ETAko 52 presori eragingo die zigorrak kommutatzeko legearen erreformak, Sare plataformaren arabera
Presoei Europan betetako zigorrak kommutatzeko aukera ematen dien lege erreforma (7/2014 Lege Organikoa) Espainiako Diputatuen Kongresuak onartuta, ETAko 52 presok izango dute arau berriaz baliatzeko aukera, eta horietatik, zazpik berehala espetxetik irten beharko lukete, batzuek zegozkiena baino urte gehiago eginda kartzelan.
Sare presoen eskubideen aldeko herri plataformak eman ditu datuok gaur, lege erreformaren gaineko bere iritzia emateko Gasteizen egin duen agerraldian. Plataformak auzitegiei eskatu die erreforma atzerapenik eta oztoporik gabe aplikatzeko. "Aldaketaren onarpenarekin, normaltasunera itzuliko garela, edo zehatzago esanda, normaltasun juridiko batean kokatuko garela" uste du Sarek, eta, berandu bada ere, salbuespenezko lege bati amaiera emango zaiola.
Halaber, plataformak erabat gezurtatu du espetxe zigorrak murriztea ahalbidetuko duela arauak. "Erabateko gezurra da zigorrak murriztea dakarrenik. Bukaera ematen zaio zigorrak bi aldiz betetzeari", zehaztu du Bego Atxa Sareko eledunak.
Legea 2014an Europako zuzentaraura ez egokitzeak hainbat presori eragindako "kaltearen kontaketa zehatza egitea zaila" dela ere esan du. "Legearen idazketa egoki batekin pertsona asko momentu hartan bertan atera ahal izango ziren; edo preso egon diren denbora benetan izan dena baino nabarmen murritzagoa izan ahal zen. Zehatz mehatz, 15 dira gaur egun aske egonik ere, askatasuna lehenago berreskuratu behar zuten pertsonak. Ez dago formula juridikorik askatasun galera hori erreparatzeko", erantsi du. Garaia da, Sareren hitzetan, "ETAren euskarria edozein gauzatarako erabiltzeari uzteko".
Aurrera begira, oraindik indarrean diren "salbuespenezko legeak" indargabetzeko lanean jarraituko duela erantsi du Atxak, eta zentzu horretan, 7/2003 Lege Organikoa aipatu du, besteak beste, 40 urteko espetxealdia ahalbidetzen duelako. "Lege horren egokitzapena edo indargabetzea izango da gure helburu nagusietako bat".
Albiste gehiago politika
Eneko Andueza konbentzituta dago 'Koldo auziak' ez duela PSE-EEn eraginik izango
PSOE eta Nafarroak Alderdi Sozialista astintzen ari den ustezko ustelkeria kasuaren aurrean, Eneko Andueza PSE-EEko idazkari nagusia konbentzituta dago ez duela eraginik izango Euskadiko Alderdi Sozialistan. Halaber, sozialistak kritikatzen ari direnei zuhur jokatzeko gomendioa egin die. Izan ere, horren esanetan, orain fokoa sozialisten gainean badago ere, litekeena da auzia beste alderdi batzuengana ere zabaltzea.
Semper: "EAJ jabetzen hasi da PSOEk halako batean botata utzi egingo duela"
PPren bozeramailearen arabera, "Euskadin etorkizunerako aukera aritmetikoa PSE Bildurekin joatea da, EAJ albo batera utzita".
Lehendakariak baztertu egin du 'Cerdan auzia'k EAJ/PSE-EE gobernuari kalte egingo dionik: "Egonkortasuna zaintzea garrantzitsua da"
"Zorionez, Euskadin bestelako giro politikoa dugu. Ez gaude madrildarren lokaztian", adierazi du lehendakariak 'Cerdan auzia'k Euskadin izan ditzakeen ondorioez galdetuta.
"Sanchezek irmoago, gardenago eta azkarrago jardun behar du"
Lehendakariaren ustez, Espainiako Gobernua "beste fase batean sartu da", azken egunetan ezagutu diren ustezko ustelkeria kasuen ostean. "Egoera oso larria da, eta zapaldu ezin daitekeen ildo etiko bat dago jokoan", gaineratu du Pradalesek.
Imanol Pradales: 'Akordio batzuk zabalagoak izatea gustatuko litzaidake'
Lehendakari izan den lehen urtean zer ez den ondo egin galdetu diotenean, Imanol Pradalesek esan du gustatuko litzaiokeela "akordio batzuk zabalagoak izatea, batez ere aurrekontuen arloan". Gainera, lehendakariak kritikatu du zenbait unetan gobernukideek desadostasun puntuak jendaurrera eramatea. "Aldez aurretik sukaldeko lana eginda saihestu genitzakeen", gaineratu du.
Alzorrizek dimisioa eman du PSNko idazkariorde nagusi gisa, bere bikotekideak Servinabarren lan egin zuela onartu ondoren
Alzorrizek ere dimisioa eman du Nafarroako Parlamentuko PSNren bozeramaile gisa, baina parlamentari bezala jarraituko du. Prentsaurrekoan jakinarazi duenez, bere bikotekideak Belateko tuneletako eraikuntzan parte hartu zuen Servinabar enpresan lan egin du. UCOk adierazi du Cerdan enpresa horren % 45en jabe zela.
Berdintasun ministroak prostituzioa debekatzeko lege proposamena eramango du irailean Ministroen Kontseilura
Ana Redondo ministroaren esanetan, "Espainiako gizartea eraldatuko duen legea izango da", eta "prostituzioa eta matxismoa desagerrarazteko bide horretan" lagunduko du.
EAJk eta EH Bilduk ustelkeriaren aurka irmotasun handiagoz jardutea eta itunak betetzea eskatu diote Sanchezi
Bi euskal alderdiak Espainiako Gobernuko presidentearekin bildu dira asteazken honetan, Moncloan, 'Cerdan auzia'k irekitako krisiaren harira. Biek ala biek erregenerazio demokratikoa eta erantzukizuna eskatu diote Sanchezi, baina ñabardura ezberdinak izan dituzte, tonuari eta eskakizunei dagokienez.
Chivitek dio ez duela Cerdanen eta Servinabarren loturaren berririk eta PSNren kontuen auditoria iragarri du
Horrez gainera, “politikari eta pertsona gisa traizionatua” sentitzen dela esan du Nafarroako Gobernuko presidenteak.