Gauerdian hasiko da hauteskunde kanpaina Galizian, PPk gehiengo absolutuari eutsiko ote dion zalantzarekin
Ostiralean, gauerdiarekin abiatuko da Galiziako hauteskunde autonomikoen kanpaina. Betiko moduan, 15 egun izango dituzte alderdiek boto-emaileei euren asmoak azaldu eta zalantzatiak erakartzeko: hautestontziekin hitzordua otsailaren 18an izango da.
Galiziako alderdi nagusiek (PP, BNG eta PSdeG-PSOE) Lugo, A Coruña eta Santiago aukeratu dituzte kanpainari ekiteko.
Ikuskizun dago Alderdi Popularrak gehiengo osoari eusteko modua izango duen. CIS inkestaren arabera, esaterako, PPk irabaziko lituzke bozak, baina ez gehiengo osoarekin. Ezkerreko blokeak gobernagarritasun aukerak izateko, BNGk eta PSOEk koalizioa osatu beharko lukete, baina boto-estimazioan beheko partean geratuko balira, Sumarren babesa beharko lukete, Diazen alderdiak ordezkaritza lortzen badu behintzat.
Alfonso Rueda Xuntako presidente eta PPren hautagaiak Lugon ekingo dio kanpainari; Ana Ponton BNGko buruzagi eta hautagaiak A Coruña aukeratu du, eta Jose Ramon Gomez Besteiro sozialistak ere Lugo jaioterrian egingo du bere kanpainako lehen mitina.
Marta Lois Galiziako Sumarren hautagaiak O Morrazoko kostaldearen aldeko apustua egin du kanpaina abiatzeko. Isabel Faraldo Podemoseko hautagaiak A Coruñan egingo ditu adierazpenak, eta Alvaro Diaz-Mellak (Vox), Vigon.
Esan bezala, hauteskunde kanpaina otsailaren 2tik 16era egingo dute. Araudiaren arabera, hilaren 12ra arte dago hauteskunde inkestak argitaratzeko.
2,6 milioi galiziar daude deituta bozkatzera, 6tik 1 (ia % 18) atzerrian bizi da. Galiziako Parlamentuak 75 eserleku ditu: 25, A Coruñatik; 14na, Lugotik eta Ourensetik, eta 22, Pontevedratik. Adituen hitzetan, atzerriko botoa erabakigarria izango da.
Albiste gehiago politika
UCO Ferrazen sartu da, epaileak aginduta, Santos Cerdanen posta klonatzeko
Ikerketako iturriek jakitera eman dutenez, agenteak PSOEren egoitzara, ADIFen instalazioetara eta Errepide Zuzendaritza Nagusira joan dira, Leopoldo Puente Auzitegi Goreneko epaileak eskatutako informazioa eskatzeko.
UCO Ferrazen sartu da, epailearen aginduz, Cerdanen posta klonatzeko
Ikerketako iturriek jakitera eman dutenez, agenteak PSOEren egoitzan, Adifen instalazioetan eta Errepide Zuzendaritza Nagusian sartu dira, Leopoldo Puente Auzitegi Goreneko epaileak eskatuta.
Cerdanek asteazkeneko bere deklarazioa bertan behera uzteko eta uztailera atzeratzeko eskatu dio epaileari
Auziaren konplexutasuna eta duen oihartzun soziala aipatu ditu idatzian buruzagi sozialista ohiaren abokatuak, data atzeratzea eskatzeko.
Eusko Jaurlaritzak azken hamar urteetako kontratu publikoak berrikusiko ditu
Imanol Pradales lehendakariak azaldu duenez, ez dute ustelkeria zantzurik edo susmorik aurkitu, ezta UCOren txostenean aipatzen diren enpresekin kontraturik ere.
Abalosen hitzetan, Cerdan eta Garciaren “ustelkeria dinamika” Nafarroatik zetorren, eta “erabili” egin dute
Garraio ministro ohiak Ser irrati kateari eskaini dion elkarrizketan azaldu duenez, Cerdanek eta Koldok Ministerioan jarri zuten, eta, ondoren, "presioa" egin zioten kontratazio publikoetan "eragiteko".
PSNk gaur aukeratuko du Alzorrizen ordezkoa, azken horrek Cerdan auziagatik dimisioa eman ondoren
Atzo zabaldutako ohar batean, Servinabarrek ukatu egin zuen Santos Cerdanekin inolako loturarik duenik, eta nabarmendu zuen ikertzaileek ez dutela orain arte delitu zantzurik ikusi enpresaren jardunean.
Servinabarrek ukatu egin du Santos Cerdanekin inolako loturarik duela
Enpresa eraikitzaileak gogorarazi duenez, ez diote deliturik leporatu "ez UCOren txostenean", ezta ikerketa judizialean ere. Gainera, Antxon Alonso Egurrola administratzailearen eta Cerdanen arteko harremana "pertsonala" eta "bakoitzaren jarduera profesionaletatik kanpokoa" dela gaineratu du.
Zazpi ministro sozialisten eta PPko hainbat buruzagi ohiren datu pertsonalak argitaratu ditu ultraeskuineko Telegram talde batek
Mezu horiek agertu diren Telegram taldeak 92.000 jarraitzaile baino gehiago ditu, eta Alvise Perezen jarduera politikoarekin lotutako argitalpenak zabaltzeko erabiltzen dute erabiltzaileek, baita Espainiako Gobernuari eraso egiteko edo mezu xenofoboak zabaltzeko ere.
PSNk, Geroa Baik, Zurekin Nafarroak eta EH Bilduk ikerketa batzordea osatzea adostu dute
Cerdan auziko azken berriak ezagutu ondoren adostu dute neurria. Guardia Zibilak egindako txostenean agertzen diren enpresei egin zaizkien esleipenak aztertuko ditu batzordeak eta uda honetan bertan hasiko da lanean.
Sanchezek neurri "sendoak" ezarri behar dituela eta "ausardiaz" jokatu behar duela azpimarratu du EH Bilduk
Mertxe Aizpurua EH Bilduk Kongresuan duen bozeramaileak ostegun honetan Kongresuko osoko bilkurara heldu denean zehaztu duenez, Pedro Sanchez presidenteak ustelkeriaren aurkako neurri "sendoak" ezarri behar ditu, eta "ausardiaz" jokatu behar du, "EH Bilduren babesa izaten jarraitu nahi badu".