Nafarroako eta Espainiako gobernuak gaur bildu dira, trafiko eskumena blindatzeko itunaren bila
Nafarroako Foru Hobekuntzaren Legea erreformatzeko Nafarroa-Estatua Negoziazio Batzordearen lehen bilera egin dute gaur, Foru Erkidegoak trafiko eskumena blindatu ahal izateko, Foru Gobernuak ohar baten bidez jakinarazi duenez.
Nafarroako Gobernutik Felix Taberna lehen presidenteorde eta Presidentetza eta Berdintasun kontseilariak, Ana Ollo bigarren presidenteorde eta Memoria eta Bizikidetza, Kanpo Ekintza eta Euskara kontseilariak, Begoña Alfaro hirugarren presidenteorde eta Etxebizitza, Gazteria eta Migrazio Politiketako kontseilariak eta Joseba Asiain Presidentetzako, Gobernu Irekiko eta Nafarroako Parlamentuarekiko Harremanetarako zuzendari nagusiak parte hartu dute.
Estatuaren aldetik, Angel Victor Torres Lurralde Politikako eta Memoria Demokratikoko ministroa, Arcadi España Lurralde Politikako estatu-idazkaria, Miryam Alvarez Lurralde Koordinazioko idazkari nagusia, Alejandra del Rio Lankidetza Autonomiko eta Lokaleko zuzendari nagusia eta Alicia Echeverria Espainiako Gobernuak Nafarroan duen ordezkaria izan dira batzarrean.
Felix Taberna lehen presidenteorde eta Presidentetza eta Berdintasun kontseilariak eta Arcadi España Lurralde Politikako Estatu idazkariak bilera egin zuten iragan martxoan Nafarroako jauregian, eta bertan berretsi zuten "bi gobernuen, Nafarroaren eta Espainiaren, borondate politikoa, trafiko-eskumenen inguruko konpromisoarekin aurrera jarraitzeko beharrezko mekanismoa artikulatzeko. Gai historiko baten aurrean gaude Nafarroarentzat eta bi gobernu konprometiturekin. Autogobernua indartzea herrialdea indartzea da".
Gogoratu behar da Foru Hobekuntzaren erreforma Auzitegi Gorenak emandako epaiaren ondoren jarri zela martxan, bertan uztailaren 1ean egindako transferentzia baliogabetu baitzuen.
Maria Chivite Nafarroako presidenteak Espainiako Gobernuari eskatu zion beharrezko ituna lortzeko negoziazioak hastea. Erreforma Estatuko Gorte Nagusiek onartu beharko dute, Nafarroako Parlamentuak onartu ondoren.
Onartu zenetik, 1982an, Foru Hobekuntzaren Lege Organikoaren bi erreforma partzial egin dira, 2001ean eta 2010ean.
Zure interesekoa izan daiteke
Albares Kongresuan izan liteke ostegunean, Global Sumud Flotillaren egoeraren berri emateko
Kongresuko Osoko Bilkuran ministroaren agerraldia eskatu zuten Sumarrek, ERCk, EH Bilduk, Podemosek, BNGk eta Compromisek duela egun batzuk, Global Sumud Flotillan parte hartzen duten ontzi eta pertsonak babesteko eta laguntzeko hartuko dituen ekintzak zein erabakiak azal ditzan.
Espainiako Gobernuak astelehenean eskualdatuko dio Jaurlaritzari Zubietako espetxearen gaineko eskumena
Denis Itxaso Etxebizitza sailburuak eta Maria Jesus San Jose Justizia sailburuak otsailean jakitera eman zituzten epeak beteko dituzte horrela, kartzela berria 2026ko maiatza eta ekaina bitartean irekiko zutela iragarri baitzuten.
Anduezak euskara langileentzako mehatxu dela esan izana larritzat hartu du Estebanek, eta ulertezintzat jo du PSE-EEren jarrera
EBBko presidenteak esan du haserre dagoela, ez dela onargarria gobernukide den alderdi batek horrelakoak egitea eta, okerragoa dena, gezurretan ibiltzea.
Lehendakariak Euskadiren nazioarteko proiekzio kulturala bultzatuko du datorren astean Italiara egingo duen bidaian
Bidaiaren ardatz nagusia mundu mailan arte garaikidearen agertoki nagusietako bat den Veneziako Bienalaren baitan antolatu diren ekitaldietan parte hartzea izango da, 1976an bienalean izandako lehenengo euskal presentziaren 50. urteurrenean.
Andueza, polemikari buruz: "EAJk liskar artifiziala sortu zuen euskarari buruzko akordioa bertan behera utzi zuelako"
Hasi da hauteskunde kanpaina Andaluzian
Sevillan ekin die kanpainako ekitaldiei Alderdi Popularrak; Granadan, Alderdi Sozialistak. Moreno Bonilla PPko hautagai eta gaur egungo presidenteak gehiengo absolutua nahi du; ez du Vox nahi bere gobernuan. Jarraitzaileei botoa ematera joateko deia egin die, inkestek iragartzen duten gehiengo absolutua ziurra ez delakoan. Alderdi Sozialistaren hautagai Maria Jesus Monterok, berriz, inkestek iragartzen dizkioten emaitza txarrak irauli nahi ditu eta zerbitzu publikoen aldeko defentsan oinarritu du kanpaina.
Medikuen gatazkan esku hartzeko eskatu diote EH Bilduk eta PPk Osasun sailburuari
Medikuen grebaz aritu dira gaur, besteak beste, Eusko Legebiltzarrean. EH Bilduk medikuen lan-baldintzak hobetzeko mozioa eraman du ganberara, eta Rebeka Ubera koalizioko legebiltzarkideak Alberto Martinez Eusko Jaurlaritzako Osasun sailburuari eskatu dio, fitxa mugitu eta neurriak hartzeko aferan. Alderdi Popularreko Laura Garridok ere defendatu du Jaurlaritzak badituela eskuduntzak, medikuen egoera hobetzeko.
Koldo Garciak bere "errugabetasuna" defendatu du eta maskaren erosketan erabakitzeko ahalmenik ez zuela gaineratu du
Maskarak iruzurra eginda erosi ziren ala ez ikertzeko egiten ari diren epaiketan, Abalosen aholkulari izandakoak esan du ez duela gogoratzen esleipena egokitu zitzaion eskaintza Aldamak igorri ote zion.
Hauteskundeak, Andaluzian: zer du jokoan alderdi bakoitzak M17an?
Bihar abiatuko da hauteskunde kanpaina Andaluzian. Inkesta guztiek Juanma Moreno PPko hautagaia jotzen badute ere irabazle, ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin indar erakustaldia egin nahi du, azken urteotan galdutako boto-emaileak berreskuratuz.
Atzerri Ministerioak Israelgo enbaxadako arduraduna deitu du Global Sumuden aurkako erasoagatik
Bien bitartean, EH Bilduk, Sumarrek, Podemosek, ERCk, BNGk eta Compromisek Albares ministroaren agerraldia Kongresuan eskatu dute, ontziak eta atxilotuak babesteko hartuko dituen neurriak azaldu ditzan.