Itsasertzaren Kudeaketa eta Zinematografia Eusko Jaurlaritzaren esku geratuko dira gaurtik aurrera
Eusko Jaurlaritzak bere gain hartuko ditu gaur Itsasertzaren Kudeaketaren eta Zinematografia- eta ikus-entzunezko jardueraren eskumenak, Transferentzien Batzorde Mistoak Madrilen egingo duen bileran eskualdatzea sinatzen duten momentutik.
Bilera 12:00etan izango da, Lurralde Politikako eta Memoria Demokratikoko Ministerioan, Maria Ubarretxena Gobernantzako, Administrazio Digitaleko eta Autogobernuko sailburua eta Angel Victor Torres Lurralde Politika eta Memoria Demokratikoko ministroa buru direla.
Bertan izango dira Eusko Jaurlaritzaren ordezkari gisa, Ibone Bengoetxea lehendakariorde eta Kultura eta Hizkuntza Politikako sailburua, Nöel d'Anjou Ogasuneko sailburua eta Amaia Barredo Elikadura, Landa Garapen, Nekazaritza eta Arrantzako sailburua ere.
Aldez aurretik, 10:30ean, Erakundeak Koordinatzeko eta Bultzatzeko Azpibatzordearen bilera izango da, Maria Ubarretxena berarekin eta Lurralde Politikako Estatu idazkari Arcadi Españarekin. Foro horren helburua da egiteke dauden transferentzien erritmoa bizkortzea, eta gaurko bilera lau transferentziatan zentratuko da: Itsas Salbamendua, Meteorologia, Bizkaiko Makineriaren Zentroaren Kudeaketa eta, batez ere, Euskadik atzerritarrei lan-baimenak eman ahal izateko baimena emango lukeena.
Imanol Pradales lehendakariak eta Pedro Sanchez Espainiako Gobernuko presidenteak azaroaren 27an itxi zuten Itsasertza Antolatzeko eta Kudeatzeko eta Zinematografiako eskumenen eskualdaketa, Lankidetza Iraunkorreko Bitariko Batzordean. Batzorde hori koordinazio- eta lankidetza-organoa da, eta Eusko Jaurlaritzari transferitzeke dauden gaien negoziazioa gainbegiratzea du xede.
Zure interesekoa izan daiteke
Hauek dira Zapaterok Plus Ultra auziko epailearen aurrean egindako deklarazioaren pasarte nabarmenenak
Espainiako Gobernuko presidente ohiak ukatu egin zuen Plus Ultra aire konpainiaren erreskatean inolako esku hartzerik izan zuela eta bere bulegoan egindako miaketan aurkitutako bitxien inguruan erantzutea saihestu zuen.
Iraolak EAJren eta EH Bilduren "inkoherentzia" salatu du Eibarko sokamuturraren auzian
Eibarko San Joan jaietan sokamuturra berreskuratzea herritarren eskaria izan dela esan du Jon Iraola Eibarko alkateak (PSE-EE). Gaiak eragin duen polemika dela eta, EAJren eta EH Bilduren "inkoherentzia" salatu du, eurek gobernatzen duten udaletan beste jarrera bat omen dutelako. Hauteskunde interesen arabera jokatzea egotzi die bi taldeoi.
Euskararen alorrean harago joateko eskatu dio Barkosek Chiviteri eta zonifikazioa kentzeko
Nafarroako presidente ohiaren ustez, euskara berezko hizkuntza gisa aitortzeak "ez luke ezer aldatuko", eta hizkuntza lurralde osoan ofizial egitea aldarrikatu du.
Getxoko Irurak Bat jauregia eraistearen inguruko ikerketarekin jarraitzea zalantzan jarri du epaileak
Epaitegiak bertan behera utzi ditu hainbat eginbide, eta EAEko Justizia Auzitegi Nagusiak duela gutxi emandako epai bati buruzko iritzia eskatu die aldeei, ikertutako gertakarien balorazio penalean eragina izan dezakeelakoan.
Peinado epaileak pieza berri bat ireki du Begoña Gomez auzian, eta beste bi delitu egotzi dizkio Sanchezen emazteari
Sumarioaren zati nagusiari buruzko atariko entzunaldia astelehenean egin zuen magistratuak, eta orain, pieza berri bat zabaltzea erabaki du, prebarikazioagatik eta EBri iruzur egiteagatik.
Diez Antxustegik espero du enplegu publikoaren legea onartzea eta gerora "ebaluazio bateratua" egitea proposatu dio EH Bilduri
EAJk Legebiltzarrean duen bozeramailearen hitzetan, jeltzaleek egindako proposamena "zuhurragoa" da eta segurtasun juridiko handiagoa ematen du. Behin onartuta, "ebaluazio bateratua" egitea proposatu dio EH Bilduri, "nahikoa ez bada" hartu beharreko neurriak aztertzeko.
Otxandiano: "Akordiorik ez badago, Pradales lehendakariarekin bilera bat eskatuko dut egoera desblokeatzeko"
"Akordioaren parametroak argi daude", Otxandianoren ustez, eta "akordiorik eza ez da aukera bat eta arduraz jokatzeko momentua da", erantsi du. "Lirika eta erretorikaren gainetik, Agirre lehendakariaren izpiritua eta ondare politikoa hiru herrialde hauetan benetan praktikan jartzeko borondatea dago", EH Bilduko bozeramailearen arabera.
18 pertsona hil dira Israelgo Armadak Libano hegoaldearen aurka egindako bonbardaketetan
AEBrekin lortutako akordio-memorandumari eutsiz, Iranek eskatu du Israelek atzera egiteko eta erasoak bertan behera uzteko. Israelgo Gobernuak, bere aldetik, behin baino gehiagotan adierazi du akordio horrek ez duela bera lotzen.
Sanchez, aurrekontuen harira: "Negoziatuko dugu, eta erabakiak hartu behar badira, hipotesi horiek ematean hartuko ditugu"
Espainiako Gobernuko presidenteak berretsi du kontu publikoak aurrera ateratzeko negoziatuko duela, eta adierazi du erabakiak "hipotesi horiek gertatzen direnean" hartuko direla; Exekutiboko iturriek, berriz, azpimarratu dute asmoa legealdia agortzea dela, eta testuinguru honetan baztertu egin dute aurten hauteskundeak deitzea.
Musikaren sektorerako laguntzen banaketaren gardentasuna defendatu du Bengoetxeak, hainbat artistaren kritiken aurrean
Euskal musikaren sektorerako laguntza publikoen banaketaren inguruan sortutako polemikaren aurrean, Eusko Jaurlaritzak hainbat artistak egindako kritikei erantzun die. Laguntzak esleitzeko irizpideei buruzko zalantzen aurrean, Ibone Bengoetxeak prozesua zorrotza dela eta gardentasun osoz gauzatzen dela adierazi du.