Arabako ahaldun nagusiak uste du teknikariek Euskal Y-aren lotunea Gasteiztik egitea berretsiko dutela
Abiadura Handiko Trenari lotuta, Euskal Y-aren eta Nafarroaren arteko lotuneak eztabaida iturri izaten segitzen du euskal erakundeen artean. Ramiro Gonzalez Arabako ahaldun nagusiak esan du "oso lasai" dagoela eta azpimarratu du Nafarroarekin lotura Gasteiztik egitea dela aukera onena. Garraio Ministerioaren txosten teknikoak ere, hala berretsiko duen konfiantza osoa agertu du.
Gipuzkoako ahaldun nagusi Eider Mendozak, berriz, lotura Ezkiotik egitea defendatu du, eta Espainiako Gobernuarekin bide horren alde lanean jarraituko dutela adierazi du.
Foru Gobernu Kontseiluaren osteko prentsaurrekoan, ahaldun nagusiak gogorarazi du oraindik ez dela publiko egin loturari buruzko Ministerioaren txostena, baina komunikabideek informazioa aurreratu dutela, eta lotura Gasteiztik egitea lehenetsiko dela diotela, kostu txikiagoa duelako.
Mendoza, berriz, kezkatuta dago, Gasteizko alternatiba indarra hartzen ari delako, Ezkio-Itsasoko aukeraren aurrean. Bere hitzetan, Nafarroarekiko lotura Gipuzkoatik urrundu daitekeela jakitea "oso albiste txarra da", eta "alternatiba hori irmotasun osoz" defendatuko dutela azpimarratu du.
Hala, Mendozak bilera bat eskatu du Estatuko Garraio idazkariarekin, baina mugimendu horren aurrean Arabako Aldundiak esan du "oso lasai" dagoela. "Beti esan dut azterketek ondorioztatuko dutela aukerarik onena Gasteizkoa dela. Konfiantza osoa dugu, eta badirudi hortik doazela gauzak, azterketa teknikoek ondorioztatuko dutela irtenbiderik onena Gasteiztik dela ", nabarmendu du.
Gobernu Kontseiluaren osteko prentsaurrekoan, Maria Ubarretxena Eusko Jaurlaritzako bozeramaileak berretsi du txosten teknikoak ezagutu arte itxarongo dutela Abiadura Handiko Trena (AHT) Nafarroarekin lotzeko "aukerarik onena" zein den ikusteko; izan ere, Gasteiz edo Ezkio-Itsaso aukeratzeko aukerak "usteak dira", Garraio Ministerioaren txostenak oraindik ezagutzen ez direlako.
"Foru aldundi guztiei erabateko errespetua" adierazi ostean, diputatuak eta lehendakaria "ontzi berean" daudela eta "herri honek aurrera egin dezan ahalik eta hobekien" egingo dutela babestu du.
Zure interesekoa izan daiteke
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua, Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.
Sozialistak, Parisko Alkatetzari eusteko moduan
Emmanuel Gregoire buru duen ezkerreko koalizioak irabazi du, eta Anna Hidalgoren lekukoa hartzen saiatuko da bigarren itzulian.
Jaurlaritza eta Espainiako Gobernua Madrilen bilduko dira aireportuen aldebiko kudeaketa negoziatzeko
Ubarretxenak argi utzi du Jaurlaritzak ez duela onartuko Estatuak ostiralean egindako kontra-proposamena, Jaurlaritzak egindako "eskakizun guztiak bertan behera" utzi baititu. Marisol Garmendia Espainiako Gobernuak Euskadin duen ordezkaria, ordea, baikor azaldu da, akordioa lortuko delakoan.
PPk irabazi ditu Gaztela eta Leongo hauteskundeak 33 eserlekurekin, PSOEk 30 lortu ditu, eta Voxek 14
Bestalde, PSOE izan da indar bozkatuena Trebiñuko konderri historikoan, eta Vox izan da bigarrena. Gaztela eta Leonen, oro har, % 65,22ko parte-hartzea izan da hauteskunde hauetan, baina % 48,26koa Trebiñun.
Ipar Euskal Herriko udal hauteskundeek aldaketak utzi dituzte Lekuinen, Arrosan, Alduden, Donapauleun eta Senperen, besteak beste
Laurent Intxauspek Donibane Garaziko auzapez izaten jarraituko du, Eneko Aldanak Ziburun eta Emmanuel Alzurik Bidarten. 11 herri joango dira bigarren itzulira, Angelun, Senperen eta Getarian lehen itzulitik argitu baita nor izango den hurrengo alkatea.