Miguel Angel Rodriguezek aitortu du Ayusoren bikotekidearen mezu bat filtratu zuela hedabideetara
Miguel Angel Rodriguezek, Madrilgo Erkidegoko presidente Isabel Diaz Ayusoren kabineteburuak, aitortu du azken horren bikotekidearen mezu bat filtratu zuela hedabideetara. Zehazki, Alberto Gonzalez Amadorren (Ayusoren bikotekidea) abokatuaren eta bere kontrako auziko Julian Salto fiskalaren arteko mezu elektroniko bat zabaldu zuela onartu dio Auzitegi Goreneko epaileari.
Itxuraz, mezuan fiskalak salaketa bat jarriko zutela jakinarazi zion abokatuari, eta akordio bat erdiesteko aukera zegoela ere bazioen. Dena dela, mezuaren berri eman badu ere, Rodriguezek ez du argitu posta elektroniko hori nondik eskuratu zuen. "Hori da nik zabaldu nuen mezua, besterik ez dakit", zehaztu du, bestelako xehetasunik eman gabe.
Auzitegi Gorenean lekuko gisa deklaratu du gaur Ayusoren kabineteburuak, Alvaro Garcia Ortiz Estatuko fiskal nagusiaren aurka zabaldutako ikerketaren ardura duen Angel Hurtado epailearen aurrean. Ia 45 minutuz eman ditu azalpenak, eta handik atera denean, atarian zain zituen hedabideen aurrean adierazpenak egin ditu. Ez du deklarazioari buruzko argibiderik eman. Soilik esan du "luzea eta errepikakorra" izan dela.
Hedabideetara filtratutako mezu elektronikoaz aritu da, eta horrekin batera, ziurtatu du ez zuela aurretik (martxoaren 2an) Ayusoren bikotekideak fiskalari igorritako postaren berririk. Hain zuzen, mezu hori izan da ikerketaren abiapuntua. Bertan, bi delitu fiskal aitortzen zituen, antza, Gonzalez Amadorrek —pandemia garaian musukoen salmentarekin 350.000 euroko iruzurra egin zuela, besteak beste—, eta akordioa ixtea eskaini zion Fiskaltzari.
Horiek esanda, Rodriguezek esan du Estatuko fiskal nagusia "epaitu" eta "zigortu" egin behar dela, "zigor eredugarria" ezarrita, "beste inork ez dezan herritar bati buruzko espedienterik zabaldu". Sekretuak ezagutzera emateagatik ari dira ikertzen Alvaro Garcia Ortiz.
Zure interesekoa izan daiteke
Albares Kongresuan izan liteke ostegunean, Global Sumud Flotillaren egoeraren berri emateko
Kongresuko Osoko Bilkuran ministroaren agerraldia eskatu zuten Sumarrek, ERCk, EH Bilduk, Podemosek, BNGk eta Compromisek duela egun batzuk, Global Sumud Flotillan parte hartzen duten ontzi eta pertsonak babesteko eta laguntzeko hartuko dituen ekintzak zein erabakiak azal ditzan.
Espainiako Gobernuak astelehenean eskualdatuko dio Jaurlaritzari Zubietako espetxearen gaineko eskumena
Denis Itxaso Etxebizitza sailburuak eta Maria Jesus San Jose Justizia sailburuak otsailean jakitera eman zituzten epeak beteko dituzte horrela, kartzela berria 2026ko maiatza eta ekaina bitartean irekiko zutela iragarri baitzuten.
Anduezak euskara langileentzako mehatxu dela esan izana larritzat hartu du Estebanek, eta ulertezintzat jo du PSE-EEren jarrera
EBBko presidenteak esan du haserre dagoela, ez dela onargarria gobernukide den alderdi batek horrelakoak egitea eta, okerragoa dena, gezurretan ibiltzea.
Lehendakariak Euskadiren nazioarteko proiekzio kulturala bultzatuko du datorren astean Italiara egingo duen bidaian
Bidaiaren ardatz nagusia mundu mailan arte garaikidearen agertoki nagusietako bat den Veneziako Bienalaren baitan antolatu diren ekitaldietan parte hartzea izango da, 1976an bienalean izandako lehenengo euskal presentziaren 50. urteurrenean.
Andueza, polemikari buruz: "EAJk liskar artifiziala sortu zuen euskarari buruzko akordioa bertan behera utzi zuelako"
Hasi da hauteskunde kanpaina Andaluzian
Sevillan ekin die kanpainako ekitaldiei Alderdi Popularrak; Granadan, Alderdi Sozialistak. Moreno Bonilla PPko hautagai eta gaur egungo presidenteak gehiengo absolutua nahi du; ez du Vox nahi bere gobernuan. Jarraitzaileei botoa ematera joateko deia egin die, inkestek iragartzen duten gehiengo absolutua ziurra ez delakoan. Alderdi Sozialistaren hautagai Maria Jesus Monterok, berriz, inkestek iragartzen dizkioten emaitza txarrak irauli nahi ditu eta zerbitzu publikoen aldeko defentsan oinarritu du kanpaina.
Medikuen gatazkan esku hartzeko eskatu diote EH Bilduk eta PPk Osasun sailburuari
Medikuen grebaz aritu dira gaur, besteak beste, Eusko Legebiltzarrean. EH Bilduk medikuen lan-baldintzak hobetzeko mozioa eraman du ganberara, eta Rebeka Ubera koalizioko legebiltzarkideak Alberto Martinez Eusko Jaurlaritzako Osasun sailburuari eskatu dio, fitxa mugitu eta neurriak hartzeko aferan. Alderdi Popularreko Laura Garridok ere defendatu du Jaurlaritzak badituela eskuduntzak, medikuen egoera hobetzeko.
Koldo Garciak bere "errugabetasuna" defendatu du eta maskaren erosketan erabakitzeko ahalmenik ez zuela gaineratu du
Maskarak iruzurra eginda erosi ziren ala ez ikertzeko egiten ari diren epaiketan, Abalosen aholkulari izandakoak esan du ez duela gogoratzen esleipena egokitu zitzaion eskaintza Aldamak igorri ote zion.
Hauteskundeak, Andaluzian: zer du jokoan alderdi bakoitzak M17an?
Bihar abiatuko da hauteskunde kanpaina Andaluzian. Inkesta guztiek Juanma Moreno PPko hautagaia jotzen badute ere irabazle, ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin indar erakustaldia egin nahi du, azken urteotan galdutako boto-emaileak berreskuratuz.
Atzerri Ministerioak Israelgo enbaxadako arduraduna deitu du Global Sumuden aurkako erasoagatik
Bien bitartean, EH Bilduk, Sumarrek, Podemosek, ERCk, BNGk eta Compromisek Albares ministroaren agerraldia Kongresuan eskatu dute, ontziak eta atxilotuak babesteko hartuko dituen neurriak azaldu ditzan.