Aldundiak eta Enirio-Aralar Mankomunitateak bat egin dute Aralarren kudeaketa eta kontserbazioa sustatzeko
Gipuzkoako Foru Aldundiak eta Enirio-Aralar Mankomunitateak akordioa sinatu dute astelehen honetan Aralar mendilerroaren kontserbazioa eta kudeaketa hobetzeko. Akordio horrekin, bi aldeek harremana sendotu nahi dute legegintzaldi osoari begira.
Akordioak larreak, basoak eta beste habitat batzuk hobetzeko jarduerak, sentsibilizazio-ekintzak, txabolak lehengoratzea eta eraikitzea, pistak konpontzea eta inguruko beste azpiegitura batzuk hobetzea biltzen ditu. Horretarako, inbertsio bateratua 300.000 euro ingurukoa izango da; 211.000 Aldundiaren eta 85.000 Mankomunitatearen kontura.
Akordio honek bi erakundeen arteko konpromiso berritu bat islatzen du, 2024-2027 legegintzaldian batera lan egiteko, eskualdean etengabeko hobekuntzak bermatzeko helburuarekin. Ildo horretan, dokumentuak hiru hilabete iraungo duen negoziazioa hasteko beharra ezartzen du, 2024ko uztailaren 31ra arte. Bilera horiek, gutxienez, bi aldeentzat estrategikoak diren hiru alderditan oinarrituko dira: xehaketa eremuak, bideak eta finantzaketa-eredua.
Akordio hori bi erakundeetako ordezkariek legegintzaldi berrian hasitako lan-dinamikaren emaitza da. Horrela, 2019tik blokeatuta zeramatzaten harremanei berriro heltzea bilatzen dute, hurrengo hiru urteetan bi aldeek eskualdean egin beharreko hobekuntzak bermatu eta finkatuko dituzten itun irmoak lortzeko helburuarekin. Ildo horretan, bi erakundeak pozik agertu dira hilabete hauetan eman diren aurrerapenekin eta elkarrizketarako agertutako jarrerarekin.
Xabier Arruti Lurralde Oreka Berdeako diputatuak adierazi duenez, "gure gizarteari eta bereziki gure Aralarko abeltzainei zor diogu elkarren arteko adostasun batera iristea". Bere aldetik, Adur Ezenarro Enirio-Aralar Mankomunitateko presidenteak adierazi duenez, "sinatutako aurre akordio honek bi erakunderen arteko elkarlanaren arteko bidean urrats berri bat ematea dakar, eta norabide horretan aurrera jarraitzeko hauspoa".
Akordio hau Enirio-Aralar Mankomunitateko zuzendaritzara eramango da eta, Gipuzkoako Foru Aldundiaren Goilarre programaren dinamikarekin jarraituz, abeltzainekin partekatuko da.
Zure interesekoa izan daiteke
Madrilgo Ramon y Cajal Ospitalean itxaron-zerrendak manipulatu dituztela salatu dute
'El País' egunkariak argitaratu duenez, ebakuntzen itxaron-zerrendan zeuden herritarren lehentasuna aldatzea agindu zuten ospitaleko bi arduradunek, zirujaurekin hitz egin gabe.
Puigdemonten amnistia eskariari ezezkoa eman dio berriz Llarena epaileak, eta Konstituzionalaren erabakiaren zain geratu da
Goreneko epailearen ustez, Europar Batasuneko Justizia Auzitegi Nagusiak eman zuen epaiak ez du aldatzen politikari katalana Amnistia Legetik kanpo uzteko Llarenak berak finkatutako lehenengo arrazoiaren oinarria.
Egian migratzaile bati egindako erasoa gaitzetsi du Insaustik eta "motibazio arrazista" dagoen ikertzen ari direla esan du
Jon Insausti Donostiako alkateak gaur azpimarratu duenez, larria da pasa den astean Egia auzoan migratzaile bati egin zioten erasoa, eta gorrotoak hirian lekurik ez duela berretsi du. Biktima gizarte zerbitzuen sistemaren baitan zegoen, eta gaueko zerbitzuen eta "Otorduak" programaren erabiltzailea da.
Aburtok akordioak defendatu ditu eta "politika onaren alde" egin du
Juan Mari Aburto Bilboko alkateak elkarrizketan, akordioetan, zerbitzu publikoan eta bizikidetzan oinarritutako politika aldarrikatu du, Udalaren Egoerari buruzko azken osoko bilkuran.
Ubarretxenak azpimarratu du ez dela aldebiko batzordea elkartuko akordio garrantzitsurik lortu ezean
Maria Ubarretxena Eusko Jaurlaritzako bozeramaileak gobernu bileraren osteko prentsaurrekoan nabarmendu duenez, Jaurlaritzak "ez du amore emango", baina akordioak lortu ahal izateko "beste aldeak borondate politikoa erakutsi behar du".
Chivitek hauteskunde kutsua ikusi dio Geroa Bairi, Belateko lanen bileratik "sartu baino kezkatuago" atera zela esan ostean
Ezustean eta harriduraz hartu ditu Nafarroako presidenteak Geroa Baik atzoko bileraren ostean egindako adierazpenak. Izan ere, Gobernuko bazkideek Belateko tunelen egoera aztertzeko bart egindako bileraren ostean, Pablo Azcona bozeramaileak "sartu baino kezkatuago" atera zela esan zuen. Azpiegituraren etorkizunari buruz esan du "oraindik ez dagoela ezer itxita".
Anduezak "seriotasuna" eta "diskrezioa" eskatu ditu Estatutu berriaren negoziazioan, "pazientziak muga bat duelako"
Eneko Andueza PSE-EEko idazkari nagusiak pazientzia galtzeko arriskua dagoela ohartarazi die EAJ eta EH Bilduri. Ildo horretan, lehia eta ika-mikak alde batera uzteko eskatu die biei.
Aburtok Bilbon egindako ibilbidea aldarrikatu du, eta akordioetan oinarritutako politika defendatu: "Denak ez du balio"
Alkateak hiru agintaldien balantzea egin du, eta elkarrizketan, elkarbizitzan eta herritarren zerbitzura jardutean oinarritutako politika aldarrikatu du. "Pertsona ona izan nintzela gogoan izatea gustatuko litzaidake», esan du.
Albiste izango dira: lehendakariaren bilera Confebaskekin, Adimen Artifizialaren moteltzea eta Zinemaldia ate joka
Gaurkoan Orain-en albiste izango direnen laburpena, bi hitzetan.
Ertzaintzak ikerketa abiatu du gazte batzuek Felipe VI .a erregearen irudi bati burua moztu ziotela eta
Gertakariak igandean jazo ziren, Ernaik faxismoaren kontra deitutako martxan. Donostiako alkateak eta Espainiako Gobernuak EAEn duen ordezkariak ekintzok gaitzetsi dituzte.