Mazonen kontrako zentsura-mozioa aurkeztea proposatu du Compromisek
Carlos Mazon Valentziako presidenteak karguan jarraitzeko "zilegitasunik" ez duela iritzita, Compromis taldeak Valentziako Parlamentuan haren kontrako zentsura mozioa aurkeztuko duela iragarri du. Joan Baldovi ezkerreko alderdiaren buruak azaldu du Mazon ez dela gai izan gutxienez 219 hildako utzi dituen Goi-geruzetako Depresio Isolatuak (GOIDI) ekarri dituenak kudeatzeko. "Ez du jakin tragediaren aurrean lidergoa hartzen, eta ez du zilegitasunik berreraikitzea gidatzeko", esan du, Generalitatearen atarian, gaur eguerdian, egindako adierazpenetan.
15 diputatu ditu Compromisek Valentziako Gorteetan, eta zentsura-mozioak aurrera egiteko, 20 gehiagoren babesa beharko luke, gutxienez. Hala, PSOEri eskatu dio babesa Baldovik; 31 diputatu dituzte sozialistek.
Ezkerreko buruzagiaren arabera, "duintasunagatik" da "beharrezkoa" zentsura-mozioa aurkeztea, "azkenean, aurrera egingo ez badu ere". Erantsi du euren asmoa ez dela "Generalitatean kargu bat" izatea, Mazon karguan "minutu bakar bat gehiago ez egotea" baizik.
Diana Morant PSPVren buru eta Zientzia ministroak hizpide izan du Compromisek egindako proposamena. Adierazi du "irtenbide errealista" dela PPk Mazon kargutik kentzea, eta kaltetutako eremuak berreraikitzeko gobernu "tekniko" bat izendatzearen alde agertu da.
Ernest Urtasun Sumarren bozeramaileak Compromisen proposamena babestu du, eta uste du sozialistek bat egin beharko luketela harekin, nahiz eta agertu duten jarrera errespetatzen duen.
Jose Antonio Fuster Voxen bozeramaileak, bestalde, bere alderdiak zentsura-mozioari uko egin diola aurreratu du.
Susana Camarero Consellen presidenteorde eta bozeramaile eta Gizarte Zerbitzu, Berdintasun eta Etxebizitza kontseilariaren ustez, "harrigarria" da Compromisek aurkeztutako zentsura-mozioa, eta koalizioari "hauteskunde-taktika" izatea leporatu dio.
Zure interesekoa izan daiteke
Pradales: "Europak ez badu meneko izan nahi, bere erabakiak hartu behar ditu"
Imanol Pradales lehendakariak adierazi duenez, Europak "ez badu beste lider batzuen interesen mendeko izan nahi, bere erabakiak hartu behar ditu eta aktore globala izan behar du".
Gasteizko aurrekontuen onarpenean hauteskunde interesen arabera jokatzea egotzi diote elkarri EAJk eta EH Bilduk
Gasteizko aurrekontuen onarpena ika-mika iturri izaten ari da EAJren eta EH Bilduren artean. Batak besteari leporatzen diote hauteskunde interesak bultzatuta jokatu izana. Jone Berriozabal Arabako jeltzaleen buruaren arabera, EH Bilduk "argazki bat nahi zuen". Pello Otxandiano EH Bilduko ordezkariaren hitzetan, berriz, EAJk "hautu politikoa" egina du, koalizioarekin akordiorik ez ixteko.
Pradales lehendakariaren jardunaldi bizia Davosko Foroan
Gaur, Imanol Pradales lehendakariak, besteak beste, Bill Gates, Jens Stoltenberg, Paschal Donohoe eta Justin Trudeaurekin hitz egiteko aukera izan du. "Garrantzitsua zen Euskadi erakusleiho honetan egotea, harremanak egitea, epe luzera biltzeko orain ereitea", azpimarratu du lehendakariak.
"Pozik gaude erabakiarekin, eta orain errespetua eskatzen dugu"
Joxemari Mitxelenak, Euskadiko Pilota Federazioaren presidenteak, "federazio independente gisa" errespetatzea nahi dutela azpimarratu du, Espainiakoa, Frantziakoa, Argentinakoa edo Mexikokoa bezala. "Bakoitzak bere etxeko lanak ondo egin ditzala. Gu saiatuko gara gureak ondo egiten", gaineratu du Mitxelenak.
Nazioarteko Euskal Pilota Federazioaren arabera, Kirola Arbitratzeko Auzitegiaren erabakiak "11 hilabeteko kalumniak itxi ditu"
FIPVk ohar batean adierazi duenez, "Euskal Pilotaren mundu mailako garapen eta batasunaren alde lan egiten jarraituko dugu, erakundeekiko errespetutik eta gure erakundea arautzen duen araudi-esparrutik abiatuta".
Pradales lehendakariak Davoseko Forora egindako bisitaren gakoak
Imanol Pradales lehendakariak Euskadi herrialde egonkor eta erakargarri gisa aurkeztu du munduko ekonomia eta finantza-foro handienean. Lehendakaria Davosera joan da, lehen aldiz Munduko Ekonomia Foroan parte hartzeko. Bertan, munduko lehen mailako ordezkari ekonomiko eta politikoak izango dira.
Zupiria: "Prozesu judizialak atzeratu egiten dira, eta, bitartean, delituak egiten dituztenenek arau-hausteak egiten jarraitzen dute"
Bingen Zupiria Segurtasun sailburuaren iritziz, "Poliziak eta Justiziak azkar erantzungo balute, modu eraginkorragoan helduko liokete arazoari, eta horrek eragiten duen segurtasun-gabezia sentsazioari". "Horregatik da garrantzitsua Espainiako Gobernuak aintzat hartzea Eusko Jaurlaritzak eta eremu judizialak planteatzen dituzten eskaerak, kasu horiei aurre egin behar dieten epaileen kopurua handitzeko, eta lege-aldaketak egitea, beldur handiena sortzen duten delituei dagozkien zigorrak gogortzeko", nabarmendu du.
Pradales: “Etorkizuna irabazteko Davoseko foroan egon beharra daukagu”
Mundua blokeka banarazi nahi duten horien aurrean, "Europara eta Euskadira demokrazia eta askatasunak ekarri zituen gizarte eradua defendatzeko" asmoz hartuko du parte lehendakariak Suitzan egiten ari diren foro ekonomikoan.
KAAk atzera bota du Euskadiko Euskal Pilota Federazioaren ofizialtasunaren aurka Espainiak jarritako helegitea
Kirola Arbitratzeko Auzitegiak erabaki du ez duela eskumenik Euskadiko Federazioa Euskal Pilotaren Nazioarteko Federazioan sartzearen aurka Espainiako Pilota Federazioak aurkeztutako errekurtsoa ebazteko. Ebazpen horren kontra ezin da helegiterik jarri, eta, beraz, auzia bere horretan geratuko da; alegia, euskal pilota federazioak ofiziala izaten jarraituko du.
Accionaren presidentea ez da joan Nafarroako Parlamentuko Ikerketa Batzordera, eta berriro deitu dute
Otsailaren 9an aurkeztu beharko da. Hala ez balitz, delitu bat egin lezakeela gogorarazi du Batzordearen presidenteak.