Pradalesek memoria "autokritikoa" aldarrikatu du, "infernua" errepika ez dadin
Imanol Pradales lehendakariak "errebantxarik gabeko memoria kritiko eta autokritikoa" aldeko aldarria egin du gaur, igandea, Memoriaren Egunean. Kontakizun "autojustifikatzaile eta autokonplazentziazkoak" alde batera uzten dituen memoria aldarrikatu du lehendakariak, "diskriminaziorik gabea" eta "infernu hura" ez errepikatzea oinarri izango duena.
Hala adierazi du gaur Pradalesek, Gogora Institutuak Memoriaren Egunean antolatutako ekitaldian, Bilbon.
Pradalesek euskal herritarrek bizitako sufrimendua gogorarazi nahi izan du gaur, eta gaineratu du guztiok dugula "jazarpena, tortura, mehatxuak eta indarkeria" jasan zituen gertukoren bat.
Lehendakariak adierazi duenez, euskal gizartearen gehiengoak jarrera "zintzoa" izan du indarkeriaren aurka, eta azpimarratu du gaurkoa gertatutakoa "gogoratzeko, transmititzeko eta helarazteko eguna" dela, "infernu hura" errepika ez dadin.
Memoria Eguneko ekitaldiak, Eusko Legebiltzarrean
Eusko Legebiltzarrak ere zenbait ekitaldi egin ditu Memoria Egunean, Bakartxo Tejeria Legebiltzarreko presidentea eta Imanol Pradales lehendakaria bertan zirela. Alderdi guztietako sailburu eta legebiltzarkideek hartu dute parte ekitaldietan, PPkoek eta Voxekoek izan ezik, eta minutu bateko isilunea eta lore-eskaintza egin dituzte biktimen oroimenez.
Aurreko urteetan bezala, biktimak omentzen dituen "Gauerdiko Iparrorratza" eskulturaren aurrean egin dute ekitaldia.
Legebiltzarreko alderdi guztiek izan dute ordezkaritza ekitaldian, PPk eta Voxek izan ezik; izan ere, indarkeria politikoaren eta Espainiako Estatuak egindako abusuen biktimak ukatzen dituzte. PPk Gasteizko Udalak eta Biktimen Oroimenezko Zentroak antolatutako ekitaldian hartu zuen parte atzo, eta Voxek, berriz, Memoria Egun propioa ospatuko du gaur, Bilbon.
ETAko kideen senideek elkarretaratzea egin dute Legebiltzarraren aurrean, Euskaditik kanpoko espetxeetara senideak bisitatzera joanda hildako 16 pertsonak ere biktima gisa oroituak izan daitezen eskatzeko.
Memoriaren Eguna gaurko egunez egiteko erabakia hartu zuen Eusko Jaurlaritzak, azaroaren 10a baita ETAk inor hil ez zuen urteko egun bakarra.
Bilbon terrorismoaren biktima guztiak omendu dituzte
Bilboko Udalak terrorismoaren biktima guztiak eta "biolentzia politikoaren biktimak" omendu ditu gaur, Juan Mari Aburto alkatea buru zuen ekitaldian.
Casilda Iturrizar parkean izan da ekitaldia, biktimen omenezko monolitoaren aurrean. Lore-eskaintza egin dute biktima guztiak oroitzeko, Udal Txistulari Taldearen doinu artean.
Zure interesekoa izan daiteke
Epaileak ukatu egin dio Begoña Gomezi NATOren goi-bilerara joatea, baina Londresera bidaiatzeko baimena eman dio
Gomezen defentsak uztailaren 7tik 10era Espainiatik irtetea eskatu zuen, NATOk Turkian egitekoa duen goi-bilerara joateko eta, ondoren, Londresera, alabaren graduaziora.
Hamasek Gazako gobernua utzi du eta Palestinako batzorde teknokrata bati eman dio boterea
Hamas desegin ondoren, organo horrek eskualdea kudeatu beharko du, su-etenean jasotako jarraibideei jarraituz.
Lehendakari bat aurrenekoz txupinazoan: "Beste herritar bat bezala, kalean ibiltzea da nire helburua"
Lehen aldia da jardunean dagoen lehendakari bat San Fermineko txupinazoan udaletxean dagoela gonbidatu gisa eta ETBko saio berezian izan da. "Jendeak gozatzea, bakean eta errespetuz", hori espero du Imanol Pradalesek.
Juanma Morenok Andaluziako presidente kargua hartu du hirugarrenez
Juanma Moreno Andaluziako Alderdi Popularreko buruak hirugarrenez hartu du Juntako presidente kargua. San Telmo Jauregian egin da ekitaldia eta bertan izan da Manuel Gavira presidenteordea, Voxen Andaluziako burua. Karguaren zina egin ostean Andaluziako presidentea "harro" agertu da. Aipamena egin die Andaluzian jaio zirenei eta baita "gaur egun kanpotik etorri eta berea den lurrarekin konpromisoa hartu dutenei" ere. Voxekin koalizioan abiatu duen legealdia "emankorra" eta "luzea" izatea espero duela gaineratu du.
Matutek, Sanchezen gobernuaren "egoera delikatuari" buruz: "Gobernatzea ez da eustea"
EH Bilduk Kongresuan duen diputatu eta bozeramaile ondokoak uste du gobernu bat zuzentzeari "helburu bat" eman behar zaiola, eta kasu honetan "eskubide sozial, demokratiko eta nazio anitzen agendan aurrera egitea" dela.
Ehunka lagun kalera atera dira Iruñean preso eta iheslaririk gabeko jaiak aldarrikatzeko
Sare taldeak adierazi duenez, presoak eta iheslariak Euskal Herrira itzultzeko prozesua "eskailerako azken mailan" dago, eta hori gainditzeko ohiko espetxe-legedia aplikatzeko eta mobilizazio sozialarekin jarraitzeko deia egin du, sanferminen hasierarekin bat eginez.
Transferentzien akordioa ez betetzea "errespetu falta onartezina" dela ohartarazi dio lehendakariak Sanchezi
"Beti 'ezetz' esaten duen eta proposamenik egiten ez duen horma baten aurka egin dugu talka", azaldu du Imanol Pradalesek, Jaurlaritzak asteon zenbait Ministeriorekin egindako bilerei buruz. Horregatik, aldeen arteko konfiantza "gero eta txikiagoa" dela ohartarazi dio Espainiako Gobernuko presidenteari.
EAJk berretsi egin du Bilboko Alkatetzarako Mikel Hidalgoren hautagaitza
Bilboko 33 urteko politikaria hautagai bakarra izan zen, eta aho batez babestu dute EAJren 13 udal batzarrek.
Albiste izango dira: Imanol Pradales lehendakaria Madrilen, beroa bueltan eta irteera operazioa
Gaurkoan Orain-en albiste izango direnen laburpena, bi hitzetan.
Lonjetan etxebizitzak eraikitzeko ordenantza amaitzear du Gasteizko Udalak, prezio mugatuekin eta espekulazioa saihesteko neurriekin
Maider Etxebarria alkateak politika orokorreko osoko bilkuraren lehen eguna aprobetxatu du, besteak beste, Udal gobernuaren hiru urteen balantzea egiteko, besteak beste, etxebizitza arloan. Osoko bilkurak oposizioaren erreplikekin jarraituko du ostiralean, baina hiru alderdiek, EH Bilduk, PPk eta Podemosek, dagoeneko adierazi dute euren atsekabea eta "etsipena".