PPk kereila aurkeztuko du Auzitegi Nazionalean PSOEren kontra, ustelkeriagatik
PPk kereila aurkeztuko du astelehenean Auzitegi Nazionalean PSOEren aurka, Koldo auziarekin lotutako legez kanpoko finantzaketa, eroskeria eta influentzia-trafikoa leporatuta.
Cuca Gamarra PPko idazkari nagusia eman du erabaki horren berri, "Sanchez sarea" deitu duen horretan ezagutzen ari diren gertaeren "larritasuna" ikusita, alderdiko zuzendaritza batzordea premiaz bildu eta gero.
Gamarrak azaldu duenez, "ustelkeriaren zortzi autobide" daude Koldo auziarekin lotuta, Delcy Rodriguezek Espainiara egindako bidaia, "hidrokarburoen BEZaren ustelkeria sozialista" eta Pedro Sanchez Espainiako Gobernuko presidentearen emaztearen eta anaiaren kontra irekitako auzia, eta "guztiek lotura bat dute: presidentea bera".
"Ustelkeriaren zortzi autobide horiek jatorri argia dute. Beraz, sare honen buru Pedro Sanchez da Gobernuari, bere alderdiari eta bere inguru hurbilenari eragiten dieten ustelkeriaren autobide guztien zero kilometroa. Ez dago suebaki posiblerik; izan ere, ezagutzen ari garen ustelkeria eskandalu guztien puntu guztiak batzen baditugu, Pedro Sanchezen aurpegia ateratzen da", esan du Gamarrak Sanchezi buruz, eta haren dimisioa eskatu du.
PSOEren erantzuna, PPk iragarritako kereilaren aurrean: "Feijook ez dauka aginpiderik azalpenak eskatzeko"
PPk PSOEren aurka iragarritako kereilaren aurrean, berehala erantzun du Esther Peña PSOEren Batzorde Exekutibo Federaleko bozeramaileak. "Feijook ez dauka aginpide moralik herrialde honetan inori azalpenak eskatzeko. Europan anomalia bat da narkotrafikatzaile bat lagun duen norbait gobernuburu izateko aurkeztu izana", esan du ohar batean.
PSOEren bozeramaileak gogora ekarri duenez, Koldo Garcia atxilotu eta bost egunera Jose Luis Abalos Espainiako Garraio ministro sozialista alderditik kanporatzeko prozesua abiatu zuen.
Peñaren arabera, "PPk ustelkeriaren aurka PSOEk hartutakoak bezalako neurriak hartzen dituenean eman ahalko ditu lezioak". Horren harian nabarmendu duenez, "PPk 30 auzi ditu irekita ustelkeriagatik".
Zure interesekoa izan daiteke
Frantziako Fiskaltzak bete beharrik gabeko bost urteko zigorra eskatu du Josu Urrutikoetxearentzat
Frantziako estatutik behin betiko kanporatzea ere eskatu du fiskalak. Defentsak, berriz, ez kanporatzeko deia egin du. Auzia epaiaren zain geratu da. Uztailaren 2an emango dute jakitera.
Sanchezek eskatu du EB-Israel akordioa bertan behera uzteko, eta Netanyahuk Espainia kanporatu du Gazarako koordinazio zentrotik
Espainiako Gobernuko presidenteak ohartarazi du Israel nazioarteko zuzenbidea "nabarmen" urratzen ari dela Palestinan eta Libanon. Israelgo lehen ministroak, bestalde, Israelgo Armadako soldaduak difamatzea leporatu dio Espainiari.
Fiskaltzak ETAko buruzagi ohi Marisol Iparragirreri emandako erdi-askatasuneko erregimenaren aurka egin du
Fiskaltzak Espetxe Araudiaren 100.2 artikuluaren aplikazioa berrikusteko eskatu du; txostenak, baina, ez du Eusko Jaurlaritzaren erabakia eten.
Chivitek asteazkenean sinatuko du Hithiumen inbertsioa Nafarroan gauzatzeko akordioa, Pekinen
Horren helburua 400 milioi euroko inbertsioa eta 1.000 lanposturaino beharko dituen bateria enpresa ezartzeko urratsak aurreratzea da.
Fiskaltzak helegitea jarri du Konstituzionalean, Garcia Ortiz fiskal nagusi ohiaren aurkako epaiaren kontra
Ministerio Publikoaren arabera, Garcia Ortizen errugabetasun printzipioa urratu da prozesuan zehar eta ez dago froga nahikorik Alberto Gonzalez Amadorren abokatuak bidalitako mezu elektronikoa Fiskaltzak bidali zuela esateko.
Aitor Estebanek euskal selekzioen ofizialtasuna aldarrikatu du, “nazioarte mailan ikusgarritasuna izateko”
EAJren EBBko presidentea Mendozan izan da, Munduko Pilota Txapelketa antolatu duen hirian. Pilotako euskal selekzioaren ofizialtasuna lortu izanak duen “garrantzia” nabarmendu du bertan.
Euskal Hirigune Elkargoak larunbatean hautatuko du lehendakaria, eta gutxienez lau hautagai izango dira
09:00etan bilera hasi arteko epea duten arren, lau dira, momentuz, Elkargoa gidatzeko nahia adierazi dutenak: Jean Rene Etchegaray, Baionako auzapeza eta Elkargoko lehendakaria orain arteko bi agintaldietan; Alain Iriart, Hiriburuko ezker abertzaleko auzapeza; Peio Etxeleku, Kanboko auzapez jeltzalea, eta Pascal Lesellier, Baionako eskuin muturreko hautetsia.
Rufianek eta Monterok ezkerra batzea eskatu dute, Voxi aurre egiteko: "Bestela, banan-banan hilko gaituzte"
Gabriel Rufian ERCk Kongresuan duen bozeramaileak eta Irene Montero Podemoseko bigarrenak PSOEren ezkerretara dauden alderdien batasuna aldarrikatu dute, eta biek defendatu dute ezkerreko balizko fronte horien gidaritza euren alderdiek hartzea Estatuan eta Katalunian. "Betela, banan-banan hilko gaituzte", esan dute, Bartzelonan egin duten ekitaldia.
Carmen Panok Aldamaren aginduz Ferrazen 90.000 euro entregatu zituela berretsi du Gorenean
Enpresariak esan du 45.000 euroko bi ordainketa eraman zituela PSOEren egoitzara, eta Abalosek hidrokarburoen lizentzian egindako kudeaketengatik “etxe bat" nahi zuela adierazi du.
Otxandianok "haren kapital politikoa jartzeko" eskatu dio Pradalesi, "estatus politiko berriaren eztabaida erdigunean kokatzeko"
EH Bilduren Legebiltzarreko bozeramaileak gehiengo kualifikatuak eta giro politiko "nahiko aldekoa" direla aprobetxatzearen alde egin du, "herri akordioak, akordio nazionalak eta estatu ikuspegia duten itunak lortzeko" EAEn, bere ustez, eta egungo testuinguru historikoan, hori baita "herri honen interesak babesteko alternatiba zentzuzko bakarra".