Gasteizko Europa jauregia blindatuta, Terrorismoaren Biktimen Nazioarteko Biltzarra hartzeko
Gasteizko Europa jauregiak Terrorismoaren Biktimen Nazioarteko Konferentzia hartuko du gaur-biharretan. NBEk eta Espainiako Atzerri Ministerioak antolatu dute hitzordua, eta nazioarteko 300 gonbidatu baino gehiago espero dira Arabako hiriburuan. Agintarien ordezkaritza zabala tarteko, biltzarrak eragina izango du inguruko zirkulazioan, ibilgailuena zein oinezkoena.
Hala, ahal izanez gero, ibilgailu pribatuan ez ibiltzeko gomendatu dute. Trafiko etenak ere izango dira: hala, Ramon y Cajal kaleko eskuineko erreia, Senda ibilbideko noranzkoan, itxita egongo da ostegun goizera arte. Tarteka, ibilgailuen eta oinezkoen joan-etorria debekatu daiteke, agintarien iritsiera bermatzeko.
Gainera, debekatuta egongo da hainbat kaletan aparkatzea. Hala nola, Gaztelako Atean, Gasteiz etorbidean, Chile, Fernandez de Leceta eta Bolivia kaleetan eta Berpizkundearen plazan. Europa jauregiko aparkalekua itxita dago bihar gauera arte. Azkenik, Chile kaleko taxi geltokia lekuz aldatuko dute (7. zenbakian izango da).
Konferentziak jarraipena emango dio 2022ko irailean NBEk New Yorken duen egoitzan egindako Terrorismoaren Biktimen I. Kongresu Globalari. Gaur arratsaldean hainbat ordezkariren hitzaldiak daude aurreikusita, besteak beste, Vladimir Ivanovich Voronkov Nazio Batuen Terrorismoaren Aurkako Bulegoko idazkari nagusiaren ondokoarena, Imanol Pradales lehendakariarena, Grande-Marlaska eta Jose Manuel Albares Espainiako Barne eta Atzerri gaietako ministroena eta Felipe VI.a erregearena.
Bi egunez, 50 bat herrialdetako ordezkari politiko eta diplomatikok, terrorismoaren biktimek, biktimen elkarteek eta adituek hartuko dute parte.
"Hezkuntza prebentziorako, bakea eraikitzeko eta terrorismoaren biktimak ahalduntzeko tresna gisa" lelopean, helburua da "mundu osoko terrorismoaren biktima guztiei elkartasuna adieraztea da, erlijioa, nazionalitatea edo etnia edozein direla ere".
NBEren arabera, New Yorkeko kongresua egin zenetik nazioarteko agendan egin diren aurrerapenen errepasoa egingo da.
Nazioarteko batzarrari amaiera emateko, biktimei omenaldia egingo zaie ekintza terroristen ondorioz hil diren pertsona guztiak omendu nahian.
Zure interesekoa izan daiteke
Eskuinaren garaia amaitzen ari dela eta Bartzelonan aro berria hasi dela aldarrikatu du Sanchezek
Espainiako presidenteak eta Lula da Silva Brasilgo presidenteak New Yorkeko alkatearen eta Tim Walz gobernadorearen babesarekin itxi dute 'Global Progressive Mobilisation' topaketa.
Trebiñu Arabaren parte izan dadila aldarrikatu dute Argantzunen, Trebiñu Egunaren ospakizunean
EAJren presidente Aitor Estebanek ziurtatu du bere esku dagoen guztia egiten jarraituko duela Trebiñuko herritarrei "ahotsa emateko", eta Araban sartzeko duten "nahia" bete dadin.
Korrikak dirulaguntzak jasotzeko baldintzak betetzen ote dituen aztertuko du Gasteizko Udalak
Euskararen aldeko lasterketan ETAko presoen argazkiak erakutsi zirela eta, finantzazio publikoa etetea eskatu du gaur, mozio bidez, Alderdi Popularrak. Mozioa atzera bota du Udalbatzak, baina Maria Nanclares zinegotzi sozialistak iragarri du kasua aztertuko dutela, udal ordenantzaren araberakoa ote den jakiteko.
Sanchezek eta Lulak, "gerrari ezetz" esanez, olatu erreakzionarioari aurre egitea eskatu dute
Pedro Sanchez Espainiako presidenteak eta Luiz Inacio Lula da Silva Brasilgo presidenteak argi utzi dute bat datozela egungo une geopolitikoaren aurrean, "gerrari ezetz" esanez. Sanchezek adierazi du bi herrialdeen arteko harremana aldebikoa baino askoz haratago doala, eta azpimarratu du munduaren ikuspegi bera dutela.
Pradalesek ukatu egin du Euskadik "etengabeko tentsio-giroa" bizi duela, eta "moderazioa" eskatu dio PPri
Imanol Pradales lehendakariak ukatu egin du Euskadik "etengabeko tentsio-giroa" bizi duela, Javier de Andres Euskadiko PPko presidenteak horrela ziurtatu ondoren. Lehendakariak "introspekzioa, moderazioa eta neurria" izatea gomendatu dizkio Javier de Andresi. PPk "erradikaltasuna, mehatxuak eta larderia bultzatzea" egotzi dio EAJri.
Pradalesek "herri akordioak" ez babestea leporatu dio EH Bilduri, eta "bustitzeko" eskatu dio
Imanol Pradales lehendakariak EH Bilduri aurpegiratu dio legegintzaldiaren bi urte hauetan "herri mailako" akordio handi bakar bat ere babestu ez izana, eta "bustitzeko" eskatu dio. Otxandianok, bestalde, ohartarazi du Eusko Jaurlaritzan bazkide diren bi alderdien arteko "desadostasunak", euskara bezalako gaietan, "oztopo" direla aurrera egiteko.
Etxebizitza finkatu da euskal gizartearen arazo nagusi gisa: burbuilaren garaiko mailara iritsi da kezka
Eusko Jaurlaritzaren azken Soziometroak agerian utzi du gora egin duela prekaritatearekiko eta arazo ekonomikoekiko kezka. Delinkuentziaren inguruko kezka, berriz, apaldu egin da.
Armengolek Koldoren bitartez hitz egiten zuen Abalosekin, eta haur-maskarei buruz galdetu zion: "Konponduko dizut"
Ikertzaileen arabera, Koldo bitartekari gisa ari zen Abalosekiko hurbiltasunari esker, Balearretako Gobernuaren eta ikertutako gaizkile-sarearekin lotutako interesen arteko komunikazioa erraztuz. Besteak beste, PCR testekin, haur-maskarekin edo pandemian egindako inbertsioekin lotuta zeuden kudeaketa horiek.
PPk eta Voxek akordioa lortu dute Guardiola Extremadurako presidente izendatzeko
Asmoa da inbestidura saioa datorren asteartean, hilaren 21ean, eta asteazkenean, hilaren 22an, egitea, eta Maria Guardiola Extremadurako presidente izendatzea berriro apirilaren 24an. Akordioak 61 puntu eta 74 neurri ditu, eta bi aldeek jarrerak hurbildu dituzte, "egon daitezkeen ezberdintasun ideologikoetatik harago".
Aenak ziurtatu du aireportuen kudeaketa partekatua bateraezina dela indarrean dagoen lege-esparruarekin
Aenako presidente eta kontseilari delegatu Maurici Lucenak Akziodunen Batzarrean defendatu duenez, interes orokorreko Espainiako aireportuak 18/2014 Legean jasotako araubide juridiko espezifiko baten mende daude. Lege hori Konstituzioak babesten du; Estatuak azpiegitura horien gainean duen eskumen esklusiboa deklaratzen du, eta jabetza pribatua eta enpresa-askatasuna babesten ditu. Hala ere, positibotzat jo du autonomia-erkidegoekiko lankidetza eta koordinazioa, betiere Konstituzioaren mugak errespetatzen badira eta Aenaren kudeaketa-autonomia eta sare-egitura aldatzen ez badira.