Sanchez migratzaileak kanporatzearen alde azaldu da mafiei "mezu argia" bidaltzen dielako
Pedro Sanchez Espainiako Gobernuko presidenteak defendatu duenez, "ezinbestekoa" da modu irregularrean heldutako migratzaileak euren sorterrira itzultzea. Horren ustez, mafiei eta horien esanetara jartzen direnei "mezu argi eta irmoa" bidaltzen zaie, atzera egitera bultzatzen dituena.
Hitzok Dakarren (Senegal) egin ditu gobernuburuak, Mauritaniara, Gambiara eta azken herrialde horretara egindako bidaiaren azken egunean. Afrikako hiru herrialdeokin migrazio irregularrari aurre egiteko lankidetza estutzea izan du helburu Sanchezek.
"Mafiok herritarren biziarekin jokatzen dute, gazte asko eta eurengan konfiantza itsua duten familiak engainatzen dituzte, eta beste delitu batzuk zabaltzen laguntzen dute", nabarmendu du. Hori horrela, Espainiara modu irregularrean heldutako horiek kanporatzea "ezinbestekoa" dela adierazi du. Era berean, gogorarazi du Europako zein Espainiako legediak horretara behartzen dituela.
Espainiako Gobernuaren arabera, Senegalekin, Mauritaniarekin eta Gambiarekin migratzaileak itzularazteko itunak ditu Espainiak, baina horiek aplikatzeko zailtasunak badaudela aitortu du. Hori horrela, akordiook hobetzeko asmoz joan da Sanchez Afrikara.
Paradoxikoki, migrazio arautua ere defendatu du Sanchezek. Hala, Afrikako bidaiaren lehen txanpan aipatutako migrazio zirkularra izan du ahotan, beste behin. Proposamen horren arabera, migratzaileak aldi baterako lan kontratuarekin Estatura ekarri eta, lanaldia amaitutakoan, sorterrira bueltan eramango lirateke.
Semper: "PPk erbesteratzeak defendatuko balitu, xenofobotzat joko lukete"
Borja Semper PPko bozeramaileak azkar erantzun dio Sanchezi. Radio Euskadiri eskainitako elkarrizketa batean azpimarratu duenez, PPko buruzagiren batek Sanchezen "erbesteratze" masiboak defendatu izan balitu, "xenofobotzat joko lukete".
Semperren aburuz, Espainiako Gobernua migrazio politikarekiko jarrera aldatzen dabil unero: "Orain aberriratzeak defendatu ditu, nolabaiteko kontakizuna eraiki nahian". Horren aurrean, migrazioari aurre egiteko politika "serioa" galdegin dio. Gogora ekarri duenez, Alemaniako edo Kanadako gobernu sozialdemokratek gai horren inguruko jarrera "birpentsatu" dute.
Dena dela, argitu nahi izan du PPk ez duela "inondik inora erbesteratze masiboak" defendatzen.
Pradales "harrituta" agertu da
Imanol Pradales lehendakaria "harrituta" geratu da Sanchezek migratzaileen inguruan esandako hitzekin.
Hala ere, zuhurtziaz jokatu beharra dagoela azpimarratu du, "gai korapilatsua delako". Haren iritziz, migrazioa planifikatu beharreko egiturazko fenomenoa da.
Zure interesekoa izan daiteke
Hauteskunde orokorrak 2027an izango direla berretsi du Sanchezek, udal hauteskundeekin bat egin gabe
Pedro Sanchez Espainiako Gobernuko presidenteak berretsi du hauteskunde orokorrak 2027an izango direla. Ildo horretatik, ziurtatu du ez direla maiatzeko hauteskunde autonomikoekin eta udalekoekin bat etorriko, baina ez du zehaztu aurretik edo geroago izango diren.
Euskararen lurgunea gero eta zabalagoa da Nafarroan, baina estuturik dauka Euskararen Legeak berak
Euskararen Foru Legeak 40 urte betetzen ditu aurten eta euskara lekua irabazten joan den arren legeak bere horretan dirau, lurraldea hiru eremutan banatzen, bai eta nafarren hizkuntza eskubideak mugatzen ere. Euskararen ofizialtasuna lurralde osora hedatzea askoren aspaldiko eskakizuna da, baina tramite administartiboaz harago, borondate politiko argia eta negoziazio gaitasuna eskatzen ditu prozesuak.
Hauek dira Zapaterok Plus Ultra auziko epailearen aurrean egindako deklarazioaren pasarte nabarmenenak
Espainiako Gobernuko presidente ohiak ukatu egin zuen Plus Ultra aire konpainiaren erreskatean inolako esku hartzerik izan zuela eta bere bulegoan egindako miaketan aurkitutako bitxien inguruan erantzutea saihestu zuen.
Iraolak EAJren eta EH Bilduren "inkoherentzia" salatu du Eibarko sokamuturraren auzian
Eibarko sanjuanetan sokamuturra berreskuratzea herritarren eskaria izan dela esan du Jon Iraola Eibarko alkateak (PSE-EE). Gaiak eragin duen polemika dela eta, EAJren eta EH Bilduren "inkoherentzia" salatu du, eurek gobernatzen duten udaletan beste jarrera bat omen dutelako. Hauteskunde interesen arabera jokatzea egotzi die biei.
Euskararen alorrean harago joateko eskatu dio Barkosek Chiviteri eta zonifikazioa kentzeko
Nafarroako presidente ohiaren ustez, euskara berezko hizkuntza gisa aitortzeak "ez luke ezer aldatuko", eta hizkuntza lurralde osoan ofizial egitea aldarrikatu du.
Getxoko Irurak Bat jauregia eraistearen inguruko ikerketarekin jarraitzea zalantzan jarri du epaileak
Epaitegiak bertan behera utzi ditu hainbat eginbide, eta EAEko Justizia Auzitegi Nagusiak duela gutxi emandako epai bati buruzko iritzia eskatu die aldeei, ikertutako gertakarien balorazio penalean eragina izan dezakeelakoan.
Peinado epaileak pieza berri bat ireki du Begoña Gomez auzian, eta beste bi delitu egotzi dizkio Sanchezen emazteari
Sumarioaren zati nagusiari buruzko atariko entzunaldia astelehenean egin zuen magistratuak, eta pieza berri bat zabaltzea erabaki du orain, prebarikazioa eta EBri iruzur egitea egotzita.
Diez Antxustegik espero du enplegu publikoaren legea onartzea eta gerora "ebaluazio bateratua" egitea proposatu dio EH Bilduri
EAJk Legebiltzarrean duen bozeramailearen hitzetan, jeltzaleek egindako proposamena "zuhurragoa" da eta segurtasun juridiko handiagoa ematen du. Behin onartuta, "ebaluazio bateratua" egitea proposatu dio EH Bilduri, "nahikoa ez bada" hartu beharreko neurriak aztertzeko.
Otxandiano, Enplegu Publikoaren Legeaz: "Akordiorik ez badago, lehendakariarekin bilera bat eskatuko dut egoera desblokeatzeko"
"Akordioaren parametroak argi daude", Otxandianoren ustez, eta "akordiorik eza ez da aukera bat eta arduraz jokatzeko momentua da", erantsi du. "Lirika eta erretorikaren gainetik, Agirre lehendakariaren izpiritua eta ondare politikoa hiru herrialde hauetan benetan praktikan jartzeko borondatea dago", EH Bilduko bozeramailearen arabera.
18 pertsona hil dira Israelgo Armadak Libano hegoaldearen aurka egindako bonbardaketetan
AEBrekin lortutako akordio-memorandumari eutsiz, Iranek eskatu du Israelek atzera egiteko eta erasoak bertan behera uzteko. Israelgo Gobernuak, bere aldetik, behin baino gehiagotan adierazi du akordio horrek ez duela bera lotzen.