Euskal diasporaren iraganeko, oraineko eta etorkizuneko funtsezko zeregina nabarmendu du Pradalesek
Euskal diasporak Euskadiri egindako "ezinbesteko ekarpena eta funtsezko zeregina" azpimarratu ditu igande honetan Oñatin Imanol Pradales lehendakariak, eta Euskadi "herri migratzailea" dela azpimarratzeaz gain, "harrera egin behar duen herria" dela esan du.
Oñatin esan ditu hitzok lehendakariak, Eusko Jaurlaritzak antolatutako Euskal Diasporaren Nazioarteko 7. Egunean, hain zuzen ere.
Ekitaldian, besteak beste, hauek izan dira: Maria Ubarretxena Jaurlaritzaren bozeramailea, Mikel Jauregi Industria sailburua, Ignacio Pérez Zientzia, Unibertsitate eta Berrikuntza sailburua, Izaro Elorza Oñatiko alkatea, Ander Caballero Europar Batasuneko eta Kanpo Harremanetako idazkari nagusia eta Gorka Álvarez Kanpoan den Euskal Komunitatearentzako zuzendaria.
Aurten Oñati aukeratu dute ospakizun honetarako, Boiseko (Idaho, AEB) Estatu Unibertsitateko ikasle eta irakasleen lehen egonaldi programaren 50. urteurrena delako. 1974an egin zuten lehena.
Ekitaldi nagusia Larraña auzoko Eltzia eraikinean egin da, eta lehendakariak adierazi duenez, "gaurkoa pozik egoteko eguna da; izan ere, duela 50 urte azaldu zen hemen, Oñatin, 90 lagunez osatutako talde bat, Pat Bieter irakasle boisetarrak bultzatutako euskaldunen talde bat. Helburua aberrira itzultzea zen, kulturaz gozatu eta euskara ikastea. Eta hala egin zuten".
Pradalesek nabarmendu du egun hau "euskaldunentzako festa berezia" dela eta "esanahiz beteta" dagoela, eta 15 herrialdetan 100 ekitaldi baino gehiago antolatu direla jakinarazi du, ospakizuna diasporan "errotzen" ari den erakusgarri.
Lehendakariak beste herrialde batzuetara joan behar izan zuten euskaldunen historia oroitu du, eta berak diasporarekin lehen harremana nola izan zuen azaldu du, Miguel Mari (Mexikora bizitzera joan zen gazte bat) ezagutu zuenean izan baitzuen. Orduan ohartu zen, bere hitzetan, Euskadi "herrialde migratzailea" ere badela.
Pradalesek euskal diasporaren "ezinbesteko ekarpena" azpimarratu du. "Milaka eta milaka euskaldun, han eta hemen, munduko bazter guztietan. Euren ekarpenari esker, gure hizkuntza eta kultura nazioarteko dimentsio berri batera eraman ditugu elkarrekin. Eta orain, aldaketa garai honetan, elkarrekin imajinatu behar dugu gure harreman berria, diaspora berriarekin dugun harremana", gaineratu du.
Euskadi globala
Inbestidura-saioan esandakoak gogora ekarriz azaldu duenez, Euskadik "asko du jokoan nazioarteko testuinguruan datozen urteetan". "Bidegurutze baten aurrean gaude, eta bidea aukeratu behar dugu", gaineratu du lehendakariak.
"Sare berriak" ehundu beharra azpimarratu du Pradalesek, eta Euskadi balioa emango dioten "nodoekin konektatu" beharra, bai giza balioa, bai balio kulturala, ekonomikoa, zientifikoa eta industriala nabarmentzeko. "Estrategia globala eta nazioartekoa, euskaldunok berriro ere itsaso eta mundu berriak zeharka ditzagun, gure herriarentzat oparotasuna bilatze aldera. Euskadi global batez ari naiz", adierazi du. Horretarako, "funtsezkoa da euskal diasporaren eta diaspora osatzen duten pertsonen papera; izan ere, atzo bezala, gaur ere enbaxadorerik onenak zarete", erantsi du.
Imanol Pradalesen esanetan, euskal diaspora "ez da argazki finko bat", urtero ehunka euskal herritar ateratzen baitira atzerrira formakuntza Euskadin jaso ondoren, eta horretarako dituzten arrazoiak aipatu ditu: "esperientzia berriak bizitzea, ikasketak osatzea edo etorkizun hobea lantzea".
"Ez dugu ahaztu behar pertsona horiek ere gure kanpoko sarearen parte direla. Ezinbesteko eragile zarete gure aurrerabiderako, zentzu guztietan. Gure radarrean eduki behar zaituztegu eta etxera itzuli nahi duzuenontzako bideak eskaini behar dizkizuegu", esan du.
Harrera egin behar duen herria
Padralesek azaldu du Larraña Etxea oso gertu dutela, harrera-zentro "garrantzitsua" izandakoa, "aspaldikoak ez diren garaietako errealitatea gogorarazten duen lekua". "Euskal Herria ongi hartua izan da eta da oraindik ere. Horregatik, guk ere harrera-herri izan behar dugu", gaineratu du.
"Erronka berriek rol berriak eskatzen dituzte, eta ziur nago euskal diasporak ezinbesteko ekarpena egiten jarraituko duela. Izan zirelako gara, eta garelako izango dira", adierazi du.
Zure interesekoa izan daiteke
Espainiako Gobernuak EBri eskatuko dio apur dezala Israelekin duen elkartze akordioa
"Nazioarteko zuzenbidea urratzen duen gobernu bat —eta ondorioz, Europar Batasunaren printzipioak eta balioak urratzen dituena— ezin da Europar Batasuneko bazkide izan; horren sinplea eta horren erraza da", azpimarratu du Sanchezek Andaluziako hauteskunde kanpainaurreko ekitaldi batean.
Eskuinaren garaia amaitzen ari dela eta Bartzelonan aro berria hasi dela aldarrikatu du Sanchezek
Espainiako presidenteak eta Lula da Silva Brasilgo presidenteak New Yorkeko alkatearen eta Tim Walz gobernadorearen babesarekin itxi dute 'Global Progressive Mobilisation' topaketa.
Trebiñu Arabaren parte izan dadila aldarrikatu dute Argantzunen, Trebiñu Egunaren ospakizunean
EAJren presidente Aitor Estebanek ziurtatu du bere esku dagoen guztia egiten jarraituko duela Trebiñuko herritarrei "ahotsa emateko", eta Araban sartzeko duten "nahia" bete dadin.
Korrikak dirulaguntzak jasotzeko baldintzak betetzen ote dituen aztertuko du Gasteizko Udalak
Euskararen aldeko lasterketan ETAko presoen argazkiak erakutsi zirela eta, finantzazio publikoa etetea eskatu du gaur, mozio bidez, Alderdi Popularrak. Mozioa atzera bota du Udalbatzak, baina Maria Nanclares zinegotzi sozialistak iragarri du kasua aztertuko dutela, udal ordenantzaren araberakoa ote den jakiteko.
Sanchezek eta Lulak, "gerrari ezetz" esanez, olatu erreakzionarioari aurre egitea eskatu dute
Pedro Sanchez Espainiako presidenteak eta Luiz Inacio Lula da Silva Brasilgo presidenteak argi utzi dute bat datozela egungo une geopolitikoaren aurrean, "gerrari ezetz" esanez. Sanchezek adierazi du bi herrialdeen arteko harremana aldebikoa baino askoz haratago doala, eta azpimarratu du munduaren ikuspegi bera dutela.
Pradalesek ukatu egin du Euskadik "etengabeko tentsio-giroa" bizi duela, eta "moderazioa" eskatu dio PPri
Imanol Pradales lehendakariak ukatu egin du Euskadik "etengabeko tentsio-giroa" bizi duela, Javier de Andres Euskadiko PPko presidenteak horrela ziurtatu ondoren. Lehendakariak "introspekzioa, moderazioa eta neurria" izatea gomendatu dizkio Javier de Andresi. PPk "erradikaltasuna, mehatxuak eta larderia bultzatzea" egotzi dio EAJri.
Pradalesek "herri akordioak" ez babestea leporatu dio EH Bilduri, eta "bustitzeko" eskatu dio
Imanol Pradales lehendakariak EH Bilduri aurpegiratu dio legegintzaldiaren bi urte hauetan "herri mailako" akordio handi bakar bat ere babestu ez izana, eta "bustitzeko" eskatu dio. Otxandianok, bestalde, ohartarazi du Eusko Jaurlaritzan bazkide diren bi alderdien arteko "desadostasunak", euskara bezalako gaietan, "oztopo" direla aurrera egiteko.
Etxebizitza finkatu da euskal gizartearen arazo nagusi gisa: burbuilaren garaiko mailara iritsi da kezka
Eusko Jaurlaritzaren azken Soziometroak agerian utzi du gora egin duela prekaritatearekiko eta arazo ekonomikoekiko kezka. Delinkuentziaren inguruko kezka, berriz, apaldu egin da.
Armengolek Koldoren bitartez hitz egiten zuen Abalosekin, eta haur-maskarei buruz galdetu zion: "Konponduko dizut"
Ikertzaileen arabera, Koldo bitartekari gisa ari zen Abalosekiko hurbiltasunari esker, Balearretako Gobernuaren eta ikertutako gaizkile-sarearekin lotutako interesen arteko komunikazioa erraztuz. Besteak beste, PCR testekin, haur-maskarekin edo pandemian egindako inbertsioekin lotuta zeuden kudeaketa horiek.
PPk eta Voxek akordioa lortu dute Guardiola Extremadurako presidente izendatzeko
Asmoa da inbestidura saioa datorren asteartean, hilaren 21ean, eta asteazkenean, hilaren 22an, egitea, eta Maria Guardiola Extremadurako presidente izendatzea berriro apirilaren 24an. Akordioak 61 puntu eta 74 neurri ditu, eta bi aldeek jarrerak hurbildu dituzte, "egon daitezkeen ezberdintasun ideologikoetatik harago".