PPk kereila aurkeztu du PSOEren aurka, 'Koldo auzia'rekin lotutako ustelkeria leporatuta
PPk kereila aurkeztu du Auzitegi Nazionalean PSOEren aurka, 'Koldo auzia'rekin lotutako legez kanpoko finantzaketa, eroskeria eta influentzia-trafikoa leporatuta, Borja Semper PPren bozeramaileak gaur goizean iragarri duenez.
Auzitegi Nazionalean PSOEren finantziazioa ikertzeko aparteko pieza bat irekitzea eskatu du Alderdi Popularrak, 'Koldo auzia'ri lotuta irekita dagoen ikerketaz gain. The Objective hedabide digitalak zabaldutako informazioaren arabera, enpresari batek onartu du diruz betetako poltsak eraman izan dituela PSOEren Ferrazeko egoitzara, mesede politikoen truke.
Informazio horien "larritasuna" dela eta, PPren ustez, "zentzuzkoa" da Alderdi Sozialistaren ustezko legez kanpoko finantzaketa Auzitegi Nazionalak ikertzea.
Gainera, PPk iragarri duen oldarraldi judizial eta politikoaren baitan, asteazkenerako Diputatuen Kongresuan deituta dagoen kontrol saioa ustelkeriari buruzko osoko bilkura monografiko bihurtzea eskatuko du Alderdi Popularrak Bozeramaileen Batzordean.
Gai-zerrenda aldatzea aho batez erabaki behar du, ordea, Bozeramaileen Batzordeak. Hori dela eta, aldaketa babesteko eskatu die Alderdi Popularrak Bozeramaileen Batzordean ordezkaritza duten alderdiei, eta, oro har, Kongresuan ordezkaritza duten talde politiko guztiei.
Bestalde, gaur-gaurkoz, Alderdi Popularrak ez du Pedro Sanchezen aurkako zentsura mozioa aurkezteko asmorik, ez baitu horretarako babes nahikorik.
Azkenik, PPk ez du oraingoz argitu noiz eramango duen Pedro Sanchez Senatuan ireki den ikerketa batzordera.
Zure interesekoa izan daiteke
Esteban, Anduezaren kritikei buruz: "Hauteskundeak hurbil daude, PSEk indartsu ikusten gaitu eta arrazoi dute"
Euskadi Irratian eskainitako elkarrizketan Aitor Esteban EAJren EBBko presidenteak adierazi duenez, 2027ko hauteskundeen "aurrekanpaina giroa aurreratu da, eta PSE horretan buru-belarri ari da".
Albiste izango dira: kontrolerako saioa Kongresuan, Chiviteren azalpenak Belateri buruz eta Zinemaldiko lehen izarrak iristear
Gaurkoan Orain-en albiste izango direnen laburpena, bi hitzetan.
Madrilgo Ramon y Cajal Ospitalean itxaron-zerrendak manipulatu dituztela salatu dute
'El País' egunkariak argitaratu duenez, ebakuntzen itxaron-zerrendan zeuden herritarren lehentasuna aldatzea agindu zuten ospitaleko bi arduradunek, zirujaurekin hitz egin gabe.
Puigdemonten amnistia eskariari ezezkoa eman dio berriz Llarena epaileak, eta Konstituzionalaren erabakiaren zain geratu da
Goreneko epailearen ustez, Europar Batasuneko Justizia Auzitegi Nagusiak eman zuen epaiak ez du aldatzen politikari katalana Amnistia Legetik kanpo uzteko Llarenak berak finkatutako lehenengo arrazoiaren oinarria.
Egian migratzaile bati egindako erasoa gaitzetsi du Insaustik eta "motibazio arrazista" dagoen ikertzen ari direla esan du
Jon Insausti Donostiako alkateak gaur azpimarratu duenez, larria da pasa den astean Egia auzoan migratzaile bati egin zioten erasoa, eta gorrotoak hirian lekurik ez duela berretsi du. Biktima gizarte zerbitzuen sistemaren baitan zegoen, eta gaueko zerbitzuen eta "Otorduak" programaren erabiltzailea da.
Aburtok akordioak defendatu ditu eta "politika onaren alde" egin du
Juan Mari Aburto Bilboko alkateak elkarrizketan, akordioetan, zerbitzu publikoan eta bizikidetzan oinarritutako politika aldarrikatu du, Udalaren Egoerari buruzko azken osoko bilkuran.
Ubarretxenak azpimarratu du ez dela aldebiko batzordea elkartuko akordio garrantzitsurik lortu ezean
Maria Ubarretxena Eusko Jaurlaritzako bozeramaileak gobernu bileraren osteko prentsaurrekoan nabarmendu duenez, Jaurlaritzak "ez du amore emango", baina akordioak lortu ahal izateko "beste aldeak borondate politikoa erakutsi behar du".
Chivitek hauteskunde kutsua ikusi dio Geroa Bairi, Belateko lanen bileratik "sartu baino kezkatuago" atera zela esan ostean
Ezustean eta harriduraz hartu ditu Nafarroako presidenteak Geroa Baik atzoko bileraren ostean egindako adierazpenak. Izan ere, Gobernuko bazkideek Belateko tunelen egoera aztertzeko bart egindako bileraren ostean, Pablo Azcona bozeramaileak "sartu baino kezkatuago" atera zela esan zuen. Azpiegituraren etorkizunari buruz esan du "oraindik ez dagoela ezer itxita".
Anduezak "seriotasuna" eta "diskrezioa" eskatu ditu Estatutu berriaren negoziazioan, "pazientziak muga bat duelako"
Eneko Andueza PSE-EEko idazkari nagusiak pazientzia galtzeko arriskua dagoela ohartarazi die EAJ eta EH Bilduri. Ildo horretan, lehia eta ika-mikak alde batera uzteko eskatu die biei.
Aburtok Bilbon egindako ibilbidea aldarrikatu du, eta akordioetan oinarritutako politika defendatu: "Denak ez du balio"
Alkateak hiru agintaldien balantzea egin du, eta elkarrizketan, elkarbizitzan eta herritarren zerbitzura jardutean oinarritutako politika aldarrikatu du. "Pertsona ona izan nintzela gogoan izatea gustatuko litzaidake», esan du.