Otxandianok "kooperaziorako" asmoa berretsi du eta EAJ-PSEren gobernu "baztertzaile eta esklusiboa" salatu
Apirilaren 21eko EAEko hauteskundeetan hautatutako EH Bilduren 27 legebiltzarkideek kredentzialak jaso dituzte gaur goizean Legebiltzarrean, eta ondoren, prentsa aurrera azaldu dira Pello Otxandiano lehendakarigaia eta Nerea Kortajarena taldeko bozeramailea, hurrengo legealdirako asmoak aurreratu dituzte.
Otxandianok hauteskunde emaitzek utzitako agertokia laburbildu du, ganberan egongo diren gehiengo subiranista eta ezkertiarra azpimarratuta. Horren aurrean, egungoa "kooperaziorako garaia" dela nabarmendu du, eta EH Bildu bera horretarako prest dagoela erantsi.
Ifrentzuan, EAJk eta PSE-EEk hurrengo Jaurlaritza osatzeko egiten ari diren negoziazioak hartu ditu hizpide. "Bulego itxi batean ari dira, ohiko politikagintza egiten, eta hori ez da orain behar dugun politikagintza", deitoratu du, eta gobernu "baztertzaile eta esklusiboa" eratuko dutela salatu.
Otxandianoren iritzian, "burujabetzaren eta politika progresisten alde" egiteko herri mandatuaren aurrean, "betiko eran" erantzun dute jeltzale eta sozialistek, mandatu horri "entzungor" eginda.
Jarrera hori EH Bilduk izango duenarekin alderatu du Otxandianok. "Zein izango den legegintzaldi honetan izango dugun jokaera? Orain arteko berdina. Mandatu horri kasu egitea. EH Bildurengan elkargune bat aurkituko dute herri proiektua lantzeko betiere anbizio nazionalaren alde eta erronka sozialei tamainan heltzeko", azaldu du.
Kortajarenak, bere aldetik, salatu du ez dutela inongo elkarrizketarik izan EAJrekin eta PSE-EErekin bihar osatuko den Legebiltzarraren Mahaiaren harira. EH Bilduk uste du bi leku dagozkiola erakundean, eta horregatik proposatu ditu Eba Blanco eta Eraitz Saez de Egilaz. "Batzordeen osaketen inguruko arlo teknikoez harago, ez dugu elkarrizketarik izan", zehaztu du bozeramaileak.
Azkenik, Kataluniako hauteskundeen emaitzen balorazioaz galdetuta, ezer gutxi esan du Kortajarenak: "Kataluniako herritarrek argi hitz egin dute, eta EH Bilduk errespetu osoz hartu ditu emaitzok. Arratsaldean bilduko da zuzendaritza, eta ondoren egingo dugu balorazioa".
Zure interesekoa izan daiteke
PSNk "erabateko errespetua" du Zapateroren errugabetasun presuntzioaren aurrean
Esther Iso PSNko Antolakuntza idazkariak adierazi duenez, presidente ohiarentzat "hitz onak" baino ez dituzte, "nafar guztiak gozatzen ari diren ondareagatik".
Nafarroako Gobernuak UPNren "noraeza" kritikatu du Athleticen elastikoarekin izandako polemikan
Alderdi politikoak LORAFNA (Nafarroako Autonomia Estatutua) eguneratzea eztabaidatzen ari ziren gaur Parlamentuko batzorde batean, eta klub zuri-gorriaren elastikoaren harira piztutako polemikaren inguruko iritziak emateko tartea ere hartu dute.
Lehendakariaren elkarrizketa, 10 titularretan
Imanol Pradales lehendakariak hainbat gai jorratu ditu Radio Euskadin, hala nola medikuen greba, etxebizitzaren arazoa edo autogobernuaren estatus berria.
Pello Otxandiano: "Etxebizitza politika honek huts egin badu, momentua da norabidez aldatzeko"
EH Bilduk etxebizitzaren inguruan egindako proposamenaren harira, "jarrera baikorra" izateko eskatu dio Pello Otxandianok Eusko Jaurlaritzari. "Proposamena hartu, aztertu eta egin dezagun eztabaida bat, ea soluziobideak hauek diren edo beste batzuk planteatzen dituzten", gaineratu du EH Bilduren Eusko Legebiltzarreko bozeramaileak ETB1eko "Egun on Euskadi" saioan egin dioten elkarrizketan.
Lehendakariaren ustez, "euskarak zubi gehiago eta harresi gutxiago behar ditu"
Imanol Pradales lehendakariari elkarrizketa egin diote Radio Euskadiko "Boulevard" saioan, eta bertan adierazi duenaren arabera, "ezin dugu beste alde batera begiratu segurtasun juridikorik eza dagoenean". Euskararen biziberritzeari dagokionez esan duenez, "fokua ez dago euskal administrazio publikoa euskalduntzean, hizkuntzaren erabilera sozialean baizik".
Lehendakariaren ustez, UPNk polemika artifiziala sortu nahi du Athleticen kamiseta berriaren inguruan
Imanol Pradales lehendakariak babesa eta elkartasuna adierazi dio Athletici, UPNk klubari elastikoetatik Euskal Herriko mapa kentzeko eskatu ostean. Kamiseta berria "oso polita" iruditzen zaiola esan du, eta gogorarazi du Nafarroako Gobernua bera ere ez dela auzian sartuko. Polemika artifiziala bilatzea egotzi dio lehendakariak UPNri, eta ohartarazi du oso arriskutsua dela sinboloekin eta identitateekin liskarra eta zatiketa bultzatzea.
Pradales: "FIFAren eskakizunak aztertzen ari gara; oso zorrotzak dira"
Imanol Pradales lehendakariak azpimarratu du egoeraren "azterketa lasaia" egin behar dela, sektore askori eragiten dielako. "FIFAk datorren urteko urtarrilean hartuko du erabakia, denbora dago", azpimarratu du.
Lehendakaria: “Tentsioa ezagutu gabeko mugetaraino areagotuko da; kezkatzen nau Madrilek arreta galtzea eta adostutako konpromisoei ez heltzea”
Imanol Pradales lehendakaria kezkatuta agertu da Radio Euskadiko "Boulevard" saioan Zapatero auziaren ondorioengatik.
Medikuen greba konpontzeko edo eskumenak transferitzeko eskatu dio lehendakariak Monica Garciari: "Arazo bat da"
Imanol Pradales lehendakariak uste du Monica Garcia Osasun ministroa "arazo bat" dela, "bi hilabete baino gehiago daramatzalako ezer jakin nahi izan gabe" estatutu markoa dela eta medikuak egiten ari diren grebari buruz. Hori dela eta, "gaian esku hartzeko" deia egin dio, eta, "arazoa konpontzeko gai ez bada edo ez badu nahi", Euskadiri eskumenak eskualdatzeko eskatu dio, "irtenbide bat bilatzeko". Radio Euskadin egindako elkarrizketa batean deitoratu duenez, Osakidetzaren batez besteko itxaron-zerrenden hobekuntzan "asko" aurreratu bada ere, estatutu markoaren aldeko medikuen grebak, "Osasun Ministerioaren erabaki batetik eratorritakoak", "iskanbila" eragin du. "Euskaditik eta eskumenen esparruaren barruan" aurrera egiten saiatzen ari direla erantsi du.
Albiste izango dira: Pradales lehendakariari elkarrizketa Radio Euskadin, abisu horia beroagatik eta errugbiko finalak Bilbon
Gaurkoan Orain-en albiste izango direnen laburpena, bi hitzetan.