Martxan da administrazio guztiek pandemian zehar egindako kontratuak ikertuko dituen Kongresuko batzordea
Administrazio guztiek pandemian zehar egin izan ditzaketen iruzurrezko kontratuak ikertuko dituen batzordea gaur eratu da Diputatuen Kongresuan, eta Alejandro Soler PSOEko diputatua izango da batzordeko presidentea.
Senatuan, PPk eskatuta, Koldo sarearen inguruko beste ikerketa batzorde bat abiatu eta biharamunean, Kongresuak PSOEk bultzatutako beste batzorde bat osatu du, pandemian zehar osasun-materiala kontratatzeko prozesuen inguruko "gertakariak eta erantzukizunak" ikertzeko, "irakaspenak" ateratzeko. Hala azpimarratu du batzordeko presidenteak, organo horretako Mahaia eratu ondoren.
Soler aldeko 180 botorekin aukeratu dute, eta PPk 137 boto zuri eman ditu. Erabaki beharreko agerraldiak "egokiak" izatea eta lana "errespeturik handienarekin" egitea nahi du mahaiko presidenteak.
Batzordearen Mahaia Engracia Rivera Sumarreko diputatuak (lehen presidenteorde izango da) eta Jose Vicente Mari PPko diputatuak (bigarren presidenteordea izango da) ere osatzen dute. Vox alderdi ultraeskuindarrak lehen aldiz izango du tokia legealdi honetan batzorde parlamentario batean. Izan ere, lehenengo eta bigarren idazkariak Mercedes Gonzalez diputatu sozialista eta Jorge Campos Vox alderdiko diputatua izango dira, hurrenez hurren.
Carlos Flores Juberias Voxeko diputatuak, batzordeko kideak, ez du argitu PPk babesaren truke Mahaian leku bat izatea eskaini dien ala ez, eta erantzun du "ezohikoa" litzatekeela tokirik ez izatea, Kongresuko hirugarren indar politikoa direnean. Alderdi ultraeskuindarra izan zen Kongresuko batzordea sortzearen aurka bozkatu zuen talde politiko bakarra -PP abstenitu egin zen-.
Behin batzordea eratuta, Mahaia berriro bilduko da datozen egunetan, agerraldi eskaerak eta jarraitu beharreko lan egitasmoa noiz aurkeztu behar diren zehazteko. Zentzu horretan, Sumarrek argi utzi du Ayuso eta haren bikotekidea deitzea eskatuko duela, eta PSOEk ate hori irekita utzi du, Alberto Nuñez Feijoo PPko buruaren balizko agerraldi eskaera bezala.
Espainiako Gobernuko beste bazkide batzuek ere, ERC edo Junts kasu, Madrilgo presidentearen agerraldia babestuko lukete, baina bi alderdi horietako iturriek adierazi dutenez, oraindik zerrendak negoziatzen ari dira. Agerraldien zerrenda horietan Fernando Grande-Marlaska Barne ministroa edo Salvador Illa eta Carolina Darias ministro ohiak daude. Baita Miguel Tellado PPko bozeramailea eta Pablo Casado PPko presidente izandakoa ere.
Albiste gehiago politika
Lehendakariak baztertu egin du Cerdan auziak EAJ-PSE gobernuari eragitea: "Egonkortasuna zaintzea garrantzitsua da"
"Zorionez, Euskadin bestelako giro politikoa dugu. Ez gaude madrildarren lokaztian", adierazi du lehendakariak Cerdan auziak Euskadin izan ditzakeen ondorioez galdetu diotenean.
"Sanchezen aldetik, irmotasun, gardentasun eta azkartasun handiagoa behar da"
Lehendakariaren ustez, Espainiako legegintzaldia "beste fase batean sartu da", azken egunetan ezagutu diren ustezko ustelkeria kasuen ostean. "Egoera oso larria da, eta zapaldu ezin daitekeen ildo etiko bat dago jokoan", gaineratu du Pradalesek.
Imanol Pradales: "Akordio batzuk zabaldu izana gustatuko litzaidake"
Lehendakari izan den lehen urtean zer ez den ondo egin galdetu diotenean, Imanol Pradalesek esan du gustatuko litzaiokeela "akordio batzuk zabaltzea, batez ere aurrekontuen arloan". Gainera, lehendakariak kritikatu du zenbait unetan gobernukideek publikoki erakutsi dituztela desadostasunak. "Aldez aurretik sukaldeko lana eginda saihestu genitzakeen", gaineratu du.
Alzorrizek dimisioa eman du PSNko idazkariorde nagusi gisa, bere bikotekideak Servinabarren lan egin zuela onartu ondoren
Alzorrizek ere dimisioa eman du Nafarroako Parlamentuko PSNren bozeramaile gisa, baina parlamentari bezala jarraituko du. Prentsaurrekoan jakinarazi duenez, bere bikotekideak Belateko tuneletako eraikuntzan parte hartu zuen Servinabar enpresan lan egin du. UCOk adierazi du Cerdan enpresa horren % 45en jabe zela.
Berdintasun ministroak prostituzioa debekatzeko lege proposamena eramango du irailean Ministroen Kontseilura
Ana Redondo ministroaren esanetan, "Espainiako gizartea eraldatuko duen legea izango da", eta "prostituzioa eta matxismoa desagerrarazteko bide horretan" lagunduko du.
EAJk eta EH Bilduk ustelkeriaren aurka irmotasun handiagoz jardutea eta itunak betetzea eskatu diote Sanchezi
Bi euskal alderdiak Espainiako Gobernuko presidentearekin bildu dira asteazken honetan, Moncloan, 'Cerdan auzia'k irekitako krisiaren harira. Biek ala biek erregenerazio demokratikoa eta erantzukizuna eskatu diote Sanchezi, baina ñabardura ezberdinak izan dituzte, tonuari eta eskakizunei dagokienez.
Chivitek dio ez duela Cerdanen eta Servinabarren loturaren berririk eta PSNren kontuen auditoria iragarri du
Horrez gainera, “politikari eta pertsona gisa traizionatua” sentitzen dela esan du Nafarroako Gobernuko presidenteak.
Ibarrolaren ustez Chivitek dimisioa eman beharko luke "Belateko lanak Cerdanen enpresari esleitu bazaizkio"
Cristina Ibarrola UPNren presidentearen iritziz, "agerikoa da Chivite presidentea gero eta inguratuago dagoela". "Nafarroan esleitutako obra publiko handiena Cerdanen % 45eko parte-hartzea duen enpresa bati" esleitzea "eskandalua" dela esan du.
Nafarroako Gobernua akusazio partikular gisa aurkeztuko da ‘Koldo auzian’
Foru Gobernuko iturriek azaldu dutenez, Maria Chivitek dagoeneko iragarri duen ikuskaritza hirukoitzaren baitan hartutako erabakia da, “gardentasuna” bermatzeko neurri gehigarri gisa.
Rufianek, Sanchezi: ''Zin egizu hau ez dela PSOEren 'Gurtel auzia'''
PSOEren 'Gurtel auzia' ez dela ziurtatzeaz gain, Gabriel Rufian ERCren bozeramaileak Sanchezi eskatu dio inplikatutako enpresen aurka egitea eta "ustelkeriatan dabilen oro bizi osorako inhabilitatzea". "Ezkerrak ezin du lapurtu", adierazi du.