Urte politiko berria hasi du Jaurlaritzak, lehendakariaren itun etikoa ardatz hartuta
Udako oporraldiari amaiera eman, eta urte politiko berriari ekin dio gaur, osteguna, Eusko Jaurlaritzak. Betiko moduan, Gobernu Kontseilu berezi batekin hasi du jarduna: abuztuaren amaieran Donostiako Miramar jauregian egin ohi dena (10:30ean hasi da). Gauzak horrela, agenda publikoari heldu dio berriro EAJ-PSE-EE koalizio gobernuak.
Imanol Pradales buru dutela, batzarrean dira Jaurlaritza osatzen duten 15 sailburuak. 11:30ean prentsa aurrera aterako da lehendakaria bera, adostutakoen berri ematera. Pradalesen agerraldia zuzen-zuzenean eskainiko du eitb.eus-ek.
Lehendakaritzako iturriek aurreratu dutenez, Pradalesek gainerako alderdiekin adostu asmo dituen "herri itunak" izango dituzte hizpide bileran. Horien artean daude politikagintzan aritzeko itun etikoa eta Osakidetzaren egoera hobetzeko akordioa.
Aurrekoaren inguruan, lehendakariak esana du kezkatuta dagoela Espainiako politikagintzan nagusi den liskar giroarekin, baita "elkarbizitzari eta denon eskubideei mehatxu" egiten dion ultraeskuinaren gorakadarekin ere. Horren aurrean, Euskadin lege den "giro ona" bermatu nahiko luke Pradalesek.
Hori horrela, gutxieneko joko arau batzuk adosteko deia egingo die alderdiei, jardun politikoari "muga etikoak" ezarrita. Aurkari politikoa edozein dela ere, horren iritziak eta jarrerak errespetatu behar direlakoan, horren aldeko konpromisoa galdegingo die itunaren sinatzaileei.
Lehendakariak uztailean, banakako bileran sortan, aurreratu zien egitasmoa talde parlamentarioei. Dena dela, proposamena Eusko Legebiltzarrera eramateko asmoa du Pradalesek.
Urte politiko berrirako beste konpromiso handia Osakidetzaren egoera hobetzea da eta, horretarako, irailaren 5ean bilduko da osasun itunerako mahaia. Batzarra Alberto Martinez Osasun sailburuak deitu du.
"Familia-argazkia" eta Pradalesen bilera osteko agerraldia
Betiko legez, protokolozko ekitaldia gobernu berriaren eta lurraldeko ordezkarien familia argazkiarekin hasi dute. Miramar jauregiaren kanpoaldean izan ohi da, baina ekaitzak tarteko —EAE prezipitazio handiengatik abisu horipean dago— barrualdean egin dute irudi-hartzea.
11:30ean, Imanol Pradales lehendakaria kazetarien aurrera irtengo da bileran landutakoak azaltzera. eitb.eus-ek zuzenean eskainiko du Pradalesen prentsaurrekoa.
Zure interesekoa izan daiteke
Iriartek kudeaketa berria aldarrikatu du, eskumen gehiago eta aurrekontu handiagoarekin
Elkarlanean aritzeko gogoz agertu da Alain Iriart, Euskal Hirigune Elkargoko presidente berria: oreka bilatu nahi du kostaldeko eta barnealdeko guneen artean. Iriartek kudeaketa berria aldarrikatu nahi du, eskumen gehiago eta aurrekontu handiagoarekin. Horrez gain, euskara sustatu nahi du, bat-bateko itzulpena bermatuz Euskal Hirigune Elkargoaren bileretan.
II. Errepublikaren 95. urteurrenaren kariaz, ekitaldia egin dute Ezker Anitza-IUk eta PCE-EPKk Eibarren
Ekitaldian, "indarrak batzeko beharra" aldarrikatu dute, "erabateko demokrazia" eta "bakearen aldeko jarrera" bermatuko duen Errepublika lortzeko bidean. Era berean, ohartarazi dute faxismoaren oinordekoen asmoak ez direla aldatu, garai bateko asmo berberak dituztelako.
Saibigaingo guduan desagertutako gudari eta milizianoak omendu dituzte
Saibigain mendian, Gerra Zibilean desagertu ziren euskal gudari eta milizianoak omendu dituzte. Lore eskaintza egin diete mendi puntan dagoen monolitoan. Bertan bildutakoek gertakari horiek inoiz ez ahazteko eskatu dute.
Ansolak uste du EAJk zeregin nabarmena beteko duela Euskal Hirigune Elkargoan
Iñigo Ansola BBBko presidenteak nabarmendu du Peio Etxeleku jeltzaleen ordezkariak aldaketaren alde egin duela Euskal Hirigune Elkargoan, Hegoaldearekiko harremana sendotzeko asmoarekin. Ildo horretatik, jeltzaleen babesa Ipar Euskal Herriko logikan ulertu behar dela berretsi du.
Espetxe eskumenak eskuratu zituenetik Eusko Jaurlaritzak "indarrean dagoen legedia bete" duela esan du Zupiriak
Bingen Zupiria Segurtasun sailburuak azpimarratu duenez, Eusko Jaurlaritzak "legea bete du" espetxe eskumenak bere gain hartu zituenetik, eta, nolanahi ere, Justizia da "azken hitza izango duena". Horrez gain, azken egunotan agertutako pintaketak gaitzetsi ditu.
EAJk salatu du pintaketak agertu direla Mendaroko batzokian
Pintura beltza baliatuz, besteak beste, "EAJ español. Faxistak kanpora!" idatzi dute pintaketa horietan, baita igitaiaren eta mailuaren irudia egin ere.
Omenaldia egin diete Gerra Zibilean hildako Iruñeko zinegotzi eta udal langileei
Gerra Zibilean fusilatu zituzten Iruñeko udal beharginei omenaldia egin diete gaur haien senitartekoek Nafarroako hiriburuan, eta gertatu zenari buruz kontatutakoa "gezurra" dela esan dute ekitaldian. "Ez da egia gerran denok galdu genuela, irabazleak egon baitziren. Horregatik, egia, justizia eta ordaina aldarrikatzen jarraituko dugu", azpimarratu dute.
Alain Iriart hautatu dute Euskal Hirigune Elkargoko lehendakari
Hiriburuko (Lapurdi) ezker abertzaleko auzapeza bederatzi urtez lehendakari izan den Jean-Rene Etchegarayri gailendu zaio. Bigarren bozketan lortu du Iriartek Lehendakaritza, aurrenekoan ezein hautagaik ez baitu gehiengo osorik lortu. Iriartek alkate izateari utziko diola iragarri du, Elkargoan buru-belarri aritzeko.
Jean-Rene Etchegaray eta Alain Iriart, Euskal Hirigune Elkargoko lehendakari izateko borrokan
Bi hautagaiek bildu dituzte boto gehien lehen bozketan: Etchegarayk 99 eta Iriartek 80. Etxeleku jeltzalea eta Lesellier eskuin muturreko hautagaia ez dira bigarren bozketara aurkeztu, eta lehenengoak iragarri du Iriarten alde egingo duela.
Frantziako Fiskaltzak bete beharrekoa ez den bost urteko zigorra eskatu du Josu Urrutikoetxearentzat
Frantziako estatutik behin betiko kanporatzeko ere eskatu du fiskalak; defentsak, berriz, ez kanporatzeko deia egin du. Auzia epaiaren zain geratu da. Uztailaren 2an emango dute jakitera.