EH Bilduk berdinen arteko errepublika aldarrikatuko du Aberri Egunean, militarismoa gora doan testuinguruan
"Militarismoa, indarra eta oihanaren legea" nagusitzen ari den nazioarteko testuinguru honetan, EH Bilduk aldarrikatu du koalizio antimilitarista dela eta "berdinen arteko errepublika" eraikitzea dela bere erronka.
Arnaldo Otegi EH Bilduren idazkari orokorrak 2025eko Aberri Eguna aurkeztu du, gaur goizean, Iruñean egin den ekitaldian. "Askatasunaren Nazioa Gara" lelopean, askatasuna aldarrikatuko du koalizio abertzaleak datorren apirilaren 20an Nafarroako hiriburuan. "Nazioa garela eta euskaldunak garela harro aldarrikatuko dugu", gaineratu du.
Otegik nazioarteko testuinguruari azpimarra egin dio. Alde batetik, militarismoa gora egiten ari dela eta II. Mundu Gerraz geroztik nazioartean eraikitako "egitura instituzionala" suntsitzen ari dela ohartarazi du. Azaldu duenez, "Oihanaren legearen pean", autoritarismoan eta militarismoan oinarritzen ari da munduko ordena eta "hori kaltegarria da Euskal Herriarentzat eta munduarentzat ere bai".
Bestetik, gogora ekarri du aurten 50 urte betetzen direla Francisco Franco diktadorea hil zenetik eta Txiki eta Otaegi fusilatu zituztenetik. Halaber, beste efemeride bat ere gogoan hartu du, hots, 39 urte direla Hego Euskal Herriko lau probintziek NATOri "ezetz" esan ziotenetik.
Nazioarteko testuinguru horretan, Euskal Herria "beste bide bat" hartzen ari dela nabarmendu du Otegik, eredu berdinzaleago, sozialista eta burujabetzaren aldekoa, eta gaineratu du beste bide hori aldarrikatzeko ere balioko duela Aberri Egunak.
Otegik apirilaren 20ean Iruñean egingo den festa eta mobilizazioan parte hartzera gonbidatu ditu euskal herritarrak, "Euskal Herria nazio bat dela, euskaldunak garela eta harro gaudela aldarrikatzera eta beste hainbat gauza aldarrikatzera".
"Askatasunaren nazioa gara eta hori aldarrikatzera gatoz Iruñera", gehitu du.
Bestalde, Pedro Sanchez Espainiako Gobernuko presidenteak Vox ez beste alderdi guztiekin Espainiaren gastu militarra handitzeari buruz deitutako bilerari begira, gobernuburuak esan beharrekoa entzun arte itxaron nahi du EH Bilduk bere posizioa zehazteko.
Zure interesekoa izan daiteke
Gerren aurkako eta askatasunaren aldeko deiak Eibartik, gaur Memoria Demokratikoaren Leku izendatua
Unzaga plazan, udaletxea dagoen lekuan eta duela 95 urte Alfonso XIII.aren plazaren ordez Errepublika plaza izendatua izan zen lekuan, ekitaldia egin dute gaur, Espainiako Gobernuak Eibar Memoria Demokratikoaren Leku izendatu duela egiaztatzen duen plaka agerian uzteko. Herritar ugariz gain, bertan izan dira erakundeetako ordezkariak, tartean Pablo Bustinduy Eskubide Sozialen, Kontsumoaren eta 2039 Agendaren ministroa.
Euskararen Legea eztabaidatzeko epea luzatzea eskatuko dio EAJk Eusko Legebiltzarreko mahaiari
Alderdi jeltzalearen esanetan, euskarak akordio bat behar du, "orain hori baita garrantzitsuena", eta, akordio hori lortzeko beste alderdiekin negoziatzen hilabeteak daramatzan arren, denbora gehiago behar dutela onartu du. "Gure proposamenak euskararen erabilera sustatzea eta LEPak segurtasun juridikotik blindatzea du helburu", defendatu du. EH Bilduk alderdi interesak lehenestea egotzi die EAJri eta PSE-EEri.
Sanchez, Begoña Gomezen auzipetzeari buruz: "Ziur nago, denborak jarriko du bakoitza dagokion tokian"
Begoña Gomez emaztea akusatuen aulkian eserita ikusiko ote duen galdetuta, Justiziari "justizia egiteko" eskatu dio Pedro Sanchez Espainiako gobernuburuak.
Amaia Aguirre Getxoko alkatea ez da hurrengo udal-hauteskundeetara aurkeztuko
Oraingoz, Bizkai Buru Batzarrak ez du jakinarazi nor izango den Getxoko hautagaitza jeltzalearen burua. Erabakia udalerriko hiru batzokiek hartuko dute.
Migratzaileen erregularizazioari buruzko gida bat argitaratuko du Eusko Jaurlaritzak, "denbora errekorrean"
Nerea Melgosa Ongizate, Gazteria eta Erronka Demografikoaren sailburuak iragarri duenez, egoera irregularrean dauden migratzaileak erregularizatzeko Espainiako Gobernuak onartuko duen "behin betiko" testua izan bezain laster, Eusko Jaurlaritzak gida bat egin eta argitaratuko du, "denbora errekorrean". Horretan, izapideak egiteko baldintzak eta urratsak azalduko dira.
Koldoren emazte ohiak esan du Ferraz “oso zorrotza” zela gastuen itzulketekin, eta eskatu egiten zituela tiketak
Patricia Urizek Abalos, Koldo Garcia eta Aldamaren aurkako epaiketan deklaratu du, eta ukatu egin du dirua aipatzeko hizkera kodetua erabiltzen zuela; beste lekuko batzuek, berriz, eskudiruz egindako ordainketak eta maskaren auziarekin lotutako operazioak azaldu dituzte.
Kitchen auziko polizia-ikerketaren buruak esan du Barne Ministerioak Barcenasi kontrol "sakona" egin ziola, espetxean zela
Ministerio Fiskalak egindako galderei erantzunez, ikerketa polizialaren arduradunak azaldu du ikerketak argi utzi zuela Villarejok bi pertsonari ematen ziela auziari buruzko aurrerapausoen eta albisteen berri: Eugenio Pino zuzendari laguntzaile operatiboari eta "batez ere" Estatu idazkari ohi Francisco Martinezi.
Aitor Esteban: "Gauetik goizera Iparraldea ez da abertzale bihurtu; dinamikak oso ezberdinak dira, eta, askotan, pertsonalak"
Aitor Esteban EAJren EBBko presidenteak, ETB2ko En Jake saioan erantzun dio de Andres popularrari, esanez "PPk herri honetan zer gertatzen den jakin gabe" jarraitzen duela. Jeltzaleen buruak uste du "irakurketa erabat okerra" egitea dela "goizetik gauera Iparraldea abertzale" bihurtu dela pentsatzea. "Ez da hori kontua. Dinamika oso ezberdinak dira Iparraldean, eta askotan pertsonalak dira", ohartarazi du. Eta adierazi duenez, ezin zioten Jean-Rene Etchegarayri irabazten utzi, azken urteetako bere politikak "egokiak ez" zirela esan ostean eta Peio Etxalekurekin izandako "tentsioen" ondoren.
"Ezker erradikalari lekukoa ematea" egotzi dio Euskadiko PPk EAJri, eta horren adibide jarri du jeltzaleek Iriarti Iparraldean emandako babesa
Gasteizen egin duen prentsaurreko batean, Javier de Andres EAEko PPren presidenteak salatu du "ulertezina" dela EAJ "zentralitatean egotea eta haren botoak beti Bildun amaitzea", Alain Iriart (EH Bai) Euskal Hirigune Elkargoaren buru izateko EAJk emandako babesari aipamena eginda.
Begoña Gomez epaitzea proposatu du Peinado epaileak, lau delitu egotzita
Juan Carlos Peinado magistratuak auziaren instrukzioa itxitzat eman du, eta Pedro Sanchezen emaztea epaitzea proposatu du, lau delitu egotzita: eraginen trafikoa, ustelkeria negozioetan, ondasun publikoak bidegabe erabiltzea eta bidegabeko jabetzea. Halaber, bost eguneko epea eman die aldeei ondorioak aurkez ditzaten.