Inbestidura bloketik urrunduta, aldi baterako alokairua mugatu asmo zuen legearen kontra egin du Juntsek
Inbestidura blokean —Sanchezen gobernua babesten duten taldeek osatutakoa— beste arrakala bat eragin du Juntsek, eta PPrekin, Voxekin eta UPNrekin batera, aldi baterako alokairuari muga jarri nahi zion lege ekimen baten kontra egin du Kongresuan.
Maizterren sindikatuak eskatuta, Sumarrek sei hilabetera mugatu nahi zuen aldi baterako zein logelako alokairua. Etxe jabeek, Etxebizitza Legearen betebeharrak saihestu asmoz, aldi baterako alokairuaren formula darabilte, ohiko alokairuaren ordez.
Aurreikuspenen arabera, talde katalanak abstentziora jo behar zuen eta, beraz, lege egitasmoa tramitera onartu behar zuen Kongresuak. Sumarren hitzetan, bozketa baino hiru minutu lehenago, kontra bozkatuko zuela jakinarazi die Juntsek. Bozketaren emaitza honakoa izan da: 178 boto kontra, eta 172, alde (PSOE, Sumar, ERC, EH Bildu, EAJ, Podemos, BNG, Coalición Canaria eta Jose Luis Abalos).
Jordi Turull Juntseko idazkari nagusiak X sare sozialean azaldu duenez, Juntsek ez du iritzia aldatu. "Ez gara gu izango Kataluniako eskuduntzak urratzen dituen lege bat onartzea erraztuko dugunak. Gobernu zentralak ondo baino hobeto daki gure lerro gorri bat dela", argudiatu du.
Lege egitasmoa babestu duten taldeak eta maizterren sindikatua oso kritiko azaldu dira Juntsekin. "Akordioa geneukan talde parlamentarioekin, eta aldi baterako alokairuan egiten diren abusuzko praktikak geldiarazteko gehiengoa genuen. Juntsek bozketa baino hiru minutu lehenago jakinarazi du kontra bozkatu behar zuela, eta adostutakoa urratu du", kritikatu du Iñigo Errejon Sumarren eledunak.
Ministerioak beste araudi bat agindu du
Betoaren ostean, biharamunean, Isabel Rodriguez Espainiako Gobernuko Etxebizitza eta Hiri Agendako ministroak iragarri du 2025a bukatu baino lehen aldi baterako alokairuak mugatzeko beste araudi bat onartzeko asmoa duela.
Rodriguezen esanetan, testua profesionalen talde batekin ari dira lantzen; "ondo ezagutzen dute zer ari den gertatzen etxebizitzaren merkatuan".
Zure interesekoa izan daiteke
Hauek dira Zapaterok Plus Ultra auziko epailearen aurrean egindako deklarazioaren pasarte nabarmenenak
Espainiako Gobernuko presidente ohiak ukatu egin zuen Plus Ultra aire konpainiaren erreskatean inolako esku hartzerik izan zuela eta bere bulegoan egindako miaketan aurkitutako bitxien inguruan erantzutea saihestu zuen.
Iraolak EAJren eta EH Bilduren "inkoherentzia" salatu du Eibarko sokamuturraren auzian
Eibarko San Joan jaietan sokamuturra berreskuratzea herritarren eskaria izan dela esan du Jon Iraola Eibarko alkateak (PSE-EE). Gaiak eragin duen polemika dela eta, EAJren eta EH Bilduren "inkoherentzia" salatu du, eurek gobernatzen duten udaletan beste jarrera bat omen dutelako. Hauteskunde interesen arabera jokatzea egotzi die bi taldeoi.
Euskararen alorrean harago joateko eskatu dio Barkosek Chiviteri eta zonifikazioa kentzea
Nafarroako presidente ohiaren ustez, euskara berezko hizkuntza gisa aitortzeak "ez luke ezer aldatuko", eta hizkuntza lurralde osoan ofizial egitea aldarrikatu du.
Getxoko Irurak Bat jauregia eraistearen inguruko ikerketarekin jarraitzea zalantzan jarri du epaileak
Epaitegiak bertan behera utzi ditu hainbat eginbide, eta EAEko Justizia Auzitegi Nagusiak duela gutxi emandako epai bati buruzko iritzia eskatu die aldeei, ikertutako gertakarien balorazio penalean eragina izan dezakeelakoan.
Peinado epaileak pieza berri bat ireki du Begoña Gomez auzian, eta beste bi delitu egotzi dizkio Sanchezen emazteari
Sumarioaren zati nagusiari buruzko atariko entzunaldia astelehenean egin zuen magistratuak, eta orain, pieza berri bat zabaltzea erabaki du, prebarikazioagatik eta EBri iruzur egiteagatik.
Diez Antxustegik espero du enplegu publikoaren legea onartzea eta gerora "ebaluazio bateratua" egitea proposatu dio EH Bilduri
EAJk Legebiltzarrean duen bozeramailearen hitzetan, jeltzaleek egindako proposamena "zuhurragoa" da eta segurtasun juridiko handiagoa ematen du. Behin onartuta, "ebaluazio bateratua" egitea proposatu dio EH Bilduri, "nahikoa ez bada" hartu beharreko neurriak aztertzeko.
Otxandiano: "Akordiorik ez badago, Pradales lehendakariarekin bilera bat eskatuko dut egoera desblokeatzeko"
"Akordioaren parametroak argi daude", Otxandianoren ustez, eta "akordiorik eza ez da aukera bat eta arduraz jokatzeko momentua da", erantsi du. "Lirika eta erretorikaren gainetik, Agirre lehendakariaren izpiritua eta ondare politikoa hiru herrialde hauetan benetan praktikan jartzeko borondatea dago", EH Bilduko bozeramailearen arabera.
18 pertsona hil dira Israelgo Armadak Libano hegoaldearen aurka egindako bonbardaketetan
AEBrekin lortutako akordio-memorandumari eutsiz, Iranek eskatu du Israelek atzera egiteko eta erasoak bertan behera uzteko. Israelgo Gobernuak, bere aldetik, behin baino gehiagotan adierazi du akordio horrek ez duela bera lotzen.
Sanchez, aurrekontuen harira: "Negoziatuko dugu, eta erabakiak hartu behar badira, hipotesi horiek ematean hartuko ditugu"
Espainiako Gobernuko presidenteak berretsi du kontu publikoak aurrera ateratzeko negoziatuko duela, eta adierazi du erabakiak "hipotesi horiek gertatzen direnean" hartuko direla; Exekutiboko iturriek, berriz, azpimarratu dute asmoa legealdia agortzea dela, eta testuinguru honetan baztertu egin dute aurten hauteskundeak deitzea.
Musikaren sektorerako laguntzen banaketaren gardentasuna defendatu du Bengoetxeak, hainbat artistaren kritiken aurrean
Euskal musikaren sektorerako laguntza publikoen banaketaren inguruan sortutako polemikaren aurrean, Eusko Jaurlaritzak hainbat artistak egindako kritikei erantzun die. Laguntzak esleitzeko irizpideei buruzko zalantzen aurrean, Ibone Bengoetxeak prozesua zorrotza dela eta gardentasun osoz gauzatzen dela adierazi du.