Gasteizko kontuen negoziazioan taldeek izan duten akordiorako borondatea nabarmendu dute PSE-EEk eta EH Bilduk
Ezustean eta sukalde-lan mardularen ondoren, Gasteizerako 2024ko aurrekontuak onartzeko akordioa adostu zuten atzo bertako Udal Gobernuak —PSE-EEk eta EAJ osatzen dute— eta EH Bilduk. Iazko udal-hauteskundeak eta gero, urak harrotuta zeudela zirudienean heldu da albistea. Koalizio abertzalea izan zen indar bozkatuena bozetan, baina sozialistek eta jeltzaleek bat egin eta, popularren babesarekin, EH Bildu alkatetzara iristea eragotzi zuten.
Urtarrilaren 30era arteko epea zuten akordioa ixteko —egun horretan bozkatuko dira aurrekontuak Osoko Bilkuran— eta azken orduan heldu zen ituna. Biharamunean, Radio Euskadin egindako elkarrizketa banatan, hitzartutakoarekin gustura agertu dira Rocio Vitero EH Bilduk Gasteizko Udalean duen eleduna eta Cristina Gozalez PSE-EEren Arabako idazkari nagusia. Batak zein besteak hiru taldeek negoziazio prozesu osoan akordiorako izan duten borondatea nabarmendu dute.
Buruzagi sozialistaren hitzetan, Eusko Legebiltzarrerako bozak ate-joka diren honetan, "ahalegin handia" egin behar izan dute. Argi utzi du Gasteizerako egindako ituna dela, "une jakin batean" egindakoa, eta EH Bildu ez dutela bazkidetzat hartzen ere erantsi du.
Aurrekanpaina betean EH Bilduk akordioetarako bide berri bat ireki duen galdetuta, zehaztu du sozialistek koalizio abertzalearekin gobernu-itunetara iristeko aukera "oso hurrun" dagoela, bien artean "ezberdintasun sakonak" daudelako. Besteak beste, "indarkeriaren inguruan EH Bilduk duen jarrera" aipatu du.
Viterok ere hauteskundeek sortzen duten harrabotsetik kanpo kokatu du akordioa, eta hor jarri du azpimarra. Ziurtatu duenez, EH Bilduren Gasteizko taldeak hartu ditu hasieratik erabakiak, koalizio abertzalearen zuzendaritzaren esku-hartzerik gabe.
Azkenik, EH Bilduren marra gorriak "gasteiztarren beharrak" direla gehitu du, eta horretan jarraituko dutela nabarmendu, "eskuzabaltasunez, proposamen errealistak egiten". "Mundu guztiak gure aldetik errebantxismo politikoa espero zuen bitartean", esan du, "oposiziotik herritarrekiko jarrera arduratsua dugula erakutsi dugu".
Zure interesekoa izan daiteke
Ceutako 500 neska migratzaile penintsulara eramateko lanean ari da Espainiako Gobernua
Espainiako Gobernua lanean ari da bakarrik dauden 500 bat neska migratzaile penintsulara eramateko, uztailaren amaierako sarrera masiboaren ondoren Ceutan daudenak. Gazteria eta Haurtzaro Ministerioa aztertzen ari da adingabeak babesteko erakundeek baliabide egokituetan har ditzaten, haien tutoretza autonomia-erkidegoei transferitu beharrik gabe.
Bilboko Konpartsek eta Sarek manifestazioa deitu dute abuztuaren 28rako, 2027an "euskal presorik egon ez dadin" aldarrikatzeko
Sarek eta Bilboko Konpartsek Etxera Eguna deitu dute abuztuaren 28rako, Aste Nagusi betean, “euskal preso, iheslari eta deportatuak etxera itzultzea” aldarrikatzeko. Horretarako, manifestazioa eta herri-bazkaria egingo dute. Halaber, gaurko agerraldian, 2027ko jaiak presorik eta errepresaliaturik gabeko lehenak izatea jarri dute helburutzat.
Ceutako adingabe migratzaileak beren familiekin bueltatzearen alde eta, ezin den kasuetan, hartzearen alde egin du Jaurlaritzak
Txema Ezkerra Haur, Nerabe eta Familia zuzendariaren ustez, "onartezina" da Voxek arlo hori kudeatzen duen erkidegoetan legea ez betetzea, eta Estatuari esku-hartzeko eskatu dio.
Burlatako Udalak aho batez gaitzetsi du UPNko zinegotzi bati jaietan egindako erasoa
Pasa den larunbatean Carlos Oto UPNko zinegotziari eraso egin zioten alderdi erregionalistaren egoitzan, hainbat alderdikide eta beste hainbat pertsona bilduta zeudela.
"Errealitatea makillatzea" egotzi dio Ceutako presidenteak Gobernuari, eta krisia konpontzeko 30 egun eman dizkio
Juan Vivasek gogor kritikatu du Gobernua uztailaren 30ean eta 31n Marokotik 70.000 pertsona inguru hiri autonomora sartu ondoren sortu den migrazio-krisiaren aurrean "erantzun ezagatik" eta "pasibotasunagatik". Agerraldi batean, Vivasek galdetu du ea Gobernuaren pasibotasunak Maroko "ez molestatzea" bilatzen duen, eta iragarri du botere judizialera eta beste estamentu batzuetara joko duela krisia 30 eguneko gehieneko epean konpontzen ez bada.
Javier Lasagabaster hil da, Lurralde Politika eta Herri Lan sailburua 1980 eta 1984 artean
Lasagabaster Carlos Garaikoetxea buru zuen Jaurlaritzako kide izan zen lehen legegintzaldian, 1980 eta 1984 artean.
Burlatako jaietan zinegotzi bati egindako erasoa salatu du UPNk
Alderdiaren esanetan, Carlos Otok bularrean kolpea jaso zuen UPNren egoitzan. Nafarroako presidenteak eta hainbat alderdik erasoa gaitzetsi dute eta babesa agertu diote zinegotziari.
Baionako eta Sarako herriko etxeek euskarari egindako aitortzak atzera bota ditu, behin-behinean, Paueko Auzitegiak
Euskara lekuko hizkuntza modura aitortzen duen ebazpen onartu zuen Sarako herriko etxeak uztailaren 2an eta Baionakoak 23an. Prefetaren eskariari men eginez, Paueko Auzitegi administratiboak bertan behera utzi ditu bi ebazpenak. Bi udalek helegitea aurkeztuko dute astelehenean bertan.
Monica Garciak ukatu egin du Ceutan osasun-kolapsorik dagoenik, eta pilaketen arriskuaz ohartarazi du
Osasun ministroak azken 15 egunetan 5.800 migratzaile artatu dituztela azaldu du, eta arrisku sanitario eta epidemiologikoak prebenitzeko gune gehiago eskatu ditu.
PPk gobernatutako autonomia-erkidegoek uko egin diote Ceutako adingabe migratzaileen arreta hurrengo Sektore Konferentzian eztabaidatzeari
Abuztuaren 27ko Sektore Konferentzia izango da Ceutan atzerritarren sarrera masiboa izan zenetik egingo den lehena. Ceutarako 25 milioi euroko aparteko kredituaren transferentzia ere aztertuko dute, bakarrik dauden adingabe migratzaileen arretari lotuta.