortuko lukeela, PPk % 25,5 eta Voxek % 16,6. Alderdi Popularrak lau hamarren egingo luke behera; ultraeskuinak, berriz, 1,3 puntu gora. Halaber, EH Bildu EAJren aurretik geldituko litzateke, hurrenez hurren, botoen % 1,3 eta 0,7 lortuta.