Zarauzko PSE-EEko zinegotzi batek herriko gaztetxean jazarpena jasan izana salatu du
Inaxio Illarramendi Zarauzko bigarren alkateorde eta PSE-EEko zinegotzi eta bozeramaile ere badenak pasa den larunbatean herriko gaztetxean (Hiruputzu) jazarpena jasan izana salatu du.
Zinegotzi sozialistak adierazitakoaren arabera, pasa den larunbatean gaztetxera joan zen bikotekidearekin eta lagunekin kontzertu bat ikustera. Une batean, bi pertsona gerturatu zitzaizkion eta adierazi gaztetxean ez zela ongietorria, ondoren, irtetera gonbidatu zuten.
Hiruputzu gaztetxeak larunbatean gertatutakoaren harira oharra kaleratu du "zabaltzen ari den errelato faltsua gezurtatzeko". Azaldu duenez, "ez da egia PSE-EEko zinegotzi bat gaztetxetik bota zenik", ezta gaztetxearen izenean edo talde baten izenean egin zenik, eta "ez da egia eraso bat edo jazarpena jasan zituenik". Edozein kasutan, gogora ekarri du PSE-EEk gaztetxe berri baten kontra bozkatu zuela Zarauzko Udalean, eta, beraz, "ulertzekoa" dela talde horretako kargudun bati adieraztea gaztetxea ez dela bere lekua.
Zarauzko Udal Gobernuak, bere aldetik, gaitzetsi egin du Inaxio Illarramendi Lizarretak larunbat gauean udal eraikina den Zarauzko gaztetxean jasandako "jazarpena".
EAJk eta PSE-EEk bere "gaitzespenik sendoena" adierazi nahi izan dute, "zarauztarrek demokratikoki aukeratutako arduradun publiko izateagatik" jasan duen "eraso honen aurrean".
"Inaxio Illarramendi Lizarretak Zarauzko Udaleko Gobernukide guztien babes osoa du, bere aurkako eta karguaren balio demokratikoen aurkako eraso onartezina izan den egoera tamalgarri honen aurrean", azpimarratu du.
Zarauzko EH Bilduk ere oharra kaleratu du eta salatu egin du bi pertsonak Inaxio Illarramendi gaztetxetik bota izana. Halaber, "babesa" adierazi dio zinegotzi sozialistari, eta jasandakoari "onartezin" iritzi dio.
"Gaztetxeak sortzez dira espazio irekiak, askeak eta elkarrenganako errespetuan oinarrituak. Are gehiago, udal eraikina izaki. Zentzu horretan, horrelakorik gehiago ez gertatzea eskatzen dugu", nabarmendu du.
Bestalde, Eneko Andueza PSE-EEko idazkari nagusiak Inaxio Illarramendi Zarauzko zinegotzi sozialistak herriko gaztetxean jasandako jazarpena salatu du gaur goizean Euskadi Irratian egin dioten elkarrizketan. Horren iritziz, "sinestezina" da gazte bat gaztetxean sartu ezin izatea, sozialista izateagatik. Are gehiago, ez du uste gaztetxearen aurka bozkatu izanak hara joateko eskubidea kentzen dionik. "Denok askatasunez bizitzeko eskubidea daukagu, eta beraien jarrera oso antidemokratikoa izan da", gaineratu du.
Zure interesekoa izan daiteke
Anduezak euskara langileentzako mehatxu dela esan izana larritzat hartu du Estebanek, eta ulertezintzat jo du PSE-EEren jarrera
EBBko presidenteak esan du haserre dagoela, ez dela onargarria gobernukide den alderdi batek horrelakoak egitea eta, okerragoa dena, gezurretan ibiltzea.
Lehendakariak Euskadiren nazioarteko proiekzio kulturala bultzatuko du datorren astean Italiara egingo duen bidaian
Bidaiaren ardatz nagusia mundu mailan arte garaikidearen agertoki nagusietako bat den Veneziako Bienalaren baitan antolatu diren ekitaldietan parte hartzea izango da, 1976an bienalean izandako lehenengo euskal presentziaren 50. urteurrenean.
Andueza, polemikari buruz: "EAJk liskar artifiziala sortu zuen euskarari buruzko akordioa bertan behera utzi zuelako"
Hasi da hauteskunde kanpaina Andaluzian
Sevillan ekin die kanpainako ekitaldiei Alderdi Popularrak; Granadan, Alderdi Sozialistak. Moreno Bonilla PPko hautagai eta gaur egungo presidenteak gehiengo absolutua nahi du; ez du Vox nahi bere gobernuan. Jarraitzaileei botoa ematera joateko deia egin die, inkestek iragartzen duten gehiengo absolutua ziurra ez delakoan. Alderdi Sozialistaren hautagai Maria Jesus Monterok, berriz, inkestek iragartzen dizkioten emaitza txarrak irauli nahi ditu eta zerbitzu publikoen aldeko defentsan oinarritu du kanpaina.
Medikuen gatazkan esku hartzeko eskatu diote EH Bilduk eta PPk Osasun sailburuari
Medikuen grebaz aritu dira gaur, besteak beste, Eusko Legebiltzarrean. EH Bilduk medikuen lan-baldintzak hobetzeko mozioa eraman du ganberara, eta Rebeka Ubera koalizioko legebiltzarkideak Alberto Martinez Eusko Jaurlaritzako Osasun sailburuari eskatu dio, fitxa mugitu eta neurriak hartzeko aferan. Alderdi Popularreko Laura Garridok ere defendatu du Jaurlaritzak badituela eskuduntzak, medikuen egoera hobetzeko.
Koldo Garciak bere "errugabetasuna" defendatu du eta maskaren erosketan erabakitzeko ahalmenik ez zuela gaineratu du
Maskarak iruzurra eginda erosi ziren ala ez ikertzeko egiten ari diren epaiketan, Abalosen aholkulari izandakoak esan du ez duela gogoratzen esleipena egokitu zitzaion eskaintza Aldamak igorri ote zion.
Hauteskundeak, Andaluzian: zer du jokoan alderdi bakoitzak M17an?
Bihar abiatuko da hauteskunde kanpaina Andaluzian. Inkesta guztiek Juanma Moreno PPko hautagaia jotzen badute ere irabazle, ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin indar erakustaldia egin nahi du, azken urteotan galdutako boto-emaileak berreskuratuz.
Atzerri Ministerioak Israelgo enbaxadako arduraduna deitu du Global Sumuden aurkako erasoagatik
Bien bitartean, EH Bilduk, Sumarrek, Podemosek, ERCk, BNGk eta Compromisek Albares ministroaren agerraldia Kongresuan eskatu dute, ontziak eta atxilotuak babesteko hartuko dituen neurriak azaldu ditzan.
Enplegu Publikoaren Legeari zuzenketak egiteko epea bukatuta, jarrerek elkarrengandik oso aldenduta jarraitzen dute
Azken orduetan, zuzenketak erregistratu eta beren jarrerak azaldu dituzte talde parlamentarioek, eta agerian geratu da zein urrun dagoen administrazioan euskararen etorkizunerako funtsezkotzat jotzen den legea erreformatzeko akordioa.
PPren ustez PSE-EE "plantak egiten dabil", eta kritikatu du euskara arloko politiketan "konplizea" dela
Laura Garridok EAJren eta EH Bilduren hizkuntza politikak babestea leporatu dio PSEri, eta enplegu publikoan euskarari buruz egindako erreformak kritikatu ditu.