Konpainia energetikoen gaineko karga berezia 2025era luzatzea onartu du Espainiako Gobernuak
Konpainia energetikoen gaineko karga berezia 2025era luzatzea onartu du Espainiako Gobernuak. Pedro Sanchez Espainiako Gobernuko presidenteak baieztatu du neurria, 2024ko balantzea egiteko egin duen agerraldian.
Buruzagi sozialistak esan duenez, onartutako arauak deskarbonizazioan eta trantsizio ekologikoan urratsak ematen dituzten enpresei hobari fiskala ezartzeko aukera ere ematen du, zerga berezia kenduta. "Erakutsi nahi dugun konpainia energetikoei ahalegin berezia eskatu behar diegula, eta, era berean, deskarbonizazioren eta hidrogeno berdearen aldeko gure bide-orriari eusten diogula", esan du.
EH Bildu, ERC eta BNG taldeekin adostutako neurria da zerga berezia datorren urtera luzatzea. EAJk eta Juntsek joan den astean tasa hori kentzearen alde bozkatu zuten Diputatuen Kongresuan, enpresa energetikoen inbertsioak arriskuan jarriko dituela argudiatuta.
Orain, Ministroen Kontseiluak lege-dekretua onartu ondoren, Sanchezek inbestidurako taldeekin negoziatzen hasi beharko du berriro, gaur-gaurkoz ez baitu behar duen babesa bermatuta. "Oso kontziente gara gure Parlamentuaren konplexutasuna zein den, baina, umiltasunez, irabaztera aterako gara. Ez dugu ezer galdutzat ematen", esan du Espainiako presidenteak.
Hain zuzen, gaiari buruz hitz egin du goizean, Radio Euskadin egin dioten elkarrizketan, Aitor Esteban EAJk Kongresuan duen bozeramaileak. Adierazi du EAJk energia enpresen kargaren aurka bozkatuko duela, neurri horrek "Kontzertu sistema hausten" duela iritzita.
Diputatu jeltzaleak esan du ez daudela "batere ados zerga bidezko gai bat karga bidez egitearekin". "Azkenean, foru erkidegoekiko harremanen printzipioa erabat hausten du horrek", iritzi dio.
Garraio publikoari hobaria
Halaber, goizeko agerraldian, garraio publikoaren gaineko hobaria datorren urte osora zabaltzea ere onartu dutela jakinarazi du Sanchezek.
Nabarmendu duenez, bere Gobernuak hobariak martxan jarri zituenetik, garraio publikoaren erabiltzaile kopurua % 13 hazi da.
Zure interesekoa izan daiteke
Ollo: "Demokraziaren aldeko borrokan ari zen alderdi karlista baten jarraitzaileak zituzten helburu"
Lizarrako Udaleko Memoria Batzordeak ekitaldia egin du 1976an Montejurran izan ziren gertakarien 50. urteurrenaren kariaz, eta bertan izan da Nafarroako Gobernuko bigarren lehendakariorde eta Memoria eta Bizikidetzako kontseilari Ana Ollo.
Gaur amaitu da Ernairen IV. kongresua
Ezker abertzaleko gazte antolakundeak, Ernaik, gaur amaitu du laugarren kongresua, Bergaran. Bi konpromiso berretsi dituzte bertan: gazteriarekiko konpromisoa eta Euskal Herriarekiko konpromisoa. Horren harian, gazteriaren behar eta kezkak politizatu eta askapen prozesuan txertatzeko ardura hartu dute.
Berdintasuna "betebehar demokratikoa" dela defendatu du EAJk emakume jeltzaleen lana omentzeko ekitaldian
Euzko Alderdi Jeltzaleak emakume jeltzaleen lana goraipatzeko ekitaldia egin du 1922an sortutako Emakume Abertzale Batzaren urteurrenean. Bertan azpimarratu duenez, berdintasuna "ez da aukera politikoa, betebehar demokratikoa baizik".
José Luis López de Lacalle kazetaria omendu dute haren hilketaren 26. urteurrenean
Andoaingo PSE-EEk antolatutako ekitaldian, frankismoaren aurkako militante sozialista historikoa omendu dute. Jose Luis Lopez de Lacalle 2000. urtean tirokatu zuen ETAk, etxeko atarian, egunkariak erostetik zetorrenean.
Pradalesek autoritarismoaren gorakadaz ohartarazi, eta Europa "arinago eta kohesionatuago" baten alde egin du
Lehendakariaren esanetan, nazioarteko zuzenbidea eta demokrazia liberalak mehatxupean daude mundu mailako populismoaren eta autoritarismoaren gorakadaren ondorioz. Euskadik Europa federal batean ahots propioa izatea aldarrikatu du.
50 urte Montejurrako gertakarietatik: karlisten arteko talka, italiar neofaxistak eta… Estatuaren konplizitatea?
Karlismoaren barne-gatazka bat ez ezik, Montejurrako hilketen atzean botere postfrankistek bultzatutako konspirazio izan zen, eskuin-muturreko beste elementu batzuekin batera.
Gurutze Gorriak 3.121 pertsona migratzaile artatu zituen Irunen 2025ean, aurreko urtean artatutakoen erdiak
Euskadik "iparraldeko muga" dela aldarrikatu du, eta "ziurtasuna" eskatu du Europako Migrazio eta Asilo Itunaren aurrean.
Maskaren epaiketa amaituta, epaiak argitu beharko ditu zalantzak
Jose Luis Abalosek, Koldo Garciak eta Victor de Aldamak pandemia garaian maskarak erosteko bi kontratu enpresa jakin bati eta akordio "itxi eta pribilegiatu" batekin esleitzeko erakunde kriminala osatu ote zuten argitu beharko du Auzitegi Gorenak. Zalantza hori eta beste batzuk argitzeko eperik ez du izango.
Polemikak gorabehera, Lander Martinezek ez du arriskuan ikusten EAJren eta PSE-EEren arteko koalizio gobernua
Lander Martinez Sumarreko diputatuak antzerkitzat jo du EAJren eta PSE-EEren arteko azken krisia. Horren arabera, jeltzaleek erabaki dute Moncloarekin harremana tenkatzea Eusko Jaurlaritzako edo aldundietako koalizio gobernuak zalantzan jarri beharrean. "Ez dute interesik gehiengo hori galtzeko", gaineratu du.
EAJk, PSE-EEk eta EH Bilduk zibersegurtasunari buruzko akordioa lortu dute, eta aliantzak PP haserrearazi du
Euskal Polizia modernizatzeko eskatu dio Eusko Legebiltzarrak Jaurlaritzari, ziberdelituen egungo hazkundeari eta ziberkrimenek etorkizunean ekarriko dituzten erronkei aurre egiteko.