Macronen Gobernuak eta eskuinak immigrazio legearen bertsio gogortuari buruzko akordioa itxi dute
Emmanuel Macronen Gobernuak eta Frantziako eskuinak akordioa itxi dute immigrazio legearen inguruan, testuaren bertsio gogortuago batekin. Gaur gauean eramango dute Asanblea Nazionalera bozkatzeko.
"Perfektua" ez bada ere, Gerald Darmanin Barne ministroak adierazi duenez, "pozik gaude testu hau frantziarrak babestuko dituelako".
Ezkerrak, aldiz, ez du adjektiborik aurreztu testua kritikatzeko, xenofobotzat jotzen baitu. "Une beldurgarrian gaude", adierazi du Olivier Faure Alderdi Sozialistako idazkari nagusiak, eta Mathilde Panot Frantzia Intsumisoko (LFI) diputatuen buruak immigrazioari buruzko historiako testurik "gogorrena" dela esan du.
Akordioa Parlamentuko batzorde mistoan lortu dute (Asanbleako zazpi kide eta Senatuko beste hainbeste). Gobernuak instantzia horretara jo du, joan den astean Behe Ganberak testuaren beste bertsio bat eztabaidatzeari uko egin ostean, ezkerrak gogorregitzat eta eskuinak malguegitzat jotzen zuena.
LRren eta ultraeskuinaren babesa
Ofizialismoa, 2022tik aurrera bakarrik ekimenak aurrera ateratzeko gehiengo osorik ez duena, Senatutik (gehiengo kontserbadorekoa) ateratako proiektuaren bertsio kontserbadoreenera itzuli zen, eta Errepublikarrekin (LR) akordio bat bilatu zuen.
Bi aldeek talka egin dute astebetez hainbat gaitan, hala nola behartutako igarobidean dauden pertsonentzako gizarte-laguntzak eskuratzeko atzerapenean edo "paperik gabeko" pertsonei emandako laguntza medikoan. Azken hori, beste ekimen baten bidez erreformatuko da arau hori.
LR alderdi kontserbadoreko presidenteak, Eric Ciottik, Frantziako gizarte ereduak "erakargarri" izateari utzi behar diola defendatu du, Frantziak ezin dituelako hainbeste atzerritar hartu.
Marine Le Pen buru duen eskuin muturra ere berehala atera da "garaipen ideologikoa" aldarrikatzera; izan ere, nabarmendu duenez, proiektu horrek nolabait legean txertatzen du "lehentasun nazionalaren" printzipioa. Le Penek iragarri du bere alderdiak proiektuaren alde bozkatuko duela Asanblea Nazionalean.
Albiste gehiago politika
Eneko Andueza konbentzituta dago 'Koldo auziak' ez duela PSE-EEn eraginik izango
PSOE eta Nafarroak Alderdi Sozialista astintzen ari den ustezko ustelkeria kasuaren aurrean, Eneko Andueza PSE-EEko idazkari nagusia konbentzituta dago ez duela eraginik izango Euskadiko Alderdi Sozialistan. Halaber, sozialistak kritikatzen ari direnei zuhur jokatzeko gomendioa egin die. Izan ere, horren esanetan, orain fokoa sozialisten gainean badago ere, litekeena da auzia beste alderdi batzuengana ere zabaltzea.
Maria Chivite: "Erortzen dena erortzen dela esan nuen, eta betetzen ari naiz"
Ramon Alzorriz PSNren idazkariorde nagusi eta Parlamentuko bozeramailearen dimisioaren ostean, Maria Chivite Nafarroako Gobernuko presidenteak agerraldia egin du hedabideen aurrean, eta adierazi du berak ez duela "dimititzeko argudiorik".
Chivite, Alzorrizen dimisioaren ondotik: "Erortzen dena erortzen dela esan nuen, eta betetzen ari naiz"
Maria Chivite Nafarroako presidenteak ez du dimisioa emango eta nabarmendu du ez dagoela ez bera, ez gobernua eta ezta PSN alderdia ere ustelkeria kasuekin lotzen duen ezer.
Semper: "EAJ jabetzen hasi da PSOEk halako batean botata utzi egingo duela"
PPren bozeramailearen arabera, "Euskadin etorkizunerako aukera aritmetikoa PSE Bildurekin joatea da, EAJ albo batera utzita".
Lehendakariak baztertu egin du 'Cerdan auzia'k EAJ/PSE-EE gobernuari kalte egingo dionik: "Egonkortasuna zaintzea garrantzitsua da"
"Zorionez, Euskadin bestelako giro politikoa dugu. Ez gaude madrildarren lokaztian", adierazi du lehendakariak 'Cerdan auzia'k Euskadin izan ditzakeen ondorioez galdetuta.
"Sanchezek irmoago, gardenago eta azkarrago jardun behar du"
Lehendakariaren ustez, Espainiako Gobernua "beste fase batean sartu da", azken egunetan ezagutu diren ustezko ustelkeria kasuen ostean. "Egoera oso larria da, eta zapaldu ezin daitekeen ildo etiko bat dago jokoan", gaineratu du Pradalesek.
Imanol Pradales: 'Akordio batzuk zabalagoak izatea gustatuko litzaidake'
Lehendakari izan den lehen urtean zer ez den ondo egin galdetu diotenean, Imanol Pradalesek esan du gustatuko litzaiokeela "akordio batzuk zabalagoak izatea, batez ere aurrekontuen arloan". Gainera, lehendakariak kritikatu du zenbait unetan gobernukideek desadostasun puntuak jendaurrera eramatea. "Aldez aurretik sukaldeko lana eginda saihestu genitzakeen", gaineratu du.
Alzorrizek dimisioa eman du PSNko idazkariorde nagusi gisa, bere bikotekideak Servinabarren lan egin zuela onartu ondoren
Alzorrizek ere dimisioa eman du Nafarroako Parlamentuko PSNren bozeramaile gisa, baina parlamentari bezala jarraituko du. Prentsaurrekoan jakinarazi duenez, bere bikotekideak Belateko tuneletako eraikuntzan parte hartu zuen Servinabar enpresan lan egin du. UCOk adierazi du Cerdan enpresa horren % 45en jabe zela.
Berdintasun ministroak prostituzioa debekatzeko lege proposamena eramango du irailean Ministroen Kontseilura
Ana Redondo ministroaren esanetan, "Espainiako gizartea eraldatuko duen legea izango da", eta "prostituzioa eta matxismoa desagerrarazteko bide horretan" lagunduko du.
EAJk eta EH Bilduk ustelkeriaren aurka irmotasun handiagoz jardutea eta itunak betetzea eskatu diote Sanchezi
Bi euskal alderdiak Espainiako Gobernuko presidentearekin bildu dira asteazken honetan, Moncloan, 'Cerdan auzia'k irekitako krisiaren harira. Biek ala biek erregenerazio demokratikoa eta erantzukizuna eskatu diote Sanchezi, baina ñabardura ezberdinak izan dituzte, tonuari eta eskakizunei dagokienez.