Sanchezek Feijoori esan dio bere gobernuak "aurrez aurre" eta "ekintzekin" aurre egiten diola ustelkeriari
Koldo auzia zabalik dagoen honetan eta PPren kritiken aurrean, Pedro Sanchez Espainiako Gobernuko presidenteak kontraerasora jo du eta Alderdi Popularreko ustelkeria kasuak gogora ekarri ditu. Alberto Nuñez Feijoo PPko buruzagiaren hitzetan, Espainiako Gobernuak "bazuen" maskaren auziaren berri, eta "estali egin zuen".
Espainiako Kongresuko kontrol saioan eta Feijoori erantzunez, Sanchezek esan du bere gobernua "gupidagabea" eta "bateraezina" dela ustelkeriaren aurka. "Ustelkeria estaltzen ez duen gobernua da hau. Ustelkeria aurrez aurre borrokatzen duen gobernua da, eta ekintzekin, Justiziarekin kolaboratuz, gardentasunez eta kontuak emanez egiten du, ez zuk bezala diskurtso hutsalekin", esan du.
Gainera, Sanchezek nabarmendu du PSOEk erantzukizun politikoak bere gain hartzen dituela, "erantzukizun judizialetatik harago", eta hori PPk egiten duenaren "kontrakoa" dela.
Halaber, Sanchezek nabarmendu du justiziarekin lankidetzan ari direla, ganberan ikerketa batzordea sortuko dutela eta Abalosi erantzukizun politikoa eskatu diotela. "Ustelkeria politikatik baztertzeko iritsi ginen gobernura, eta zu hura estaltzeko iritsi zara PPren buruzagitzara", esan dio Feijoori.
Feijook bere hitzaldian Sanchezi aurpegiratu dio bazekiela maskaren auziaren berri, "gutxienez duela hiru urtetik", eta ohartarazi dio Antolaketa idazkariak ez diola suebaki gisa balioko. Buruzagi popularraren arabera, Sanchezek Abalos 2021eko uztailean kargugabetu zuen Garraio Ministerioan "zer gertatzen ari zen esan ziotelako", baina aldi berean, forudun izatea ahalbidetu zion.
Zure interesekoa izan daiteke
EAJk Sanchezen gaineko presioa areagotu du, eta PPk "Parlamentua isilaraztea" leporatu dio
Kongresuan egin duten Gobernuaren kontrol saiak bi gai nagusi izan ditu. Batetik, EAJk Sanchezi aurrekontu batzuk aurkezteko edo hauteskundeak deitzeko eskaria egin dio. Bestetik, PPk kritika ugari egin dizkio hauteskundeak aurreratzeko bere bozketa proposamena atzera bota ondoren.
Aske utzi dute Enrique Maya Iruñeko alkate ohiari egindako erasoarekin lotuta atxilotu duten gizona
Joan den ekainaren 9an, Iruñeko alkate ohia iraindu eta bularrean kolpatu zuten Estafeta kalean, inolako kalterik jasan gabe. Egun batzuetako ikerketaren ostean, atzo, asteartea, gizon bat atxilotu zuten autoritatearen aurkako atentatu delitu bat egotzita.
Epaileak ez dio kautelazko neurririk ezarri Zapaterori, ez baitu ihes egiteko eta frogak suntsitzeko arriskurik ikusi
Epailearen esanetan, “ez ditu ezeztatu inputazio autoan jasotako delitu zantzu arrazoizkoak”.
Pradalesek elikagaien eta energiaren BEZa jaistea eskatu dio Sanchezi, eta oposizioak erantzun falta kritikatu du
Eusko Legebiltzarrak bizimodu duina bermatzeko osoko bilkura monografikoa egin du gaur, EH Bilduk bultzatuta. Otxandianok ohartarazi du ongizaterako arrisku nagusia ez dela balizko "inbasio militar bat", etxebizitzen garestitzea eta soldata txikiak baizik, eta sektorea "desmerkantilizatzea" eskatu du.
Zapaterok deliturik egin izana ukatu du epailearen aurrean: "Egia nagusituko da, eta zalantzan daudenei konfiantza itzuliko diet"
Espainiako Gobernuko presidente ohia eraikinaren atari nagusitik sartu da, eta hiru orduz deklaratu du. Ondoren zabaldu duen oharrean, errugabea dela berretsi du: "Mingarriena da jakitea jende asko etsita senti daitekeela, nitaz esaten direnak sinesten baditu".
Albiste izango dira: Zapateroren deklarazioa Auzitegi Nazionalean, lehendakariari elkarrizketa eta Azkena Rock jaialdiaren aurkezpena
Gaurkoan Orain-en albiste izango direnen laburpena, bi hitzetan.
Pradales: “Neurri nagusia etxebizitza gizarte funtsa da, eta 2027ko aurrekontura begira neurri berriak sartuko ditugu”
Imanol Pradales lehendakariak azpimarratu du etxebizitzaren arazoa ezin dela "egun batetik bestera" konpondu, eta uste du legealdiaren bigarren erdian ereindakoaren lehendabiziko fruituak jasoko direla.
Lehendakaria: "Sanchezek orain arte eman ez dituen azalpenak eman beharko ditu, gardentasunez"
Euskal Telebistan elkarrizketa egin du Imanol Pradales lehendariak, agintaldiaren erdira iritsi denean. Espainiako gobernuburuak "zentzua eman" behar dio legealdiaren azken txanpari, adibidez, transferentzien negoziazioan. Horri dagokionez, aurreratu du Transferentzien Batzorde Mistoa datorren astelehenean, ekainaren 22an, bilduko dela.
Lehendakaria: "Aukera eman behar zaie Enplegu Legearen inguruan zabalik dauden negoziazioei"
Imanol Pradales lehendakariak "itxasopentsu" ikusten du enplegu publikoan euskara eskakizunak arautuko dituen legea adosteko EAJren eta EH Bilduren arteko negoziazioa. Ekainaren 25ean egingo da gaiaren inguruko bozketa Eusko Legebiltzarrean.
Kongresuko Mahaiak ez ditu onartu hauteskundeak aurreratzea eskatzen zuten Juntsen eta PPren zuzenketak
Bilera telematiko batean, Mahaiaren gehiengoa (PSOE eta Sumar) osatzen duten alderdiek argudiatu dute eskumen hori Gobernuko buruarena dela esklusiboki, eta ez botere legegilearena.