Yolanda Diazek PSOEren eta Sumarren arteko akordioa iragarri du mozal legea "indargabetzeko"
Espainiako koalizio Gobernuko alderdiek, PSOEk eta Sumarrek, akordioa lortu dute Mozal Legea indargabetzeko, Pedro Sanchez Espainiako Gobernuko presidenteak iragarritako berrikuntza demokratikorako neurrien baitan.
Yolanda Diaz bigarren presidenteorde eta Lan ministroak aurreratu duenez, Sanchezek agerraldia egingo du asteazken honetan, 09:00etan, Bruselan, Espainiako Gobernuko kideek adostutako neurri sorta iragartzeko.
"Halaber, kazetaritzan kode deontologikoak urratzen dituztenei dirulaguntzak eta finantzaketa publikoa kentzea ahalbidetuko duen legea", azaldu du Diazek, Publizitate Instituzionalari buruzko Legeari dagokionez.
Bigarren presidenteordeak adierazi duenez, PSOErekin mozal legea indargabetzearen inguruan lortutako akordioak "irainei, askatasun publikoei, erregeari egindako irainei eta gainerakoei" eragiten die.
Halaber, Sumarrek eta PSOEk Espainiako Gobernuaren baitan lege bat hitzartu dutela esan du, "sasi-kazetaritza egiten dutenek kode deontologikoak urratzea galaraziko duena. Zalantzarik gabe, diru-laguntzak eta finantzaketa publikoa kenduko zaizkie". "Publizitate instituzionalaren legeaz ari naiz", erantsi du.
Duela "ordu gutxi batzuk" Sumarrek eta PSOEk bi gai horien inguruko akordioa itxi dutela azpimarratu du.
"Akordio zabalagoa behar zuten neurri sorta orokorragoa" ere adostu dute, eta bihar Sanchez presidenteak Diputatuen Kongresuan aurkeztuko ditu.
"Baina oraintxe bertan, mozal legearen indargabetzea itxi dugu, baita gure herrialdeko sasi-kazetarientzako finantzaketa publikoa amaitzea ere", nabarmendu du.
Erreakzioak
Albistearen berri izan eta ordu batzuetara, Enrique Santiago Sumarreko bozeramailearen ondokoak Kongresuan argitu duenez, Yolanda Díaz presidenteordeak PSOErekin Mozal Legea indargabetzeko akordio artikulu zehatz baten erreforman datza, manifestazioetan irudiak hartzea edo zabaltzea arau-hauste izateari uztea, alegia.
EAJko presidente Andoni Ortuzarrek gogorarazi du aurreko legealdian bere alderdiak babestu egin zuela 'mozal legea' deiturikoa erreformatzeko saiakera, baina kritikatu du oraingoan Espainiako Gobernuak, "berriro ere prozeduran gaizki" egin duela, ez duelako bere alderdiarekin hitz egin. Esan duenez, ez daki ERCrekin eta EH Bildurekin hitz egin ote duten, horiek izan baitziren aurrekoan akordioa bertan behera utzi zutenak. Haiekin hitz egin ez badute, gogoratu du alferrik ari direla.
EH Bilduko iturriek, berriz, adierazi dute ez dutela akordioren berririk, "gaur goizean prentsak ezagututakotik haratago", eta nabarmendu du "euren jarrera aurreko legealdiko berbera da: Besteak beste, gomazko pilotak debekatzea edo isunetan proportzionaltasun irizpidea erabiltzea", besteak beste. Hala, argitu du "lerro gorri horiek kontuan hartzen ez badira, ez dela Mozal Legea osorik indargabetuko".
Javier Ortega Voxek Kongresuan duen bozeramailearen ondokoak, berriz, ohartarazi du akordioak "Estatuko segurtasun indarrak armagabetzea besterik ez duela bilatzen". "Estatu totalitario baten aurreko Estatu honen zigorgabetasun politikan beste urrats bat da gaurkoa", gaineratu du.
Zure interesekoa izan daiteke
Gipuzkoak "plan estruktural bat" eskatu dio Espainiako Gobernuari Ceutako adingabeak hartzeko
Irune Berasaluze foru bozeramaileak adierazi du Gipuzkoa prest dagoela adin txikikoak hartzeko. Hori bai, baldintza batzuk ezarri dizkio Espainiako Gobernuari. Ezinbestekoa da, bere hitzetan, plan estruktural bat edukitzea, eta inprobisazioek ez dute lekurik izan behar.
"Politikan gizatasunez jardutea" eskatu du Chivitek, Ceutan bakarrik dauden adingabeen egoeraren aurrean
Maria Chivitek eskatu du alde batera uzteko Ceutan familiarik gabe dauden haurren egoera "deshumanizatzeko" ahalegina. Adingabe horien "muturreko egoera" nabarmendu du Nafarroako presidenteak, eta berretsi du Nafarroak beteko dituela bere betebeharrak, baina gainerako erkidegoei ere gauza bera egiteko deia luzatu die.
Irunek mugako trafikoaren aurrean duen "bakardadea" salatu du alkateak, eta Eusko Jaurlaritzak Frantzia seinalatu du
Cristina Laborda Irungo alkateak Eusko Jaurlaritzaren eta Gipuzkoako Foru Aldundiaren inplikazio handiagoa eskatu du, eta Ricardo Ituarte Segurtasun sailburuordeak, berriz, Ertzaintzaren kudeaketa defendatu du, eta Frantziako agintariak jo ditu mugan trafikoa arintzearen arduradun gisa.
Ceutan bakarrik dauden adingabeak euren familiekin bueltatzearen beharra azpimarratu du Eusko Jaurlaritzak
Horretarako aukera guztiak agortzeko eskatu dio Lakuak Espainiako Gobernuari, horiek autonomia erkidegoetan banatu aurretik.
Nafarroak adingabeen banaketa "beteko" du, baina beste erkidegoen "elkartasunik eza" ordaindu gabe
Javier Remirez Nafarroako Gobernuko lehen presidenteorde eta bozeramaileak adierazi duenez, Nafarroak "araudia beteko du" eta inoren kargura ez dauden adingabe migratzaileen banaketari eta harrerari men egingo die, baina ez du ordainduko "beste autonomia-erkidego batzuen elkartasunik eza".
Ceutako 500 neska migratzaile penintsulara eramateko lanean ari da Espainiako Gobernua
Espainiako Gobernua lanean ari da bakarrik dauden 500 bat neska migratzaile penintsulara eramateko, uztailaren amaierako sarrera masiboaren ondoren Ceutan daudenak. Gazteria eta Haurtzaro Ministerioa aztertzen ari da adingabeak babesteko erakundeek baliabide egokituetan har ditzaten, haien tutoretza autonomia-erkidegoei transferitu beharrik gabe.
Bilboko Konpartsek eta Sarek manifestazioa deitu dute abuztuaren 28rako, 2027an "euskal presorik egon ez dadin" aldarrikatzeko
Sarek eta Bilboko Konpartsek Etxera Eguna deitu dute abuztuaren 28rako, Aste Nagusi betean, “euskal preso, iheslari eta deportatuak etxera itzultzea” aldarrikatzeko. Horretarako, manifestazioa eta herri-bazkaria egingo dute. Halaber, gaurko agerraldian, 2027ko jaiak presorik eta errepresaliaturik gabeko lehenak izatea jarri dute helburutzat.
Ceutako adingabe migratzaileak beren familiekin bueltatzearen alde eta, ezin den kasuetan, hartzearen alde egin du Jaurlaritzak
Txema Ezkerra Haur, Nerabe eta Familia zuzendariaren ustez, "onartezina" da Voxek arlo hori kudeatzen duen erkidegoetan legea ez betetzea, eta Estatuari esku-hartzeko eskatu dio.
Burlatako Udalak aho batez gaitzetsi du UPNko zinegotzi bati jaietan egindako erasoa
Pasa den larunbatean Carlos Oto UPNko zinegotziari eraso egin zioten alderdi erregionalistaren egoitzan, hainbat alderdikide eta beste hainbat pertsona bilduta zeudela.
"Errealitatea makillatzea" egotzi dio Ceutako presidenteak Gobernuari, eta krisia konpontzeko 30 egun eman dizkio
Juan Vivasek gogor kritikatu du Gobernua uztailaren 30ean eta 31n Marokotik 70.000 pertsona inguru hiri autonomora sartu ondoren sortu den migrazio-krisiaren aurrean "erantzun ezagatik" eta "pasibotasunagatik". Agerraldi batean, Vivasek galdetu du ea Gobernuaren pasibotasunak Maroko "ez molestatzea" bilatzen duen, eta iragarri du botere judizialera eta beste estamentu batzuetara joko duela krisia 30 eguneko gehieneko epean konpontzen ez bada.