Aragonesek "erantzukizuna" eskatu die alde guztiei amnistia legea arriskuan ez jartzeko
Pere Aragones Generalitateko presidenteak amnistiaren legea "arriskuan" ez jartzea eskatu du asteazken honetan, eta "erantzukizuna" eskatu die alde guztiei aurrera atera dadin, Juntsek amnistia legea Kongresuan ez babestea erabaki ostean,
"Alderdi politiko guztiek hausnarketa bat egin behar dute. Amnistiaren legea beharrezkoa da eta ez da arriskuan jarri behar. Katalunian ehunka pertsona jasaten ari diren minarekin amaitu ahal izateko behar dugu", esan du Aragonesek hedabideen aurrean, Europako Parlamentuan Iñigo Urkullu lehendakariarekin bildu ostean.
Diputatuen Kongresuak atzera bota zuen atzo amnistia legearen proiektua, aldeko 171 botorekin eta kontrako 179rekin, besteak beste, JxCATeko zazpiek uko egin zioten oniritzia emateari, PSOEk ez zituelako onartu 2017ko prozesu independentistarekin lotutako terrorismo delituak.
Espainiako Gobernuko hainbat ministrok, besteak beste, Maria Jose Monterok, Felix Bolañosek, Pilar Alegriak eta Oscar Puentek, amnistia legea aurrera ateratzea espero dutela adierazi dute irrati eta telebista bidez egindako hainbat elkarrizketatan. Ministroek ez dute legealdia bukatzeko arriskurik ikusten.
Legebiltzarreko taldeek gehienez hilabete izango dute proposamenean aldaketa berriak egiteko, baina epe hori 15 egunera laburtu daiteke Behe Ganberan egiten ari diren premiazko izapidearen ondorioz. Ildo horretan, Aragonesek "alde guztiei" eskatu die amnistia aurrera atera dadin.
Legegintzaldia arriskuan ote dagoen galdetuta, Kataluniako presidenteak esan du bere Gobernua "elkarrizketa eta negoziazio prozesu batekin konprometituta" dagoela, eta "aurrerapauso handiak lortzeko aukera historikoa" dagoela, hala nola, amnistia legea edo "Kataluniaren eta Espainiaren arteko subiranotasun gatazkaren konponbidea".
Zure interesekoa izan daiteke
Pradales lehendakaria Leon XIV.a aita santuarekin bilduko da gaur, Vatikanoan
Imanol Pradales lehendakariak audientzia orokorrean parte hartuko du, Leon XIV.a aita santuak gonbidatuta. Eusko Jaurlaritzaren arabera, balio handiko bilera izango da, eta Euskadik nazioartean duen presentzia instituzionala indartuko du.
Otxandianok berdinen arteko negoziazioa eskatu du euskararen gaian eta Olanok erantzun du prozesuan lortu dezaketela adostasuna
EH Bilduk enplegu publikoaren lege proposamenak berdintasunean negoziatzea eskatu dio EAJri. Jeltzaleek, ordea, edukiei dagokionean oso urrun ikusten ditu bi proposamenak.
Uxue Barkosek ukatu egin du bere agintaldian ustelkeririk izan zenik, eta Cerdanekin inoiz ez duela negoziatu ziurtatu du
2015 eta 2019 artean Nafarroako Gobernuko presidente izan zenak hiru orduko agerraldia egin du Nafarroako Parlamentuko Ikerketa Batzordean.
Itxasok Otxandianori erantzun dio EH Bildu "hirigintza garapenaren eta eraikitzearen aurka" agertu dela udaletan orain arte
Etxebizitzaren arazoari aurre egiteari dagokionez, azken hamar urteak "galdutzat" jo ditu EH Bilduk. Baieztapen horren aurrean, Etxebizitza sailburuak "bakoitzak bere erantzukizuna bere gain hartzeko" deia egin du astearte honetan. Denis Itxasok "proposamen zehatzak" eskatu dizkie indar politikoei.
Euskadik "bakearekin, demokraziarekin eta giza duintasunarekin" duen konpromisoa defendatuko du Pradalesek aita santuarekin izango duen bileran
Maria Ubarretxena Eusko Jaurlaritzako bozeramaileak Gobernu Kontseiluaren osteko agerraldian azaldu duenez, Imanol Pradales lehendakaria Leon XIV.a aita santuarekin bilduko da asteazkenean Vatikanoan, eta, bertan, Euskadik "bakearekin, demokraziarekin, giza duintasunarekin eta justizia sozialarekin" duen konpromisoa defendatuko du.
Pello Otxandiano: “Orain arte ezagutu gabeko eskalan etxebizitza publikoa sustatzea proposatzen dugu”
EH Bilduk koalizioaren etxebizitza plana aurkeztu eta ordu gutxira, Pello Otxandiano, Eusko Legebiltzarreko koalizioaren bozeramailea, Radio Euskadiko Boulevard saioan izan da. Han, etxebizitza arloko bere alderdiaren proposamenak azaldu ditu, eta arreta berezia jarri du etxebizitza publikoko proposamenetan. “Badago ardatz bat bereziki garrantzitsua: herri honetan orain arte ezagutu gabeko eskalan etxebizitza publikoa sustatzea. Arazoari benetan heldu nahi bazaio, funtsezkoa da etxebizitza publikoaren parke handi bat sustatzea, azpiegitura sozial estrategiko gisa”, adierazi du.
Otxandiano: "Hemen ez da etxebizitza politikarik egin, politika inmobiliarioa egin da"
EH Bilduk "anbizio handiko" plan bat aurkeztu du, etxebizitza merkatuan esku-hartzearen aldeko apustua egiteko; Babes Ofizialeko Etxebizitzaren (BOE) "eskala handiko" sustapenaren alde egiteko, "ahalegin publikoa biderkatzeko"; eta etxebizitzaren "funtzio soziala babestearen" alde egiteko plana darabil koalizioak, beraien hitzetan.
Pedrosa: "Ikastetxeen integrazioak familiekin lan egitea eskatzen du; hausnartu egin behar da zergatik ari garen hori egiten, datuekin"
Begoña Pedrosa Hezkuntza sailburuak, Egun Onen, adierazi du Araban bost integrazio egin dituztela, eta "hamar ikastetxe" egon direla "inplikatuta". Bizkaian, ordea, ikastetxe batzuk beste batzuetan integratu direla jakinarazi du.
Ollo: "Demokraziaren aldeko borrokan ari zen alderdi karlista baten jarraitzaileak zituzten helburu"
Lizarrako Udaleko Memoria Batzordeak ekitaldia egin du 1976an Montejurran izan ziren gertakarien 50. urteurrenaren kariaz, eta bertan izan da Nafarroako Gobernuko bigarren lehendakariorde eta Memoria eta Bizikidetzako kontseilari Ana Ollo.
Gaur amaitu da Ernairen IV. kongresua
Ezker abertzaleko gazte antolakundeak, Ernaik, gaur amaitu du laugarren kongresua, Bergaran. Bi konpromiso berretsi dituzte bertan: gazteriarekiko konpromisoa eta Euskal Herriarekiko konpromisoa. Horren harian, gazteriaren behar eta kezkak politizatu eta askapen prozesuan txertatzeko ardura hartu dute.