Podemoseko diputatuei egindako ustezko espioitza "demokraziaren aurkako kolpea" izan zela dio Monterok
Podemoseko diputatuei 2015 eta 2016. urteetan egindako ustezko espioitza "demokraziaren aurkako kolpetzat" jo du Irene Montero Podemoseko eurodiputatuak.
El Pais egunkariak argitaratutako informazioen arabera, "PPko polizia patriotikoak" Podemosek 2015eko hauteskundeetan lortutako 69 diputatuak espiatu zituen, tartean Pablo Iglesias, Yolanda Diaz, Ione Belarra eta Irene Montero bera ere.
"Hauteskundeen emaitzak aldatu dituzte, jendearen botoa aldatu dute estrategia baten bidez. Alderdi independentisten aurka ere egin dute", salatu du Monterok RAC1 irrati-katean egindako elkarrizketa batean.
Urte haietan, Podemosen aurkako "gerra mediatikoa eta judiziala" zabaldu zela esan du Monterok.
Pablo Iglesias Podemoseko buruzagi ohiak ere espioitzari buruz hitz egin du. Bere ustez, ikerketa "zigorrik gabe" amaituko da, "PSOEk PPri egindako opariaren ondoren", Botere Judizialaren Kontseilu Nagusia (BJKN) berritzeko akordioaren ondoren.
Iglesiasek kritikatu duenez, Espainian, poliziaren, epaileen, politikaren eta komunikabideen sektore batzuek "zigorgabetasun nabarmenarekin jokatzen dute, argi eta garbi, legetik kanpo".
"Ez da egunkari baten editoriala, bizi dugun errealitatea da, etengabe egiaztatzen dena", berretsi du Iglesiasek.
Bestalde, Podemoseko diputatuak zelatatu zituzten arduradun politiko eta judizialek "erantzukizun penalak" izan behar dituztela azpimarratu du Iñigo Errejon Sumarreko bozeramaileak.
"Espainian diktadura ezarri nahi genuela leporatzen ziguten, baina, hura esaten zuten bitartean, diktaduretan egiten den bezala, zelatatu egiten gintuzten", idatzi du X sarean. "Herrialde normal batean, arduradun politikoek erantzukizun penalak hartu beharko lituzkete ", gaineratu du.
PSOEk "onartezintzat" jo du
Fernando Grande-Marlaska Barne ministroak adierazi duenez, "ez da harritzekoa" PPren 'polizia patriotikoak' Podemoseko 69 diputatu zelatatzea, "urteak baitaramatzagu Alderdi Popularraren Gobernuaren garaian Barne Ministerio batek Zuzenbide Estatu bati antagonikoak zaizkion horrelako ekintzak entzuten eta ikertzen". "2018ko ekainetik nire helburua jokabide horiei guztiei muga jartzea izan zen", gaineratu du. Horren aurrean, "2018ko ekaina baino lehenagoko Barne Ministerio bat eta ondorengo beste bat dagoela" ondorioztatu du.
Bestalde, Patxi Lopez PSOEk Diputatuen Kongresuan duen bozeramailearen ustez, Estatuko aparatuen erabilera "onartezina da", baina PSOEk ez du uste Botere Judizialaren Kontseilu Nagusia berritzeko PPrekin duen akordioa apurtu behar duenik.
"Ez ditugu gauzak nahastuko", adierazi du Lopezek.
Albiste gehiago politika
Eneko Andueza konbentzituta dago 'Koldo auziak' ez duela PSE-EEn eraginik izango
PSOE eta Nafarroak Alderdi Sozialista astintzen ari den ustezko ustelkeria kasuaren aurrean, Eneko Andueza PSE-EEko idazkari nagusia konbentzituta dago ez duela eraginik izango Euskadiko Alderdi Sozialistan. Halaber, sozialistak kritikatzen ari direnei zuhur jokatzeko gomendioa egin die. Izan ere, horren esanetan, orain fokoa sozialisten gainean badago ere, litekeena da auzia beste alderdi batzuengana ere zabaltzea.
Maria Chivite: "Erortzen dena erortzen dela esan nuen, eta betetzen ari naiz"
Ramon Alzorriz PSNren idazkariorde nagusi eta Parlamentuko bozeramailearen dimisioaren ostean, Maria Chivite Nafarroako Gobernuko presidenteak agerraldia egin du hedabideen aurrean, eta adierazi du berak ez duela "dimititzeko argudiorik".
Chivite, Alzorrizen dimisioa dela eta: "Erortzen dena erortzen dela esan nuen, eta betetzen ari naiz"
Maria Chivite Nafarroako presidenteak ez du dimisioa emango eta nabarmendu du ez dagoela ez bera, ez Nafarroako Gobernua eta ezta PSN alderdia ere ustelkeria kasuekin lotzen duen ezer.
Semper: "EAJ jabetzen hasi da PSOEk halako batean botata utzi egingo duela"
PPren bozeramailearen arabera, "Euskadin etorkizunerako aukera aritmetikoa PSE Bildurekin joatea da, EAJ albo batera utzita".
Lehendakariak baztertu egin du 'Cerdan auzia'k EAJ/PSE-EE gobernuari kalte egingo dionik: "Egonkortasuna zaintzea garrantzitsua da"
"Zorionez, Euskadin bestelako giro politikoa dugu. Ez gaude madrildarren lokaztian", adierazi du lehendakariak 'Cerdan auzia'k Euskadin izan ditzakeen ondorioez galdetuta.
"Sanchezek irmoago, gardenago eta azkarrago jardun behar du"
Lehendakariaren ustez, Espainiako Gobernua "beste fase batean sartu da", azken egunetan ezagutu diren ustezko ustelkeria kasuen ostean. "Egoera oso larria da, eta zapaldu ezin daitekeen ildo etiko bat dago jokoan", gaineratu du Pradalesek.
Imanol Pradales: 'Akordio batzuk zabalagoak izatea gustatuko litzaidake'
Lehendakari izan den lehen urtean zer ez den ondo egin galdetu diotenean, Imanol Pradalesek esan du gustatuko litzaiokeela "akordio batzuk zabalagoak izatea, batez ere aurrekontuen arloan". Gainera, lehendakariak kritikatu du zenbait unetan gobernukideek desadostasun puntuak jendaurrera eramatea. "Aldez aurretik sukaldeko lana eginda saihestu genitzakeen", gaineratu du.
Alzorrizek dimisioa eman du PSNko idazkariorde nagusi gisa, bere bikotekideak Servinabarren lan egin zuela onartu ondoren
Alzorrizek ere dimisioa eman du Nafarroako Parlamentuko PSNren bozeramaile gisa, baina parlamentari bezala jarraituko du. Prentsaurrekoan jakinarazi duenez, bere bikotekideak Belateko tuneletako eraikuntzan parte hartu zuen Servinabar enpresan lan egin du. UCOk adierazi du Cerdan enpresa horren % 45en jabe zela.
Berdintasun ministroak prostituzioa debekatzeko lege proposamena eramango du irailean Ministroen Kontseilura
Ana Redondo ministroaren esanetan, "Espainiako gizartea eraldatuko duen legea izango da", eta "prostituzioa eta matxismoa desagerrarazteko bide horretan" lagunduko du.
EAJk eta EH Bilduk ustelkeriaren aurka irmotasun handiagoz jardutea eta itunak betetzea eskatu diote Sanchezi
Bi euskal alderdiak Espainiako Gobernuko presidentearekin bildu dira asteazken honetan, Moncloan, 'Cerdan auzia'k irekitako krisiaren harira. Biek ala biek erregenerazio demokratikoa eta erantzukizuna eskatu diote Sanchezi, baina ñabardura ezberdinak izan dituzte, tonuari eta eskakizunei dagokienez.