Jaurlaritzak merkatu libreko etxebizitzak erosi eta alokairu sozialera bideratuko dituela iragarri du Itxasok
Etxebizitzaren arloan dauden arazoei eta gabeziei aurre egiteko asmoz, Eusko Jaurlaritzak merkatu libreko etxebizitzak erosi nahi ditu, parke publikoa handitu eta ondoren alokairu sozialera bideratzeko. Hala iragarri du gaur goizean Denis Itxaso Etxebizitza eta Hiri Agendako sailburuak Euskadi Irratiko "Faktoria" saioan egin dioten elkarrizketan.
Hortaz, Eusko Jaurlaritza etxebizitza merkatuan sartuko da. Etxebizitza Sailak legegintzaldi honetan alokairuko 7.000 etxebizitza publiko merkaturatu nahi dituela aipatu du Itxasok. Xehetasun askorik eman gabe, helburu hori lortzeko modu asko egon daitezkeela esan du. Azaldu duenez, erosketa zuzena izan daiteke aukera bat, baina beste aukeren artean, esaterako, aipatu du sustatzaileek etxebizitza promozio bat aurrera eramateko zalantzak dituztenean Eusko Jaurlaritzak adostu dezakeela saltzen ez diren etxeak erostea. Ildo horretan, etxebizitza politikaren dimentsio sozialean sakontzea dela asmoa gaineratu du.
Edonola ere, Itxasok azpimarratu du "etxebizitza hain garesti egotearen arazoa oso konplexua" dela eta botere publikoek ezin diotela "bakarrik" aurre egin horri. Testuinguru horretan iragarri du Etxebizitzaren Itun Soziala datorren asteazkenean elkartuko dela Lehendakaritzan, Imanol Pradales lehendakaria buru dela. Horren esanetan, itun soziala "biziberritzeko" asmoz, deitu dituzte 90 eragile sinatzaileak. Horien artean daude, besteak beste, promotorak, hirugarren sektorea, banketxeak, udalak, Eusko Jaurlaritza edo unibertsitatea.
Hego Euskal Herri osoa tentsio handiko eremu izendatzeko ELA sindikatuak egindako proposamenaz galdetuta, Itxasok erantzun du hori ez dela posible gaur egun indarrean dagoen legediarekin. Are gehiago, ez du uste egokia denik udalerri "denei tarifa plana aplikatzea". Gaur gaurkoz, bi udalerrik (Errenteria eta Zumaia) egin dute gune tentsionatu izendatzeko eskaera. Hala ere, horren arabera, 43 herrik beteko lituzkete baldintzak.
Bestalde, etxebizitza erosteagatik aplikatzen diren kenkariak hiru batzar nagusien eskumena direla nabarmendu du Itxasok. Dena den, etxebizitza salerosketari eta alokairuari eskaintzen zaion tratamenduan "oreka" handiagoa bilatzearen alde agertu da.
Zure interesekoa izan daiteke
EAJk Sanchezen gaineko presioa areagotu du, eta PPk "Parlamentua isilaraztea" leporatu dio
Kongresuan egin duten Gobernuaren kontrol saiak bi gai nagusi izan ditu. Batetik, EAJk Sanchezi aurrekontu batzuk aurkezteko edo hauteskundeak deitzeko eskaria egin dio. Bestetik, PPk kritika ugari egin dizkio hauteskundeak aurreratzeko bere bozketa proposamena atzera bota ondoren.
Aske utzi dute Enrique Maya Iruñeko alkate ohiari egindako erasoarekin lotuta atxilotu duten gizona
Joan den ekainaren 9an, Iruñeko alkate ohia iraindu eta bularrean kolpatu zuten Estafeta kalean, inolako kalterik jasan gabe. Egun batzuetako ikerketaren ostean, atzo, asteartea, gizon bat atxilotu zuten autoritatearen aurkako atentatu delitu bat egotzita.
Epaileak ez dio kautelazko neurririk ezarri Zapaterori, ez baitu ihes egiteko eta frogak suntsitzeko arriskurik ikusi
Epailearen esanetan, “ez ditu ezeztatu inputazio autoan jasotako delitu zantzu arrazoizkoak”.
Pradalesek elikagaien eta energiaren BEZa jaistea eskatu dio Sanchezi, eta oposizioak erantzun falta kritikatu du
Eusko Legebiltzarrak bizimodu duina bermatzeko osoko bilkura monografikoa egin du gaur, EH Bilduk bultzatuta. Otxandianok ohartarazi du ongizaterako arrisku nagusia ez dela balizko "inbasio militar bat", etxebizitzen garestitzea eta soldata txikiak baizik, eta sektorea "desmerkantilizatzea" eskatu du.
Zapaterok deliturik egin izana ukatu du epailearen aurrean: "Egia nagusituko da, eta zalantzan daudenei konfiantza itzuliko diet"
Espainiako Gobernuko presidente ohia eraikinaren atari nagusitik sartu da, eta hiru orduz deklaratu du. Ondoren zabaldu duen oharrean, errugabea dela berretsi du: "Mingarriena da jakitea jende asko etsita senti daitekeela, nitaz esaten direnak sinesten baditu".
Albiste izango dira: Zapateroren deklarazioa Auzitegi Nazionalean, lehendakariari elkarrizketa eta Azkena Rock jaialdiaren aurkezpena
Gaurkoan Orain-en albiste izango direnen laburpena, bi hitzetan.
Pradales: “Neurri nagusia etxebizitza gizarte funtsa da, eta 2027ko aurrekontura begira neurri berriak sartuko ditugu”
Imanol Pradales lehendakariak azpimarratu du etxebizitzaren arazoa ezin dela "egun batetik bestera" konpondu, eta uste du legealdiaren bigarren erdian ereindakoaren lehendabiziko fruituak jasoko direla.
Lehendakaria: "Sanchezek orain arte eman ez dituen azalpenak eman beharko ditu, gardentasunez"
Euskal Telebistan elkarrizketa egin du Imanol Pradales lehendariak, agintaldiaren erdira iritsi denean. Espainiako gobernuburuak "zentzua eman" behar dio legealdiaren azken txanpari, adibidez, transferentzien negoziazioan. Horri dagokionez, aurreratu du Transferentzien Batzorde Mistoa datorren astelehenean, ekainaren 22an, bilduko dela.
Lehendakaria: "Aukera eman behar zaie Enplegu Legearen inguruan zabalik dauden negoziazioei"
Imanol Pradales lehendakariak "itxasopentsu" ikusten du enplegu publikoan euskara eskakizunak arautuko dituen legea adosteko EAJren eta EH Bilduren arteko negoziazioa. Ekainaren 25ean egingo da gaiaren inguruko bozketa Eusko Legebiltzarrean.
Kongresuko Mahaiak ez ditu onartu hauteskundeak aurreratzea eskatzen zuten Juntsen eta PPren zuzenketak
Bilera telematiko batean, Mahaiaren gehiengoa (PSOE eta Sumar) osatzen duten alderdiek argudiatu dute eskumen hori Gobernuko buruarena dela esklusiboki, eta ez botere legegilearena.