Ayusoren bikotekidearen deklarazioa ekainaren 24ra atzeratu du epaileak
Isabel Diaz Ayuso Madrilgo Erkidegoko presidentearen bikotekide Alberto Gonzalez Amador enpresaburuaren deklarazioa ekainaren 24ra atzeratzea erabaki du haren kontrako auziaren ardura duen epaileak. Ogasunaren kontrako bi delitu eta dokumentuak faltsutzea egotzita, gaur zen deklaratzekoa Madrilgo 19. Instrukzio Auzitegian.
Zabaldutako informazioaren arabera, Inmaculada Iglesias Sanchez epaileak aldeekin (akusazioa eta defentsa) adostu du saioa atzeratzea, gaur deklaratzekoak ziren beste bi ikertu ezin izan dituztelako lokalizatu. Epaileak ikertu guztiei egun berean deklarazio hartzeko asmoa agertu du, eta akusazioak zein defentsak ontzat eman dute erabakia.
Mas Madrid taldeak —herri akusazio gisa aurkeztu da, PSOErekin batera— uste du ekainaren 24a baino lehen aldeekin akordio bat ixteko helburua egon daitekeela hitzordua atzeratzearen atzean.
Orotara, auzian bost pertsona daude ikerketapean. 2021 eta 2022 urteetan Ogasunari 350.951 euroko iruzurra egitea leporatzen die Fiskaltzak, alde batetik, eta zegozkien zergak ez ordaintzeko dokumentuak faltsutzea, bestetik.
Zure interesekoa izan daiteke
Agurainen atxilotutako adin txikikoa erregimen itxian sartzea agindu du epaileak, jihadismoarekin lotura duelakoan
16 urteko gaztea astelehenean atxilotu zuten, talde terroristako kide izatea, terrorismoa goratzea eta doktrinatzea egotzita.
PP eta EH Bildu "kezkatuta" agertu dira Getxoko Udaleko miaketarekin
Eduardo Andradek (PP) adierazi du "lotsagarria" dela Getxo horrelako gai batengatik hedabideetan agertzea. Dena argitu ondoren, "erantzukizunak eskatu beharko dira", gaineratu du. EH Bilduko Mikel Bildosola, berriz, kezkatuta agertu da, ez dakitelako kasu isolatu bat izan den edo "honen atzean gehiago dauden".
Getxoko Udalak dio "aktiboki" ari dela ikerketan laguntzen, eta "irregulartasunak" ukatu ditu
Asteazken honetan, Ertzaintzak miaketak egin ditu Getxoko Udaleko zenbait bulegotan, epailearen aginduz, herriko jauregi babestu bat eraisteari buruzko ikerketa baten barruan. Ohar batean, alkateak "gardentasun eta erantzukizun mezua" helarazi du, eta "Udalaren esku dagoen guztian, legearen arabera" jokatu dela esan du.
Ertzaintzak Getxoko udaletxea miatu du, jauregiaren auzian
Ikerketa sekretupean dago eta biharko aurreikusita zeuden deklarazioak bertan behera utzi dituzte.
EH Bilduren ustez, eztabaidak hainbeste mediatizatzen direnean atzetik "arrazoi partidistak daude, eta ez herritarren interesak"
Nerea Kortajarena EH Bilduren legebiltzarkide eta Programa idazkariak Euskadi Irratian adierazi duenez, "puntu honetara iritsita, argi geratzen da herritarren ongizatea eta eskubideak bermatzeko behar dugun instrumentu potenteena estatus politiko berri bat litzatekeela".
Francori eta Molari emandako ohorezko tituluak baliogabetuko dituzte Arabako Batzar Nagusiek
EH Bildu, EAJ, PSE-EE eta Elkarrekin Araba taldeek foru arau proposamen bat aurkeztu dute, diktadoreari eta militarrari emandako probintziako aita eta ohorezko diputatu nagusia tituluak kentzeko.
Bizkaiko Foru Aldundia Ministerioarekin negoziatzen ari da Urdaibain inbertsioa mantendu dezan, museoaren proiektua bertan behera geratu den arren
EH Bildu eta PP taldeek eskatuta Batzar Nagusietako Batzorde Instituzionalean egindako agerraldian, Elixabete Etxanobe Bizkaiko ahaldun nagusiak esan du museoen proiektua bertan behera uztea eragin zuen irizpide aldaketa "erantzukizunak" gidatu zuela, horren kontrako prozesu judizialek eta egiteke dauden tramitazioek zortzi urte inguru atzeratuko zutela egiaztatu baitzuen.
EBri Israelekin duen elkartze akordioa etetea eskatzeko, Europako Herritar Ekimena abiatu du EH Bilduk
Milioi bat sinadura bildu nahi dituzte, eta dagoeneko martxan da horretarako web orria. Datozen asteotan, berriz, koalizioko kideak herriz herri arituko dira sinadurak biltzen.
Eusko Jaurlaritzak ohartarazi du transferentzien batzordea "kolokan" dagoela, gaiek "irekita" jarraitzen dutelako
Horregatik, Maria Ubarretxena bozeramaile eta Gobernantza, Administrazio Digital eta Autogobernuko sailburuak seriotasuna eskatu dio Espainiako Gobernuari, eta bi gobernuen artean uztailean sinatutako akordio instituzionalak errespetatzeko. Gainera, adierazi du Eusko Jaurlaritza prest dagoela "azken unera arte" lan egiteko eta akordio bat lortzeko "beharrezkoak diren" orduetan.
Sanchez eta Feijoo astelehenean bilduko dira, Ukrainara tropak bidaltzeko aukeraz mintzatzeko
Dena dela, PPren buruzagiak dagoeneko ohartarazi duenez, bere alderdiak ez du aukera hori babestuko, baldin eta Gobernuak ez badio aurretik datu eta azalpen zehatzik ematen.