Iruñeko Erorien Monumentua eraldatzeko lege-erreforma onartu dute
Nafarroako Parlamentuak onartu egin du Iruñeko Erorien Monumentua eraldatzeko —ez eraisteko— beharrezkoa den lege-erreforma. Madrilgo Cuelgamuros haranean eraikitakoaren ondotik, zutik dagoen bigarren eraikuntza frankista handiena da Iruñeko Erorien Monumentua.
33/2013 Foru Legearen erreforma aurrera atera da PSN, EH Bildu eta Geroa Bai taldeen aldeko botoekin. Pasa den azaroan, aipaturiko taldeek eraikina eraldatzeko akordioa lortu zuten eta hainbat elkarte memorialista aurka agertu ziren, aspaldidanik eraistea eskatzen dutelako. Horren ordez, esanahia aldatu, eta askatasunaren eta demokraziaren aldeko espazio bihurtuko dute.
Zurekin Nafarroak —monumentua eraistearen aldekoa delako— eta UPNk, PPk eta Voxek lege-erreformaren aurka bozkatu dute. Eskuineko hiru alderdien kasuan, edozein eraldaketa egitearen kontra daude.
Inma Jurio PSNren parlamentariak akordioaren balioa jarri du mahai gainean eta sinatzaileek monumentu horren gaineko neurriak hartzeko "gehiengo nahikoa" dutela nabarmendu du. Halaber, uste du eztabaida eraitsi ala ez baino zabalagoa dela.
EH Bilduko Arantza Izurdiagaren esanetan, gaur-gaurkoz monumentua eraistea "bideraezina" da zailtasun juridikoak daudelako eta gehiengo politiko nahikorik ez dagoelako. Gaineratu duenez, Memoria Historikoaren Legeak ez du horretara behartzen.
Geroa Baiko Mikel Asiain parlamentariak onartu du "gutxieneko akordioa" dela. Azpimarratu du alde guztiak "konbentzitzen ez dituen arren", aurrera egitea eta monumentuari buruzko nolabaiteko adostasun sozial eta politikoa lortzea ahalbidetu duela.
UPNko Javier Esparzaren iritziz, lege-proposamen "baztertzailea" da, adostasunik eta parte-hartzerik gabe egin delakoan. Halaber, gaur baino lehen, monumentuari bere hasierako esanahia aldatu zaiola uste du.
PPko Javier Garcia parlamentaria ildo beretik mintzatu da, eta salatu du sinbolo frankistak eraistea ez dagoela Nafarroako herritarren lehentasunen artean.
Carlos Guzman (Nafarroa Zurekin) oso kritiko mintzatu da eta salatu du gaurkoa Nafarroako legedia memorialistaren historian mugarri izango dela. Ildo horretan, ez du ulertzen Nafarroan gehiengo progresista egonik eraikin frankista "betikotzeko" erabakia hartu izana.
Azkenik, Maite Nosti Voxen ordezkariak Nafarroako Gobernuari eskatu dio nafarren gaur egungo arazoei heltzeko.
Albiste gehiago politika
Semper: "EAJ jabetzen hasi da PSOEk botata utziko duela edozein unetan"
PPko bozeramailearen arabera, "Euskadin etorkizunerako aukera, aritmetikoa, PSE Bildurekin joatea da, EAJren aukera albo batera utzita".
Lehendakariak baztertu egin du Cerdan auziak EAJ-PSE gobernuari eragitea: "Egonkortasuna zaintzea garrantzitsua da"
"Zorionez, Euskadin bestelako giro politikoa dugu. Ez gaude madrildarren lokaztian", adierazi du lehendakariak Cerdan auziak Euskadin izan ditzakeen ondorioez galdetu diotenean.
"Sanchezen aldetik, irmotasun, gardentasun eta azkartasun handiagoa behar da"
Lehendakariaren ustez, Espainiako legegintzaldia "beste fase batean sartu da", azken egunetan ezagutu diren ustezko ustelkeria kasuen ostean. "Egoera oso larria da, eta zapaldu ezin daitekeen ildo etiko bat dago jokoan", gaineratu du Pradalesek.
Imanol Pradales: "Akordio batzuk zabaldu izana gustatuko litzaidake"
Lehendakari izan den lehen urtean zer ez den ondo egin galdetu diotenean, Imanol Pradalesek esan du gustatuko litzaiokeela "akordio batzuk zabaltzea, batez ere aurrekontuen arloan". Gainera, lehendakariak kritikatu du zenbait unetan gobernukideek publikoki erakutsi dituztela desadostasunak. "Aldez aurretik sukaldeko lana eginda saihestu genitzakeen", gaineratu du.
Alzorrizek dimisioa eman du PSNko idazkariorde nagusi gisa, bere bikotekideak Servinabarren lan egin zuela onartu ondoren
Alzorrizek ere dimisioa eman du Nafarroako Parlamentuko PSNren bozeramaile gisa, baina parlamentari bezala jarraituko du. Prentsaurrekoan jakinarazi duenez, bere bikotekideak Belateko tuneletako eraikuntzan parte hartu zuen Servinabar enpresan lan egin du. UCOk adierazi du Cerdan enpresa horren % 45en jabe zela.
Berdintasun ministroak prostituzioa debekatzeko lege proposamena eramango du irailean Ministroen Kontseilura
Ana Redondo ministroaren esanetan, "Espainiako gizartea eraldatuko duen legea izango da", eta "prostituzioa eta matxismoa desagerrarazteko bide horretan" lagunduko du.
EAJk eta EH Bilduk ustelkeriaren aurka irmotasun handiagoz jardutea eta itunak betetzea eskatu diote Sanchezi
Bi euskal alderdiak Espainiako Gobernuko presidentearekin bildu dira asteazken honetan, Moncloan, 'Cerdan auzia'k irekitako krisiaren harira. Biek ala biek erregenerazio demokratikoa eta erantzukizuna eskatu diote Sanchezi, baina ñabardura ezberdinak izan dituzte, tonuari eta eskakizunei dagokienez.
Chivitek dio ez duela Cerdanen eta Servinabarren loturaren berririk eta PSNren kontuen auditoria iragarri du
Horrez gainera, “politikari eta pertsona gisa traizionatua” sentitzen dela esan du Nafarroako Gobernuko presidenteak.
Ibarrolaren ustez Chivitek dimisioa eman beharko luke "Belateko lanak Cerdanen enpresari esleitu bazaizkio"
Cristina Ibarrola UPNren presidentearen iritziz, "agerikoa da Chivite presidentea gero eta inguratuago dagoela". "Nafarroan esleitutako obra publiko handiena Cerdanen % 45eko parte-hartzea duen enpresa bati" esleitzea "eskandalua" dela esan du.
Nafarroako Gobernua akusazio partikular gisa aurkeztuko da ‘Koldo auzian’
Foru Gobernuko iturriek azaldu dutenez, Maria Chivitek dagoeneko iragarri duen ikuskaritza hirukoitzaren baitan hartutako erabakia da, “gardentasuna” bermatzeko neurri gehigarri gisa.