Itsasertzaren kudeaketa eta zinematografia, Eusko Jaurlaritzaren esku
Gaur, abenduak 30, argitaratu dute, BOE Espainiako Aldizkari Ofizialean, Espainiako Gobernuak itsasertzaren kudeaketa eta zinematografia eskuduntzak Eusko Jaurlaritzaren esku uzteko erabakia; indarrean daude, beraz, eta urtarrilaren 1ean eta apirilaren 1ean burutuko da prozesua, hurrenez hurren.
Zinematografia eta ikus-entzunezko jardueraren eta itsasertzaren kudeaketa eta antolamenduaren eskumen aldaketa Felipe VI.a Espainiako erregeak eta Pedro Sanchez Espainiako Gobernuko presidenteak sinatutako bi errege dekretutan ofizialdu dute.
Horrela adostu zuten joan den astean, Transferentzien Batzorde Mistoaren bileran, Estatuko Administrazioak eta Eusko Jaurlaritzak, Angel Victor Torres Espainiako Lurralde Politika eta Memoria Demokratikoko ministroa presidente zela eta, Eusko Jaurlaritzaren izenean, Maria Ubarretxena Administrazio Digital eta Autogobernuko sailburua saioan zegoela.
Itsasertzaren kudeaketa eta ordenamenduari dagokienez, Estatuko Administrazio Orokorrak betetzen zituen hainbat funtzio eta zerbitzu hartuko ditu bere gain Euskadik, administrazio, ikuskapen eta zehatzeko ahalmenaren esparruetakoak.
Horrez gain, Transferentzien Batzorde Mistoak 3069/1980 Errege Dekretuaren bidez Estatuko Administrazioak Euskadiren esku utzi zituen hainbat funtzio zabaltzea ere adostu du. Eremu hauetako funtzioak dira: fundazioak, kultura elkarteak, liburu eta liburutegiak, zinematografia, musika eta antzerkia, gazteria eta sustapen soziokulturala, ondare historiko-artistikoa eta kirola.
Akordio horri jarraituta, Autonomia Erkidegoaren ardura izango dira aurrerantzean hizkuntza dibertsitatea zabaltzeko jardueren laguntzen kudeaketarekin, ikus-entzunezko proiektuen garapenarekin eta euskararen ikus-entzunezko sustapenarekin lotutako hainbat funtzio.
Bestalde, Autonomia Erkidegoaren lana izango da gaztelania ez diren hizkuntza koofizialetako zinematografia eta ikus-entzunezkoak sustatzeko funtserako ekarpenen bilketa kudeatzea.
Zure interesekoa izan daiteke
Gipuzkoak "plan estruktural bat" eskatu dio Espainiako Gobernuari Ceutako adingabeak hartzeko
Irune Berasaluze foru bozeramaileak adierazi du Gipuzkoa prest dagoela adin txikikoak hartzeko. Hori bai, baldintza batzuk ezarri dizkio Espainiako Gobernuari. Ezinbestekoa da, bere hitzetan, plan estruktural bat edukitzea, eta inprobisazioek ez dute lekurik izan behar.
"Politikan gizatasunez jardutea" eskatu du Chivitek, Ceutan bakarrik dauden adingabeen egoeraren aurrean
Maria Chivitek eskatu du alde batera uzteko Ceutan familiarik gabe dauden haurren egoera "deshumanizatzeko" ahalegina. Adingabe horien "muturreko egoera" nabarmendu du Nafarroako presidenteak, eta berretsi du Nafarroak beteko dituela bere betebeharrak, baina gainerako erkidegoei ere gauza bera egiteko deia luzatu die.
Irunek mugako trafikoaren aurrean duen "bakardadea" salatu du alkateak, eta Eusko Jaurlaritzak Frantzia seinalatu du
Cristina Laborda Irungo alkateak Eusko Jaurlaritzaren eta Gipuzkoako Foru Aldundiaren inplikazio handiagoa eskatu du, eta Ricardo Ituarte Segurtasun sailburuordeak, berriz, Ertzaintzaren kudeaketa defendatu du, eta Frantziako agintariak jo ditu mugan trafikoa arintzearen arduradun gisa.
Ceutan bakarrik dauden adingabeak euren familiekin bueltatzearen beharra azpimarratu du Eusko Jaurlaritzak
Horretarako aukera guztiak agortzeko eskatu dio Lakuak Espainiako Gobernuari, horiek autonomia erkidegoetan banatu aurretik.
Nafarroak adingabeen banaketa "beteko" du, baina beste erkidegoen "elkartasunik eza" ordaindu gabe
Javier Remirez Nafarroako Gobernuko lehen presidenteorde eta bozeramaileak adierazi duenez, Nafarroak "araudia beteko du" eta inoren kargura ez dauden adingabe migratzaileen banaketari eta harrerari men egingo die, baina ez du ordainduko "beste autonomia-erkidego batzuen elkartasunik eza".
Ceutako 500 neska migratzaile penintsulara eramateko lanean ari da Espainiako Gobernua
Espainiako Gobernua lanean ari da bakarrik dauden 500 bat neska migratzaile penintsulara eramateko, uztailaren amaierako sarrera masiboaren ondoren Ceutan daudenak. Gazteria eta Haurtzaro Ministerioa aztertzen ari da adingabeak babesteko erakundeek baliabide egokituetan har ditzaten, haien tutoretza autonomia-erkidegoei transferitu beharrik gabe.
Bilboko Konpartsek eta Sarek manifestazioa deitu dute abuztuaren 28rako, 2027an "euskal presorik egon ez dadin" aldarrikatzeko
Sarek eta Bilboko Konpartsek Etxera Eguna deitu dute abuztuaren 28rako, Aste Nagusi betean, “euskal preso, iheslari eta deportatuak etxera itzultzea” aldarrikatzeko. Horretarako, manifestazioa eta herri-bazkaria egingo dute. Halaber, gaurko agerraldian, 2027ko jaiak presorik eta errepresaliaturik gabeko lehenak izatea jarri dute helburutzat.
Ceutako adingabe migratzaileak beren familiekin bueltatzearen alde eta, ezin den kasuetan, hartzearen alde egin du Jaurlaritzak
Txema Ezkerra Haur, Nerabe eta Familia zuzendariaren ustez, "onartezina" da Voxek arlo hori kudeatzen duen erkidegoetan legea ez betetzea, eta Estatuari esku-hartzeko eskatu dio.
Burlatako Udalak aho batez gaitzetsi du UPNko zinegotzi bati jaietan egindako erasoa
Pasa den larunbatean Carlos Oto UPNko zinegotziari eraso egin zioten alderdi erregionalistaren egoitzan, hainbat alderdikide eta beste hainbat pertsona bilduta zeudela.
"Errealitatea makillatzea" egotzi dio Ceutako presidenteak Gobernuari, eta krisia konpontzeko 30 egun eman dizkio
Juan Vivasek gogor kritikatu du Gobernua uztailaren 30ean eta 31n Marokotik 70.000 pertsona inguru hiri autonomora sartu ondoren sortu den migrazio-krisiaren aurrean "erantzun ezagatik" eta "pasibotasunagatik". Agerraldi batean, Vivasek galdetu du ea Gobernuaren pasibotasunak Maroko "ez molestatzea" bilatzen duen, eta iragarri du botere judizialera eta beste estamentu batzuetara joko duela krisia 30 eguneko gehieneko epean konpontzen ez bada.