Hauteskunde mahaien 20.000 jakinarazpen ez atzera ez aurrera daude Bizkaian, Correoseko sindikatuen arabera
CCOO, ESK, CSIF, LAB, UGT eta ELA sindikatuek Bizkaiko Correosen deitutako sei lanuzteek eragina izan dute apirilaren 21eko Legebiltzarrerako hauteskundeen mahaien osaera jakinarazteko orduan, eta 20.000 bat entregatzeke leudeke, sindikatuon arabera.
EAEko 23 udalerritan (tartean daude Bilbo eta Bizkaiko herri handi batzuk, Getxo edo Barakaldo) Correosi dagokio jakinaraztea. Berez, larunbatean bukatu zen epea, baina kasu askotan komunikazioa ez da gauzatu ere egin, betiere sindikatuen hitzetan.
Hala baieztatu dio behintzat Luis Alonso CSIF sindikatuko kideak Radio Euskadiri: "Ez da Bilbon bakarrik gertatu, trabatuta daude jakinarazpenak ditugu Barakaldon, Erandion, Eskuinaldean, Ezkerraldean... Anabasa dugu, eta astebetean jakinarazpen horiek ez dira aterako".
Correosetik diotenez, ordea, lehen bidalketa egina dago, eta udalek bigarren bat agintzeko aukera dute. Euren esanetan, epeak betetzen ari dira.
Izan ere, unitate jakin batzuk indartu dituzte eta jakinarazpenak lehenetsi pakete eta enparauen aurretik.
Langile kopurua handitzea eta "baldintza duinak" eskatzeko lau orduko lanuzteak deitu zituzten sindikatuek. Joan den astean hiru egin zituzten (martxoaren 25, 26 eta 27an) eta asteon beste hiru egunez (apirilak 2, 3 eta 4) egongo dira protestan. Are gehiago, zenbait sindikatu 24 orduko greba egun bat antolatzekotan dira apirilaren 12rako (hauteskunde kanpaina martxan dela).
Zure interesekoa izan daiteke
Zupiria: "Larunbatekoa nahi nuke izatea festa eguna, aldarrikapen eguna, elkartasun eguna, eta ez istilu eguna"
Ostegun goizean Bingen Zupiria Segurtasun sailburuak ohartarazi badu ere larunbaterako komunikatu gabeko mobilizazio bat deituta zegoela -Euskal Herriko klubetako zaleek eta Palestinarekin Elkartasunak deitutakoari erreferentzia eginez-, arratsaldean argitu dute mobilizazio hori komunikatuta eta baimenduta dagoela asteazken arratsaldetik.
CTBk atzera bota du garraioetako deskontuak otsailaren 20ra luzatzeko Aldundiak egindako proposamena
Proposamena Bizkaiko Garraio Kontseiluan landu da, baina atzera bota dute, Leixuri Arrizabalaga Aldundiko bozeramaileak ostegun honetan baieztatu duenez. Diputatuak zehaztu duenez, proposamenari bide ez emateak "oraingoz luzapena aplikatu ezin izatea" dakarren arren, foru erakundeak "ildo horretan akordio bat lortu ahal izateko lanean" jarraituko du.
Amnistiari buruzko azken hitza “aberria salbatu” nahi dute epaileek dutela ohartarazi du Puigdemontek
EBko abokatu nagusiak amnistia legearen inguruan emandako iritziaren inguruko balorazio ezberdinak egin dituzte aldeek. EBko abokatu nagusiak amnistia legeari babesa eman diola iritzi diote Junts, ERC eta Espainiako Gobernuak. PPren ustez, berriz, amnistia legeak zuzenbide estatuaren printzipioak "urratu" dituela ondorioztatu du Europar Batasuneko abokatu nagusiak.
Chiviteren hitzetan Gobernuan ez dago ustelkeria zantzurik: "Ez naute eroraraziko, ez dute lortuko"
Parlamentuan egindako osoko bilkuran, Chivitek esan duenez "edukiontziak gurutatzea bezain antisistema da instituzioak eta demokrazia ahultzen dituzten gezurrak zabaltzea". "Ez zaiteztela harritu ultraeskuinak gainetik pasatzen zaituztenean, zuek ari zarete haiei lan zikina egiten", esan die Gobernuan ustelkeria dagoela iradokitzen dutenei.
Ansola: "EAJ da alderdi bakarra, Voxekin izan ezik, alderdi guztiekin negoziatzeko ateak zabalik dituena"
Bizkai Buru Batzarreko presidenteak Euskadi Irratian egin duen elkarrizketa batean adierazi du, gainera, "gardentasuna" bultzatzen duela Segurtasun sailak atxilotuen jatorriak argitaratzeak. Gernikako Estatutuari dagokionez, azpimarratu du "traba politiko eta administratiboak" jartzen ari zaiela Espainiako Gobernua.
Mitxel Lakuntza: "Herri-ekimen legegile honen eztabaida ukatzea autogobernuari uko egitea da"
ELAren idazkari nagusiak ohartarazi duenez, ekimena tramitera ez onartzea "astakeria izango litzateke, iruzur demokratikoa", izan ere, "hori delako gizarteak legegintzan zuzenean parte hartzeko eskura duen mekanismo bakarra".
Eusko Legebiltzarrak atzera bota du Euskadirako gutxieneko soldata propioa ezartzeko ekimen legegilea
Hainbat sindikatuk bultzatutako eta 138.000 sinadurek babestutako proposamenak kontrako 44 boto (EAJ, PSE-EE, PP eta Vox) eta aldeko 27 (EH Bildu eta Sumar) jaso ditu, eta ez dute Legebiltzarrean eztabaidatuko.
Gutxieneko soldata propioaren eztabaida aurrera egiteko babesik gabe eztabaidatuko da gaur Legebiltzarrean
09:30etik aurrera, ELAk, LABek, ESKk, Steilasek, Hiruk eta Etxaldek Herri Ekimen Legegilea defendatuko dute (138.000 sinadura alde dituena) Eusko Legebiltzarrean, baina emaitza erabakita dagoela dirudi: EAJk eta PSE-EEk tramitazioaren aurka bozkatuko dute, Eusko Jaurlaritzaren irizpidearen ildotik.
Edurne Egañaren agintaldian Euskal Kirol Portuek egindako esleipen guztiak legezkoak direla defendatu du EAJk
Eusko Jaurlaritzak urriaren 28an kendu zuen Edurne Egaña EPKren zuzendari kargutik, eta Nekazaritza, Abeltzaintza eta Arrantza gaietarako aholkulari izendatu zuen.
Sanchezentzat "bereziki mingarria" da Juan Carlos I.ak Franco diktadorea goraipatzea
Ione Belarra Podemoseko bozeramaileak monarkiaren inguruko erreferendum bat eskatu du, eta Alberto Nuñez Feijoo PPko buruari oso larria iruditu zaio Pedro Sanchez Espainiako Gobernuko presidentea Estatuburu ohia kritikatzea.