Voxeko bi kontseilarik PPren gobernu autonomikoetan jarraituko dute, Abascali entzungor eginez
Voxek PPrekin koalizioan gobernatzen zituen bost gobernu autonomikoetan akordioak hautsi dituela iragarri eta biharamunera, ultraeskuina bere asmoa gauzatzen ari da, baina lehen ika-mikak ere izan dira alderdian. Extremadurako Voxeko kontseilari bakarrak eta Gaztela eta Leongo Gobernuan zituen hiru kontseilarietako batek ez dute agindua bete, eta PPren exekutiboetan jarraituko dute.
Ignacio Higuero Extremadurako Baso Kudeaketa eta Landa arloko kontseilariak iragarri du bere postuan jarraituko duela eta datorren astean Voxetik alde egingo duela. Horren ustez, "partidaren erdian jokoaren arauak aldatzea ez da ez leiala ezta zintzoa ere".
"Ulertzen dut Voxek hartu duen norabidea, baina ez nator bat horrekin eta ezin dut defendatu", esan du Higuerok Maria Guardiola Extremadurako Juntako presidentearekin batera egindako agerraldian. Higuerok (duela 10 hilabetetik da Voxen afiliatua) adierazi du bere lana Extremadura babestea eta eskualdea "ezkerreko politiketatik aldentzea" dela.
Gainera, Gaztela eta Leongo Kultura kontseilariak, Gonzalo Santonja ultrak, bere zereginekin jarraituko du, baina ez Industria eta Nekazaritza kontseilari kargugabetuek eta Juan Garcia-Gallardo presidenteordeak (Voxekoak dira guztiak), Alfonso Fernandez Mañueco Gaztela eta Leongo Juntako presidenteak iragarri duenez, eta baztertu egin du hauteskundeak aurreratzea. Bakarrik gobernatzeko asmoa du, gai zehatzen inguruko akordioak bilatuz.
Eskuin-muturrak Valentziako, Aragoiko eta Murtziako gobernuetan zituen gainerako goi-kargudunek dagoeneko baieztatu dute ez dutela euren egitekoekin jarraituko.
Santiago Abascal Voxeko buruzagiak onartu egin du "eztabaidak eta jarrera ezberdinak" daudela alderdiaren exekutiboan PPrekin bat egiten zuten gobernu autonomikoak uzteko erabakiaren inguruan, baina azpimarratu du, azkenean, "gehiengo osoak" eta "taldean" hartu zutela erabakia.
Balizko desertzioez galdetuta (Higuero eta Santojaren iragarpenen aurretik egin ditu adierazpenak) buruzagi ultraeskuindarrak esan duenez, "pertsonalki zein politikoki ulertzen dut" pertsona batzuek agintean geratu nahi izatea, "euren lanak oso denbora gutxirako utzi behar izan dituztelako". "Geratzen badira, ez dira Voxekoak izango", azaldu du.
Bitartean, Alberto Nuñez Feijoo PPko buruak adierazi duenez, Vox "errailetatik atera da" eta "PPk ez du inoiz xantaiarik onartuko".
Zure interesekoa izan daiteke
Ordezkaritza politiko zabal batek eta gertukoek Garaikoetxea agurtu dute Iruñeko hiletan
Nafarroako eta EAEko ordezkaritza politiko eta instituzional zabala izan da Carlos Garaikoetxea lehendakariaren hiletan, besteak beste, Maria Chivite eta Imanol Pradales. Garaikoetxea joan den astelehenean 87 urte zituela hil zen Iruñean, eta hileta-elizkizuna Xabierko San Frantzisko parrokian izan da.
Erakunde eta ordezkari politikoek, euskal gizartearekin batera, agur esan diote Carlos Garaikoetxeari Ajuria Enean
Carlos Garaikoetxea lehendakariaren hil-kapera 10:00etan zabaldu dute Ajuria Enea jauregian, eta lau orduz egon da irekita. Juan Jose Ibarretxe, Iñigo Urkullu eta Patxi Lopez lehendakariak bezala, Euskal erakunde eta talde politiko guzti-guztietako ordezkariak gerturatu dira Ajuria Enera, Garaikoetxeak egindako ekarpena aitortzera, baita Euskal Herriko hamaika lekutatik iritsitako herritarrak ere.
Lehendakariak eta politikaren ordezkari nagusiak, banan-banan, Garaikoetxearen familiari doluminak ematera sartu dira
Urkulluk, Ibarretxek, Patxi Lopezek, Otegik, Ortuzarrek, Garridok, Anduezak eta Turullek Garaikoetxearen familiari doluminak eman dizkiote, Ajuria Enean.
Carlos Garaikoetxearen hilkutxa Ajuria Enera iritsi da
Lehendakariaren hilotza Gasteizen dago jada. Asteazken goizetik zabalik dago hil-kapera Ajuria Enean.
Garaikoetxearen pasadizo ezezagunenak: 28 egunez Gasteizko kale batek haren izena izan zuen eta telefonoa ziztatu zioten
Artxiboko hainbat datu eta erreportajek agerian uzten dituzte lehendakariaren ibilbidean oso ezagunak ez diren gertaerak. Adibidez, Gasteizko kale batek haren izena izan zuen 28 egunez eta telefono linea ziztatu egin zioten.
Garaikoetxeak jasotako Euskadi eta gaurkoa: langabeziak behera egin du, eta hezkuntzak zein euskarak, hobera; baina gizartea zahartu egin da
Diktaduraren osteko lehen Eusko Jaurlaritzak oso bestelako gizartea kudeatu behar izan zuen. 1981ean, herritarren heren bat Euskaditik kanpo jaioa zen; 18 urtetik gorakoen erdiak ziren. Ume ugari zeuden: 14 urtetik beherakoak biztanleriaren % 24 ziren. Baina langabezia etengabe ari zen hazten.
Zuzenean: Carlos Garaikoetxeari agurra, Ajuria Enean
Euskal gizartearen ordezkaritza zabala bertaratuko da Gasteizera, Ajuria Enea jauregira, Carlos Garaikoetxea lehendakariari azken agurra emateko. Besteak beste, honakoak joango dira: Imanol Pradales lehendakaria, bere aurreko hiru agintariak, Eusko Legebiltzarraren presidentea eta Mahaiko kideak. Politikari eta herritar ugari ere bertaratuko dira.
Albiste izango dira: Carlos Garaikoetxeari agurra Ajuria Enean, hantabirus agerraldia eta Tubos Reunidosko langile eta zuzendarien arteko bilera
Gaurkoan Orain-en albiste izango direnen laburpena, bi hitzetan.
Ajuria Eneak ateak zabalduko ditu Carlos Garaikoetxeari agurra egiteko
Ondoren, hilkutxa Iruñeko hilerrira eramango dute, bere jaioterrira, eta bertan egingo dute hileta-elizkizuna. Horrela emango diote azken agurra demokraziako lehen lehendakariari. Ajuria Eneko hil-kapera zuzenean jarraitu ahalko da Orain-en eta ETB1en.
Dozenaka lagun, senide eta ordezkari politiko hurbildu dira Garaikoetxearen hil-kaperara, azken agurra ematera
Ajuria Enean jarriko dute hil-kapera, 1980tik 1985era Carlos Garaikoetxea lehendakariaren egoitza ofiziala izan zen jauregian, 10:00etatik aurrera. Arratsaldean, Iruñeko San Frantzisko parrokian egingo da hileta-elizkizuna.