EAJk eta EH Bilduk 27na ordezkari lortuko lituzkete datozen hauteskundeetan
EAJk eta EH Bilduk 27 ordezkari lortuko lituzkete Legebiltzarrerako hauteskundeetan, Eusko Jaurlaritzaren Soziometroak jasotzen duenez. EH Bildu lehen indarra izango litzateke Araban eta Gipuzkoan, eta EAJ Bizkaian. PSE-EEk emaitzak hobetuko lituzke, eta Elkarrekin Podemosek eta Sumarrek ordezkaritza galduko lukete. PPk eta Voxek egun duten legebiltzarkide kopurua mantenduko lukete.
Boto-estimazioari dagokionez, EAJ izango litzateke lehen indarra. Botoen % 34,6 lortuko lituzkete jeltzaleek, eta EH Bilduk botoen % 32,4 lortuko lituzke. PSE-EE % 14,2ra igoko litzateke, PP % 7,7ra eta Vox % 2,5era. Elkarrekin Podemosek eta Sumarrek ordezkaria galduko lukete.
EAJk eta PSE-EEk gehiengoa lukete bien artean, eta egun duten gobernu-koalizioa errepikatu ahalko lukete. Elkarrekin Podemosek eta Sumarrek hauteskundeetan elkarrekin ez aurkezteko erabakiak eragina izango luke, eta moreek ordezkari bakarra lortuko lukete.
Parte-hartzea % 61ekoa izango omen da, orain dela lau urte baino 10 puntu handiagoa.
Datuak lurraldez lurralde aztertuta, botoen eta eserlekuen banaketa honakoa litzateke:
- Araba: EH Bildu (botoen % 29,7 eta 8 ordezkari), EAJ (botoen % 25,4 eta 7 ordezkari), PSE-EE (botoen % 18,1 eta 5 ordezkari), PP (botoen % 14,1 eta 3 ordezkari), Vox (botoen % 4,2 eta ordezkari 1) eta Sumar (botoen % 3,8 eta ordezkari 1). Abstentzioa % 38,5ekoa izango litzateke.
- Bizkaia: EAJ (botoen % 38,6 eta 11 ordezkari), EH Bildu (botoen % 29 eta 8 ordezkari), PSE-EE (botoen % 13,9 eta 3 ordezkari), PP (botoen % 7,4 eta 2 ordezkari) eta Elkarrekin Podemos (botoen % 3,8 eta ordezkari 1). Abstentzioa % 39koa izango litzateke.
- Gipuzkoa: EH Bildu (botoen % 39,1 eta 11 ordezkari), EAJ (botoen % 32,2 eta 9 ordezkari), PSE-EE (botoen % 13 eta 3 ordezkari), PP (botoen % 5,3 eta ordezkari 1) eta Sumar (botoen % 3,5 eta ordezkari 1). Abstentzioa % 39,5ekoa izango litzateke.
2020ko hauteskundeekin alderatuta, Araban, EH Bilduk bi legebiltzarkide irabaziko lituzke, EAJk galduko lituzkeenak; PSE-EEk eta PPk ordezkari bana irabaziko lukete eta Voxek egun duena mantenduko luke. Elkarrekin Podemosek bi galduko lituzke (ez luke ordezkaritzarik lortuko) eta Sumarrek bat lortuko luke.
Bizkaian, EAJk ordezkari bat galduko luke, eta EH Bilduk bi gehiago lortuko lituzke. PSE-EEk eta PPk egun duten ordezkaritza mantenduko lukete, eta Elkarrekin Podemosek bat galduko luke.
Gipuzkoan, EH Bilduk bi legebiltzarkide gehiago lortuko lituzke, eta EAJk bat gutxiago. PSE-EEk eta PPk egun duten ordezkaritza mantenduko lukete. Elkarrekin Podemosek bi galduko lituzke (ez luke ordezkaritzarik lortuko) eta Sumarrek bat lortuko luke.
Metodologia
Soziometro hau egiteko datuak 2024ko urtarrilaren 30a eta otsailaren 2a bitartean bildu zituzten —biak barne— ordenagailuz lagundutako banakako telefonozko elkarrizketen bidez (CATI). Eusko Jaurlaritzako Prospekzio Soziologikoen Kabineteak diseinatu du galdeketa, eta Ikerfel enpresa arduratu da datuak biltzeaz, EAEko biztanleriaren lagin adierazgarri bati egindako galdetegi egituratu eta itxi baten bidez.
EAEko hiru lurraldeetako 18 urtetik gorako bizilagunak galdekatuko dituzte horretarako: Arabako 730 pertsona, Bizkaiko 1.315 eta Gipuzkoako 985. Guztira, beraz, 3.030 pertsona elkarrizketatu dituzte.
Zure interesekoa izan daiteke
Etchegarayk ez dio sinesgarritasunik eman Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogorarazi die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.
Sozialistak, Parisko Alkatetzari eusteko moduan
Emmanuel Gregoire buru duen ezkerreko koalizioak irabazi du, eta Anna Hidalgoren lekukoa hartzen saiatuko da bigarren itzulian.
Jaurlaritza eta Espainiako Gobernua Madrilen bilduko dira aireportuen aldebiko kudeaketa negoziatzeko
Ubarretxenak argi utzi du Jaurlaritzak ez duela onartuko Estatuak ostiralean egindako kontra-proposamena, Jaurlaritzak egindako "eskakizun guztiak bertan behera" utzi baititu. Marisol Garmendia Espainiako Gobernuak Euskadin duen ordezkaria, ordea, baikor azaldu da, akordioa lortuko delakoan.