Legegintzaldiko aurreneko bilkura abian, EAJ, PSE-EE eta EH Bilduren arteko ituna protagonista dela
Eusko Legebiltzarrak ohiko jardunari heldu dio gaur, ostegunarekin, XIII. Legegintzaldiko aurreneko osoko bilkura eginda. Ganbera martxan dago maiatzetik, baina azken eztabaida otsailean egin zuen, artean aurreko legegintzaldia indarrean zela (Urkulluren gobernuaren azken hiru legeak onartu ziren orduan). Gaurko osoko batzarraren ondotik, bihar egingo dute Jaurlaritza berriaren lehen kontrolerako saioa.
Taldeek adostasunerako duten borondatea neurtzeko balioko du gaurko bilkurak eta, hain justu, akordio bat izango du lege aurreneko bilkurak: atzo Jaurlaritza osatzen duten bi alderdiek EH Bildurekin Osakidetzari buruz erdietsitakoa.
Saioa 09:30ean hasi da, hainbat izapiderekin. Aurrena, EAEren senatari ordezkariak hautatu dituzte —beste behin, Estefania Beltran de Heredia (EAJ), Idurre Bideguren (EH Bildu) eta Alfonso Gil (PSE-EE) izango dira karguan—; ondoren, sei legebiltzarkide sozialisten inguruko Bateraezintasunen Batzordearen irizpena aztertuko da. Azkenik, Gogora institutuaren Zuzendaritza Kontseiluko kideak izendatu dituzte.
Behin horiek eginda, eztabaidari ekin diete taldeek. Koalizio subiranistak Osakidetzaren lantaldea "argitzeko eta ordenatzeko" legez besteko proposamena aurkeztu zuela eta, EAJk eta PSE-EEk ekimenera batzea ebatzi zuten atzo. Hala, honako hau eskatuko diote Osasun Sailari: Osakidetzako kontsolidazio prozesuak amaitzea eta lan eskaintza publikoen eredua "berrikustea".
Ganbera Venezuelara begira ere jarriko da, Jaurlaritzako bi bazkideek, EAJk eta PSE-EEk, elkarrekin aurkeztu duten legez besteko proposamena tarteko. Bi taldeek "kezka" agertu dute "Presidenterako hauteskundeen ondoren Venezuelan dagoen egoeragatik, gero eta atxiloketa arbitrario gehiago eta oposizioaren aurkako etengabeko jazarpena direla eta". Horren aurrean, "errepresioa eta jazarpena berehala bertan behera uzteko" eskatuko diote Maduroren gobernuari eta hauteskundeetako emaitzen aktak argitaratzeko. Jeltzaleek eta sozialistek ez dute idatzian jaso Edmundo Gonzalez Venezuelako presidente hautatu gisa aitortzea.
PPk eta EH Bilduk osoko zuzenketa bana aurkeztu diote ekimenari, baina gehiengoen banaketa ikusita (EAJk eta PSE-EEk gehiengo osoa dute), ez du ematen aurrera aterako direnik.
Koalizio abertzaleak eta Sumarrek aurkeztutako proposamen bana ere izango da mahai gainean, biak ala biak etxebizitzaren ingurukoak eta batera eztabaidatzekoak. Tentsio eremuak izendatzeko prozedura azkartzeko neurriak lehenbailehen hartzeko eskatuko diote Jaurlaritzari. Errenteriak eta Zumaiak (Gipuzkoa) aurkeztua dute eskaera.
Azkenik, PPk ekimena aurkeztu du EAEk Espainiako Estatuan Unibertsitatera sartzeko Ebaluazio bera izan dezan.
Ganberaren kanpoaldean, bestalde, elkarretaratzea dute deituta Erne, Esan eta Sipe Ertzaintzaren sindikatuek, lan hitzarmenaren negoziaziorik ez dagoela salatzeko.
Zure interesekoa izan daiteke
Espainiako Gobernuak baztertu egin du adostasunik ez duten neurriak krisiaren aurkako planean sartzea
Alokairuko etxebizitzetan bizi direnei nolabaiteko babesa emateko neurriak negoziatzen ari dira oraindik. Dekretua ostiralean onartuko dute Ministroen Kontseiluan eta datorren astean bozkatu Kongresuan.
Bengoetxea: "Euskara defendatzea batzea da, ez baztertzea"
Korrikaren inguruan sortutako polemikaren harira, Ibone Bengoetxea Eusko Jaurlaritzako Kultura eta Hizkuntza Politikako sailburuak esan du Korrika beti izan dela "euskararen inguruko topagune sozial handia", eta "garrantzitsua" dela "batzen duen espazioa izaten jarraitzea". "Ez da harresi edo lubaki gehiagorik behar. Euskarak zubiak behar ditu", adierazi du.
Etchegarayk ez dio sinesgarritasunik eman Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogorarazi die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.