Entzute-prozesua zintzoa izango den ala Guggenheim berria "ezinbestean" egingo ote den galdetu du EH Bilduk
Busturialdean egin asmo duten Guggenheim proiektuak zeresana ematen jarraitzen du, eta gaur EH Bilduk EAJri eta PSE-EEri galdetu die Guggenheim Urdaibai proiektua egiteko Busturialdean abiatuko den entzute-prozesua zintzoa den, edo aurretiaz erabakia hartuta dagoen.
Eusko Legebiltzarreko gaurko osoko bilkuran, Guggenheim Urdaibai proiektuaren inguruan argitasuna eskatu du EH Bilduk eta horri buruzko mozioa aurkeztu du. Hala ere, ez da aurrera atera, ezta PPk eta Sumarrek aurkeztutako osoko zuzenketak ere.
EH Bilduren izenean hitz egin duen Oihane Etxebarrieta legebiltzarkidearen arabera, entzute-prozesua egin egin behar da eta ezin da aurretiaz ezer erabaki. "Herritarrek esandakoak balioko ote du, ala ezinbestean egingo da?", galdetu du.
Etxebarrietaren esanetan, "hutsetik" hasi behar da eta herritarrek proiektuari buruzko informazioa eta gardentasuna izan behar dute. Halaber, EH Bilduk zalantzan jarri du Guggenheim Urdaibai proiektuaren atzean ingurumenari eta kulturari lotutako proposamena dagoenik. Ildo horretan, EAJ eta PSE-EE proiektuaren gardentasunaren inguruan ez datozela bat uste du EH Bilduk.
Irune Zuloaga EAJren legebiltzarkideak Busturialdean Guggenheim Urdaibai egitea "ideia ona" dela azpimarratu du, baina aldi berean kezkak eta kontrako jarrerak eragin dituela onartu du. Erakunde arteko lantalde bat "entzute eta elkarrizketa" prozesu bat diseinatzen ari dela eta "asko luzatu gabe" martxan jarriko dela adierazi du.
PSE-EEko Estibaliz Cantok argi utzi du Busturialdean egingo den proiektu orok ingurumena errespetatu beharko duela, eta gaineratu du bere alderdiak ez duela arreta jarriko "asko irakurri den baina oso gutxi zehaztu den proiektu batean", eta sozialistek ez dutela "apriorikeria" politikoetan sinesten.
Behin eztabaida amaitutakoan, Eusko Legebiltzarrak atzera bota du EH Bilduk aurkeztutako mozioa. Horren ordez, EAJk eta PSE-EEk mahai gainean jarritakoa aurrera atera da, proiektuaren bideragarritasunaren inguruan entzute prozesu bat abiatzea defendatzen duena.
Zure interesekoa izan daiteke
Lehendakaria agintaldiko politika orokorreko bigarren eztabaida prestatzen ibili da alderdikideekin
Bere agintaldiko politika orokorreko bigarren eztabaidari helduko dio bihar, osteguna, Imanol Pradalesek. Bertan, ekonomian jarriko du arreta, nazioarteko testuinguru korapilatsuaren eta inflazioaren igoeraren aurrean. Herritarrak kezkatzen dituzten beste arazo batzuk ere hartuko dituzte hizpide; hala nola etxebizitza, osasuna, hezkuntza, segurtasuna eta immigrazioa.
Espainiako Estatuaren egoera politikoa aztertu dute EH Bilduk eta ERCk Bilbon, aldebiko bilera batean
EH Bilduren ordezkaritzaren buru Arnaldo Otegi idazkari nagusia izan da, eta ERCrena, Oriol Junqueras presidentea. Koalizio abertzalea beste herrialdeetako alderdi subiranistekin eta Espainiako Estatuko ezker konfederalarekin egiten ari den aldebiko bilera-sortaren barruan kokatzen da gaurko hitzordua.
Melgosak migrazio-eskumenak eskatu ditu, kudeaketak bertan egiteko ahalmena izateko
Nerea Melgosa Ongizate, Gazteria eta Erronka Demografikoko sailburuak egiturazko plan bat eskatu dio Espainiako Gobernuari, "inprobisatzeari" utz diezaion. Era berean, gogorarazi du Euskadi solidarioa dela, baina migrazio-eskumenak transferitzea beharrezkoa dela.
Esteban, Anduezaren kritikei buruz: "Hauteskundeak hurbil daude, PSEk indartsu ikusten gaitu eta arrazoi dute"
Euskadi Irratian egindako elkarrizketan Aitor Esteban EAJren EBBko presidenteak adierazi du 2027ko hauteskundeen "aurrekanpaina giroa" aurreratu egin dela, eta "PSE horretan buru-belarri" ari dela.
Albiste izango dira: kontrolerako saioa Kongresuan, Chiviteren azalpenak Belateri buruz eta Zinemaldiko izarrak iristear
Gaurkoan Orain-en albiste izango direnen laburpena, bi hitzetan.
Madrilgo Ramon y Cajal Ospitalean itxaron-zerrendak manipulatu dituztela salatu dute
'El País' egunkariak argitaratu duenez, ebakuntzen itxaron-zerrendan zeuden herritarren lehentasuna aldatzea agindu zuten ospitaleko bi arduradunek, zirujaurekin hitz egin gabe.
Puigdemonten amnistia eskariari ezezkoa eman dio berriz Llarena epaileak, eta Konstituzionalaren erabakiaren zain geratu da
Goreneko epailearen ustez, Europar Batasuneko Justizia Auzitegi Nagusiak eman zuen epaiak ez du aldatzen politikari katalana Amnistia Legetik kanpo uzteko Llarenak berak finkatutako lehenengo arrazoiaren oinarria.
Egian migratzaile bati egindako erasoa gaitzetsi du Insaustik eta "motibazio arrazista" dagoen ikertzen ari direla esan du
Jon Insausti Donostiako alkateak gaur azpimarratu duenez, larria da pasa den astean Egia auzoan migratzaile bati egin zioten erasoa, eta gorrotoak hirian lekurik ez duela berretsi du. Biktima gizarte zerbitzuen sistemaren baitan zegoen, eta gaueko zerbitzuen eta "Otorduak" programaren erabiltzailea da.
Aburtok akordioak defendatu ditu eta "politika onaren alde" egin du
Juan Mari Aburto Bilboko alkateak elkarrizketan, akordioetan, zerbitzu publikoan eta bizikidetzan oinarritutako politika aldarrikatu du, Udalaren Egoerari buruzko azken osoko bilkuran.
Ubarretxenak azpimarratu du ez dela aldebiko batzordea elkartuko akordio garrantzitsurik lortu ezean
Maria Ubarretxena Eusko Jaurlaritzako bozeramaileak gobernu bileraren osteko prentsaurrekoan nabarmendu duenez, Jaurlaritzak "ez du amore emango", baina akordioak lortu ahal izateko "beste aldeak borondate politikoa erakutsi behar du".