PPk bere gobernuak berrantolatu ditu sei erkidegotan, Voxek akordioak hautsi ostean
PPk bere gobernuak berrantolatu ditu sei erkidegotan, bakarrik eta gutxiengoan kudeatzeko asmoz, Voxek akordioak hautsi eta PPko presidenteei babesa kendu ostean. Gauzak horrela, unean uneko akordio zehatzak bilatzen ahaleginduko dira, toki horietan hauteskundeak aurreratzea baztertu ostean.
Santiago Abascal Voxeko buruzagiak atzo ostegunean eman zuen bere erabakiaren berri, eta ostiral honetan dimisioa eman dute bere alderdiko kontseilari batzuek Gaztela eta Leonen, Valentziako Erkidegoan, Aragoin eta Murtzian.
Extremaduran jarraitu egingo du Voxeko kontseilari bakarrak, Ignacio Higuero Baso Kudeaketa eta Landa Eremuko kontseilariak, eta Balearretan Marga Prohensek gutxiengoan eta bakarrik gobernatzen jarraituko du, baina Voxen babesik gabe.
Haustura ez da iritsi PPk eta Voxek elkarrekin kudeatzen dituzten dozenaka udaletara, Valentziara edo Valladolidera, besteak beste. Udalak, baina, ez daude bi alderdien arteko ika-mika horretatik salbu, eta ikusteko dago zer gertatzen den.
Voxek, gainera, Gaztela eta Leongo, Valentziako Erkidegoko, Balearretako eta Aragoiko parlamentuetako presidentetza izaten jarraitzen du, eta PPrekin dituen akordioei ez die uko egin oraindik.
Popularrek Voxekin egindako itunak betetzea defendatu dute, Abascali bere irizpidea inposatzea leporatu diote eta PPk gobernatzen dituen autonomia erkidegoei egonkortasuna emango diela agindu dute.
Dena dela, Ignacio Higuero Extremadurako Baso Kudeaketa eta Landa Eremuko kontseilariak iragarri du bere postuan jarraituko duela eta datorren astean Voxetik alde egingo duela. Horren ustez, "partidaren erdian jokoaren arauak aldatzea ez da ez leiala ezta zintzoa ere".
Gainera, Gaztela eta Leongo Kultura kontseilariak, Gonzalo Santonja ultrak, bere zereginekin jarraituko du, Valentziako Erkidegoko goi kargudun batzuek bezala.
Santiago Abascal Voxeko buruak onartu egin du "eztabaidak eta jarrera ezberdinak" daudela alderdiaren exekutiboan PPrekin gobernatzen dituzten gobernu autonomikoak uzteko erabakiaren inguruan, baina azpimarratu du azkenean "gehiengo osoak" eta "taldean" hartu zutela erabakia.
Balizko desertzioez galdetuta (Higuero eta Santojaren iragarpenen aurretik egin ditu adierazpenak) buruzagi ultraeskuindarrak esan duenez, "pertsonalki zein politikoki ulertzen dut" pertsona batzuek agintean geratu nahi izatea, "euren lanak oso denbora gutxirako utzi behar izan dituztelako". "Geratzen badira, ez dira Voxekoak izango", azaldu du.
Ostiral honetan iritsi da, gainera, Feijooren erantzuna. PPko buruak "autonomia erkidegoetako gobernagarritasuna eta Espainiako aldaketa politikoa ez oztopatzeko" eskatu dio Voxi. PPk Voxen botoak edo beste alderdi batzuen babesa beharko du gobernatzen jarraitzeko.
Zure interesekoa izan daiteke
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.
Sozialistak, Parisko Alkatetzari eusteko moduan
Emmanuel Gregoire buru duen ezkerreko koalizioak irabazi du, eta Anna Hidalgoren lekukoa hartzen saiatuko da bigarren itzulian.
Jaurlaritza eta Espainiako Gobernua Madrilen bilduko dira aireportuen aldebiko kudeaketa negoziatzeko
Ubarretxenak argi utzi du Jaurlaritzak ez duela onartuko Estatuak ostiralean egindako kontra-proposamena, Jaurlaritzak egindako "eskakizun guztiak bertan behera" utzi baititu. Marisol Garmendia Espainiako Gobernuak Euskadin duen ordezkaria, ordea, baikor azaldu da, akordioa lortuko delakoan.
PPk irabazi ditu Gaztela eta Leongo hauteskundeak 33 eserlekurekin, PSOEk 30 lortu ditu, eta Voxek 14
Bestalde, PSOE izan da indar bozkatuena Trebiñuko konderri historikoan, eta Vox izan da bigarrena. Gaztela eta Leonen, oro har, % 65,22ko parte-hartzea izan da hauteskunde hauetan, baina % 48,26koa Trebiñun.
Ipar Euskal Herriko udal hauteskundeek aldaketak utzi dituzte Lekuinen, Arrosan, Alduden, Donapauleun eta Senperen, besteak beste
Laurent Intxauspek Donibane Garaziko auzapez izaten jarraituko du, Eneko Aldanak Ziburun eta Emmanuel Alzurik Bidarten. 11 herri joango dira bigarren itzulira, Angelun, Senperen eta Getarian lehen itzulitik argitu baita nor izango den hurrengo alkatea.